Masamu 92:1-15
Isamu. Kamina kefuku daSabata.
92 Chachiwahi kumusakilila Yehova+Nikwimba tumina twakushimeka* ijina deyi, eyi Mukakubadika Chikupu,
2 Kushimuna kukeña kweyi kwakashinshi+ nantetemenaNikushimuna kushinshika kweyi mafuku ejima nawufuku,
3 Kuzatisha chisanji chanyonji 10 nindimba,Nachivumina chachiwahi chakadada.+
4 Muloña wunanzañaleshi, nayuma yiwuneli, eyi Yehova;Nadikuwaña namuzañalu muloña wanyidimu yamakasa eyi.
5 Ochiyatoha nyidimu yeyi, eyi Yehova!+
Ochiyasweja kukunama yitoñojoka yeyi!+
6 Kwosi muntu wabula maana wunateli kuyilukaku;Nawa kwosi chisupi wunateli kwiluka mwatalisha yumiyiku:+
7 Neyi antu atama avula neyi nseela*Nawa ejima elaña yuma yatama avula,Avulaña kulonda ayijilumuni haya nyaaka.+
8 Ilaña eyi watuumbakana haya nyaaka, eyi Yehova.
9 Eyi Yehova, talaña chakayishindawu ayilumbu jeyi,Mwalala ayilumbu jeyi akajiya;Ejima elaña yuma yatama akayipalañesha.+
10 Ilaña eyi wakavulisha ñovu* jami neyi jeboñu dañombi;*Nakwovwahisha ikowa dami namanji amawahi.+
11 Mesu ami akamona chakayishindawu ayilumbu jami;+Matu ami akatiya chakayishindawu antu atama anlukukaña.
12 Ilaña aloña akatenkuma neyi mutondu wamukomaNawa akakula neyi musida nakutoha muLebanoni.+
13 Ayitumba mwitala daYehova;Akulaña chiwahi mumalubanza aNzambi yetu.+
14 Nimuwushinakaji* akatwalekañahu kusoña nyikaabu;+Akatwalekahu kwikala nañovu* nikumwekana wansi,+
15 Nakushimuna nawu Yehova woloka.
Diyi Ilola dami,+ mudi yena himwekala kubula kuloñaku.
Tumazu twaheshina
^ Hela “kuvumisha yingongu.”
^ Hela “matahu.”
^ MuchiHeberu, “nseñu.”
^ Hela “ñombi yampata yachizamba.”
^ Hela “neyi mutu wunatookashani nanvu.”
^ MuchiHeberu, “atoha.”
