Masamu 94:1-23
94 Eyi Nzambi mukakutenda, Yehova,+Eyi Nzambi mukakutenda, toñekaku!
2 Nyamukaku, eyi Nsompeshi weseki.+
Adinka wanta yifweti yayitelela.+
3 Atama akutwalekahu kushika mpinjinyi, eyi Yehova,Atama akutwalekahu kuzañalala kushika mpinjinyi?+
4 Atatokaña nikuhosha nakudivwimba;Ejima elaña yatama adisambaña awenawu.
5 Achikaña antu jeyi, eyi Yehova,+Nikukabisha wuswana weyi.
6 Ajahaña ntuluwa niñiinza,Nawa ajahaña anyana abula atata jawu.
7 Ahoshaña nawu: “Ya wamonaña wanyi;+Nzambi yaYakoba helukaña chumichiku.”+
8 Ilukenu chumichi, enu mwabula maana;Enu ayisupi, mwakamwekesha kashinshi mwakanyi?+
9 Owu waleñeli* itu, wukukañanya kutiya?
Owu waleñeli disu, wukukañanya kumona?+
10 Owu wololaña nyuza, wukukañanya kuhoshola?+
Yena diyi wenkaña antu maana!+
11 Yehova weluka yitoñojoka yawantu,Nindi himuuya hohu.+
12 Wudi namuzañalu yowu muntu iwololaña, eyi Ya,+Iwadizishaña munshimbi jeyi,+
13 Kulonda mumafuku ayihuñu wakamwinki kuwunda,Sampu anapundi ibuku damuntu watama.+
14 Muloña Yehova hamba komba antu jindi,+Hela kushiya wuswana windi chisayikilaku.+
15 Muloña wunsompeshi wakekala cheñi waloña,Nawa ejima oloka mumuchima akawulondela.
16 Hinyi wukunyamuka nakunkiña kudi antu atama?
Hinyi wukunkwashaku kudi antu elaña yuma yatama?
17 Neyi Yehova hadiña nkwashi yamiku,Chiña nafwa dehi.*+
18 Chinahosheli nami: “Mwendu wami wunakuselumuka,”
Kukeña kweyi kwakashinshi, eyi Yehova, kwatwalekelihu kunkwasha.+
19 Yuma yinakamineña* chiyanswejeleli,*Eyi wankundejeleña nikunwundisha.+
20 Komana itanda datama dinateli* kudinuña hamu naneyiHenohu dinakuleta kukala kuzatisha nshimbi?+
21 Muntu waloña amulukukaña chatama*+Nawa wakadi muloña amufuukwilaña kumujaha.*+
22 Ilaña Yehova wakekala chiswamu chami chakiñewa,*Nzambi yami diyi ilola dami dakuswamamu.+
23 Wakelisha nyidimu yawu yatama kuyifuntila.+
Wakayijilumuna* kuzatisha kutama kwawu awenawu.
Yehova Nzambi yetu wakayijilumuna.*+
Tumazu twaheshina
^ MuchiHeberu, “watumbili.”
^ MuchiHeberu, “nadi kushakama chamwena.”
^ Hela “Yitoñojoka yankabishileña.”
^ Hela “chiyavulili mumuchima wami.”
^ Hela “anyuuli; ansompeshi atama anateli.”
^ MuchiHeberu, “Nawa mashi amuntu wakadi muloña ayifwishaña namuloña (atama).”
^ Hela “wumi wamuntu waloña.”
^ Hela “kaposhi kami kakiñewa.”
^ MuchiHeberu, “wakayimwenesha.”
^ MuchiHeberu, “wakayimwenesha.”
