Masamu 95:1-11
95 Twayenu, tudikuwi namuzañalu kudi Yehova!
Tudikuwenu namuzañalu kudi Ilola detu dawamwinu.+
2 Tuyenu kumesu indi nakumusakilila;+Twimbenu nikudikuwa namuzañalu kudi yena.
3 Muloña Yehova hiNzambi muneni,Mwanta wabadika anzambi ejima.+
4 Muchikasa chindi mudi yuma yakunama yaheseki;Hewulu damapidi hindi.+
5 Kaluñalwiji, katuñiliyi, kekala kindi,+Nawa makasa indi aleñeli iseki dooma.+
6 Twayenu tudifukuli nikudibuka;Tufukamenu kumesu aYehova Ntuñi yetu.+
7 Muloña yena diyi Nzambi yetu,Nawa etu tudi antu akumunyenvu windi,Anyikoku akamenañayi.*+
Dalelu neyi mukutiyilila kwizu dindi,+
8 Bayi muchinchikisha nyichima yenu neyi chichadiña kuMeriba,*+Neyi chichadiña hefuku daMasa* mwisañaku,+
9 Hañesekeliwu ankakulula jenu;+Anjinokeli, hela chakwila amweni nyidimu yami.+
10 Hadi yaaka 40 adina ikiñu naditiyileña kutama, nawa nahosheli nami:
“Hiyantu asenukaña mpinji yejima munyichima yawu;Hiyaneluki njila jamiku.”
11 Dichi nasanyikili mukuzuwa kwami nami:
“Hiyakeñila mukunooka kwamiku.”+
Tumazu twaheshina
^ MuchiHeberu, “amuchikasa chindi.”
^ Daya mukwila nawu, “Kubobola.”
^ Daya mukwila nawu, “Kweseka.”
