Mika 3:1-12
3 Nahosheli nami: “Tiyenu mwani, enu anlomboli* jaYakobaNinenu akulumpi jawantu amwitala daIsarela.+
Komana hiyenu mwatela kwiluka yuma yaloñaku?
2 Ilaña mwahela yuma yayiwahi+ nakukeña yatama;+Antu jami mwayitabolaña makowa nikufumisha nyisunyi kumafwaha awu.+
3 Mwadaña mbiji yawantu jami+Nawa mwowaña makowa awu,Kukotola mafwaha awu, nakuyichika chikupu,+Neyi yuma yinatelekiwu mundehu,* neyi mbiji yidi mundehu.
4 Hanoyu mpinji akamutambika Yehova nawu ayikwashi,Ilaña hakayakulaku.
Wakayisweka chamesu indi hanoyu mpinji,+Muloña wayuma yatama yelañawu.+
5 Yehova nahoshi hadi atuprofwetu anakuluwañesha antu jindi,+Abidikaña nawu, ‘Kuwunda!’+ neyi adi nayuma yakutafunya* mutunwa twawu+Ilaña abidikaña* njita kudi muntu wabulaña kuyishilahu yuma mutunwa twawu, nindi:
6 ‘Mwakekala muwufuku;+ hikwakekala chimwenuku;+Mwakekala hohu mumwidima, kwosi kuhoñaku.
Itena dakahumina hadi atuprofwetu,Nawa mwaana wakayibalumukila mwidima.+
7 Akakumona yimwenu akasawuka,+Nawa akakuhoña akayitiyisha nsonyi.
Wejima wawu akabuta hawevu wahamahembelu awu,*Muloña Nzambi hanayakuliku.’”
8 Hakwila ami, nenzali nañovu muloña waspiritu yaYehova,Ninawuñanji niwulobu,Kulonda nimuleji Yakoba kudikaña kwindi niIsarela nshidi yindi.
9 Tiyenu chumichi mwani, enu anlomboli awantu amwitala daYakobaNinenu akulumpi jawantu amwitala daIsarela,+Mwahela wuñanji nawa mwaheñeshaña yuma yejima yoloka,+
10 Mwatuñaña Ziyona nakupwekesha mashi niYerusalema nakubula kuloña.+
11 Anlomboli jindi asompeshaña namajika kanwa,*+Atupristu indi afweteshaña hakudizisha,+Nawa atuprofwetu twindi ahoñeshaña namali.*+
Ilaña amushindamenaña Yehova,* nakuhosha nawu:
“Komana Yehova hadi nanetuku?+
Kwosi kukala kukutumwekenaku.”+
12 Dichi, hamuloña wanenu,Ziyona akamudima neyi iha,Yerusalema wakabalumuka nyilumba yayuma yinajilumuki,+Nawa mpidi Yetala* yakekala neyi yinañanaña yamwisaña.*+
Tumazu twaheshina
^ MuchiHeberu, “nyitu.”
^ Hela “ndehu yeneni.”
^ Hela hekwawu, “henohu anakusumana.”
^ MuchiHeberu, “kujilika.”
^ Hela “akabuta tunwa twawu.”
^ Hela “atwambaña kumushindamena Yehova.”
^ Hela “nasiliva.”
^ Hela “namaseleka.”
^ Hela “mpidi yatembeli.”
^ Hela “neyi iluña dazandama danyitondu.”