Mika 5:1-15
5 “Ichi wunakuditapola eyi aweni,Eyi mumbanda anakulukukawu;Anatukuchiki.+
Nsompeshi yaIsarela amwetaña kumbaña nambwechi.+
2 Nawa eyi, eyi Betelemi Efurata,+Eyi wakehelamu nankashi hakachi kamakombakaji* amuYuda,Mudi eyi dimwakafuma wami wakekala nyuuli muIsarela,+Wukweti ntachikilu yakushankulu, kumafuku akunyaaka oko-o.
3 Dichi wakayihanaSampu mpinji yanowu wunakuvwala mwana navwali dehi.
Nawa amanakwindi anashali akafunta kudi antu jaIsarela.
4 Wakanyamuka nakubiña nañovu jaYehova,+Nakubadika kwejina daYehova Nzambi yindi.
Nawa akashakama mukuwunda,+Muloña ichi kulema kwindi kukushika kunsa jeseki.+
5 Nawa wakaleta kuwunda.+
Neyi mwini Asiriya alukuka ituña detu nikudatola tuposhi twetu twakola,+Twakamunyamwina atubiña 7, eña, atulamba* 8 awantu.
6 Akabiña ituña daAsiriya nampoku yakabali,+Nikumawiñililu etuña daNimurodi.+
Nawa wakatupulwisha kudi mwini Asiriya,+Neyi alukuka ituña detu nikudatola iluña detu.
7 Ashalahu aYakoba akekala hakachi kawantu amavulu ashiyashanaNeyi wuumi wunafumi kudi Yehova,Neyi nvula yinakusansa hayuma yamenañaYabulaña kukuhwelela mudi muntuHela kuhembelela anyana kawantu.
8 Ashalahu aYakoba akekala hakachi kanyuza,Hakachi kawantu amavulu ashiyashana,Neyi mutupa wudi hadi anyama amwisaña,Neyi mwenzi wamutupa* wudi hanyikanka yanyikoku,Wunakuhita hakachi nakukwata nikutabola;Nawa kwosi wakuyamwinaku.
9 Chikasa cheyi chakayinyamukila akankunyi neyi,Nawa ayilumbu jeyi ejima akajilumuka.”
10 Yehova nahoshi nindi, “Hanodu ifuku,Nakajaha tuwalu tuwudi natu nikukisañana makalu eyi.
11 Nakakisañana nyisumba yidi mwituña deyiNikujilumuna maluña eyi ejima akiñewa.
12 Nakalekesha kupanda kweyi,*Nawa mukachi keyi himwakashalahu katepa wudi wejimaku.+
13 Nakakisañana ankishi jeyi akubaza niyishimi yeyi yidi mukachi keyi,Nawa hiwakadibukahu cheñi kumudimu wakumakasa eyiku.+
14 Nakabwita yishimi yeyi yajila*+ yidi mukachi keyiNawa nakajiyisha nyisumba yeyi.
15 Hanyuza yabulaña kuñovwahilaNakaditenda nakuzuwa ninakulendumuka.”
Tumazu twaheshina
^ Hela “makiñu.”
^ Hela “anlomboli.”
^ Hela “mwenzi wamutupa weyala.”
^ MuchiHeberu, “muchikasa chenu.”
^ Talenu Kulumbulula.
