Mika 7:1-20
7 Oyihuñu yinnamoni! Ami nidi neyi muntu welañaHanyima yakupompesha nyikaabu yamunooñaNikuhuhujola kwekalañaku hanyima yakwaañula nyivinyu,Kuwana chizokofu chanyivinyu yakuda nehi,Kukañanya nimukaabu wachikuyu watachi wunafwilaña.*
2 Antu ashinshika anajiyi* hamaseki;Hakachi kawantu hosi niwumu woloka.+
Wejima wawu abelaminaña kulonda apwekeshi mashi.+
Muntu-himuntu wazombaña manakwindi nekokela.
3 Makasa awu eluka chikupu kwila yuma yatama;+Chilolu nakulomba yawaana,Nsompeshi nakulomba wufwetu,+Muntu walema namwekeshi yuma yafwilañayi,*+Nawa elilaña hamu yumiyi.*
4 Muntu wawu wamuwahi wudi neyi nyiña,Muntu wawu wasweja kwoloka watama kubadika ikoli danyiña.
Ifuku dawakakutalatala eyi nidakukubabesha dakenza.+
Nawa akaluluta.+
5 Bayi mukuhwelela mukwenuHela ibwambu denu imwadikunda nindiku.+
Soñamaku nayuma yiwalejaña muntu wakaamaña muntulu yeyi.
6 Muloña mwana weyala wadiwulaña tata yindi,Mwana wamumbanda wemakenaña mama yindi,+Mumbanda wesumbu wemakenaña muku windi wamumbanda;+Ayilumbu jamuntu hiyantu amwitala dindi.+
7 Hakwila ami kwami, nukutwalekahu kumuhembelela Yehova.+
Nukumuchiñililaña* Nzambi yawamwinu wami.+
Nzambi yami wakantiya.+
8 Eyi chilumbu* chami, bayi wuzañalala muloña wanamiku.
Hela neyi nadimbuki, nukwimana;Hela chakwila nukushakama mumwidima, Yehova wukwikala chejeji chami.
9 Nukumona kuzuwa kwaYehova,Muloña namuvulumuni,+Sampu nahakwiliku muloña wami nakunsompela mwawuñanji.
Wukunleta muchejeji;Nukushinshika hakuloña kwindi.
10 Chilumbu chami niyena wukumona,Nawa nsonyi yikumubuta owu wañilili nindi:
“Yehova Nzambi yeyi wudi kudihi?”+
Mesu ami akushinshika hadi yena.
Ichi akumudatola neyi malowa munyikwakwa.
11 Dakekala ifuku dakutuña mbañu jeyi jamalola;Hanodu ifuku ñinza akajitohesha.*
12 Hanodu ifuku akenza kudi eyiKufuma kuAsiriya nimunyisumba yamuEjipitu,Kufuma kuEjipitu ndo-o nikuKaloña;*Kufuma kukaluñalwiji kamu nakushika kukakwawu, kufuma kumpidi yimu nakushika kuyikwawu.+
13 Nawa ituña dakashala kwamahembi muloña wawantu ashakamañamu,Namuloña wayuma yinakoñiwu.*
14 Biñaku antu jeyi namukombu weyi, mukanka wawuswana weyi,+Owu washakamineña nkawawu mumasaña, mukachi ketempa danyikaabu.
Yilekenu adiili muBashani nimuGiliyadi+ neyi chichadiña mumafuku akushankulu.
15 “Neyi chichadiña mumafuku iwafumini mwituña daEjipitu,Nakamumwekeshela yuma yakuhayamisha.+
16 Nyuza yakamona nawa yakatiya nsonyi hela chakwila yikweti ñovu yamuchidinyi.+
Akasha makasa awu hatunwa twawu;Matu awu akajika.
17 Akalasha lunkuñu neyi tupela;+Akedikaña nawoma mumpwembu jawu neyi anyama ahamaseki asemaña mateta.
Akenza kudi Yehova Nzambi yetu iku anakuzaala,Nawa akakutiya eyi woma.”+
18 Nzambinyi wudi neyi eyi,Wanakenaña yiluwa nikupandakana nshidi+ yawashalahu awuswana windi?+
Hakatwalekahu nakuzuwa haya nyaakaku,Muloña yena watiyaña kuwaha nakukeña kwakashinshi.+
19 Wakatutiyila cheñi luwi;+ wakashinda* yiluwa yetu.
Eyi wakanatila nshidi jawu jejima henyiñi dakaluñalwiji.+
20 Yakoba wakamumwekeshela kashinshi,Abarahama kukeña kwakashinshi,Neyi chiwasanyikili kudi ankakulula jetu kumafuku akushankulu.+
Tumazu twaheshina
^ Hela “wafwilaña wumi wami.”
^ Hela “anakisiki.”
^ Hela “yafwilaña wumi windi.”
^ MuchiHeberu, “achiminaña hamu yumiyi.”
^ Hela “Nukuhembelelaña nakudiwunjika.”
^ MuchiHeberu, izu “dachilumbu” datalisha kudi muntu wamumbanda.
^ Hela hekwawu, “lushimbi lwakekala kwakulehi.”
^ Dikwila nawu, Yufurati.
^ MuchiHeberu, “Muloña wanyikaabu yayilwilu yawu.”
^ Hela “wakadatola.”
