Nahumi 1:1-15
1 Mazu akumusompesha Niniva:+ Mukanda wachimwenu chaNahumi* mwini Elikoshi:
2 Yehova hiNzambi wakeñaña antu kudifukula kudi yena hohu+ nawa watendaña;Yehova watendaña nawa wadiloñesha kumwekesha kuzuwa kwindi.+
Yehova waditendaña nawakankunyi nindi,Nawa wayihembelaña ayilumbu jindi kuzuwa.
3 Yehova hazuwaña swayiku+ nawa wabadika muñovu,+Ilaña dinu Yehova habulaña kubabesha mwashikila antu avulumunañaku.+
Njila yindi yekala mumpepela yajilumunaña nimunvula yampepela,Nawa mavu dilunkuñu lwakunyendu yindi.+
4 Wazuwilaña kaluñalwiji+ nawa wakuumishaña;Nawa wakojejaña tuloña twejima kuuma.+
Bashani niKarimeli jalepaña,+Nawa nkenu jaLebanoni jalepaña.
5 Mpidi jakankaña muloña wayena,Nawa tupidi twasuñunukaña.+
Iseki dakekala mwipumba muloña wachamesu indi,Hamu netuña ninowu ejima ashakamamu.+
6 Neyi yena nahili wunateli kwimanaku hinyi?+
Nawa neyi kuzuwa kwindi kunataati wunateli kuumika hinyi?+
Kulendumuka kwindi akakwichila neyi kesi,Nawa malola akabaloka muloña wayena.
7 Yehova himuwahi,+ himpwembu mwifuku dayihuñu.+
Wakamenaña* anakukeña kuswama mudi yena.+
8 Wukujilumuna chikupu iluña dindi* nadibaji dakombaña,Nawa ayilumbu jindi akwikala mumwidima.
9 Kafutanyi kimukumukasila Yehova?
Yena nakujilumuna chikupu.
Yihuñu hiyakenzahu cheñi kamuchiyediku.+
10 Muloña wena adi neyi nyiña yaditañila,Nawa adi neyi antu anasheti walwa;*Ilaña akasukuma neyi matahu oma.
11 Mudi eyi mwakafuma wamufuukwilaña Yehova yuma yatama,Walejanaña maana amukunkulwayi.
12 Yehova nahoshi nindi:
“Hela chakwila adiña nañovu chikupu nawa amavulu,Ilaña akayitema nawa akafwa.*
Nakuleteli* yihuñu, ilaña hinakakuletelahu cheñi yihuñuku.
13 Ichi dinu nukukotola mpaanda yindi nakuyifumisha hadi eyi,+Nawa nakaketula nyonji yeyi hayedi.
14 Yehova nahoshi kutalisha hadi eyi* nindi,‘Ijina deyi hidakatwalekahuku.
Nakakisañana ankishi akubaza niankishi ayikuñu* mwitala* dawanzambi jeyi.
Nakakwilila ijamu, muloña watama.’
15 Tiyaña! Hampidi hadi nyendu yamuntu wunakuleta nsañu yayiwahi,Muntu wunakubidika kuwunda.+
Daku yawija yeyi,+ eyi Yuda, ilaku mwejima muwasanyikili,Muloña muntu wamukunkulwayi hakahitahu cheñi mudi eyiku.
Akamukisañana chikupu.”
Tumazu twaheshina
^ Daya mukwila nawu, “Mukakunkundeja.”
^ Hela “Wahembaña.” MuchiHeberu, “Weluka.”
^ Dikwila nawu, daNiniva.
^ Hela “walwa watidiku.”
^ Hela hekwawu, “nawa wakahitamu.”
^ Dikwila nawu, Yuda.
^ Dikwila nawu, Asiriya.
^ Hela “ankishi akweñununa.”
^ Hela “tembeli.”
