Nahumi 2:1-13
2 Wapalañeshaña nenzi nakukwimakena.*+
Hembenu mpwembu.
Talatalenuña kunjila.
Dimanyekenu* nawa dikoleshenu chikupu.
2 Muloña Yehova wukufuntisha kulema kwaYakoba,Hamu nakulema kwaIsarela,Muloña anayijilumuni dehi kudi akakujilumuna;+Nawa anakisañani nyitombu yawu.
3 Nkebu jawayilobu jindi anajiloombi wulombu wuchinana,Akakuzuña njita indi anavwali jichinana nge-e.
Manuñilu achikuñu amakalu indi anjita akejimaña neyi kesiMwifuku dadiloñeshañayi kuzuña njita,Nawa mayoña anyinjunga akunyamuna dehi.
4 Makalu anjita atemukaña chikupu munyikwakwa.
Akandukaña nikukunkumuka lufuchi mumalubanza anyisumba.
Atoñekaña neyi yimunyi nawa akejimaña neyi nzaji.
5 Wakatambika amashidika indi.
Akahukanaña chakayañawu.
Atemukilaña kumpwembu yindi;Atuñaña mukoleku.
6 Yenzelu yatuloña akayenzununa,Nawa chipañu akachisanda.*
7 Anahani lushimbi nawu: Anamushiyi hatooka,Anamusendi, nawa añamba jindi awambanda anaabi;Neyi anakweta hantulu* jawu atiyakanaña neyi tupompa.*
8 Mumafuku indi ejima Niniva+ wadiña neyi ijiya damenji,Ilaña ichi anakutemuka.
“Imanenu kuka-a! Imanenu kuka-a!”
Ilaña kwosi wunakutala hanyimaku.+
9 Puupenu siliva, puupenu wuru!
Maheta akumaña wanyi.
Mwenzala yuma yashiyashana yalema wuseya.
10 Mumusumba mwosi jidimu, nashali kwamahembi, najilumuki!+
Nyichima yawu yinasuñunuki nawoma, manuñu awu anazeyi, nkuma jawu jinakuzaala;Wejima wawu kumesu kunadihombi.
11 Wina wawanyitupa wudi kudihi,+ mwadiilaña nyenzi yanyitupa,*Mwedikañayi mutupa namwanindi,Chakadi wakuyitiyisha woma?
12 Mutupa watabolilaña anyanindi mbiji yayivuluNawa washotomwenaña añodi jindi.
Wenzeshaña mayeñu indi nambiji,Meena indi nawanyama akutabola.
13 Yehova wamazaza nahoshi nindi, “Tiyaña! Nukukwimakena,+Nukwocha chikupu makalu eyi,+Nawa mpoku yakabali yikuda nyenzi yanyitupa* yeyi.
Anyama iwakwataña nukuyijiyisha hamaseki,Nawa izu dawantemesha jeyi hidakatiyakanahu cheñiku.”+
Tumazu twaheshina
^ Dikwila nawu, Niniva.
^ MuchiHeberu, “Koleshaku nkuma.”
^ Hela “akachihumuna.”
^ MuchiHeberu, “nyichima.”
^ Hela “tunkudimba.”
^ Hela “nyenzi yanyitupa yawamayala.”
^ Hela “nyenzi yanyitupa yawamayala.”