Yeremiya 47:1-7
-
Wuprofwetu kutalisha hadi aFilisitinu (1-7)
47 Idi didu izu daYehova denjili kudi kaprofwetu Yeremiya kutalisha hadi aFilisitinu,+ henohu Fwaru kanda ashindi Gaza.
2 Yehova nahoshi nindi:
“Tiyaña! Menji anakwinza kufuma kukabeta kakuchimunswa.
Akwikala kaloña kampupa.
Nawa akukumpula ituña niyuma yejima yidimu,Musumba niantu ashakamañamu.
Amayala akukaloka nyitetu,Nawa ejima anakushakama mwituña akudila makumbu.
3 Muloña walushindu lwayikwa yatuwalu twindi twawamayala,Muloña walushindu lwamakalu indi anjitaNimuloña wakuvuma kwatufumbu twindi,Atata jawantu hiyakubalumuka nakusenda anyanawuku,Muloña makasa akela tuhu kwalehu-u,
4 Muloña ifuku dinakwinza dakajilumuna aFilisitinu ejima;+Dakafumisha muTira+ nimuSidoni+ muntu wejima wayikwashaña washalahu.
Muloña Yehova wukujilumuna aFilisitinu,Ashalahu ahachituutu chaKafitori.*+
5 Gaza wukuseyeka ibala.*
Ashikeloni anamumweneshi.+
Enu ashalahu amuchana chawu chachinekineki,Mukutwalekahu nakuditapola kushika mpinjinyi?+
6 Eyi mpoku yakabali yaYehova!+
Wakadiwunjika mpinjinyi?
Funtaku muchindalu cheyi.
Nookaku nawa diwunjiki.
7 Yikudiwunjika ñahiHenohu Yehova nayinki lushimbi?
Nayitemeshi kuya nakulukukaAshikeloni nimukulishu wakaluñalwiji.”+
Tumazu twaheshina
^ Dikwila nawu, Kereta.
^ Dikwila nawu, akatewula nyitu yawu muloña wakudila ninsonyi.
