Yishimu 10:1-32
10 Yishimu yaSolomoni.+
Mwana wamaana wazañaleshaña tata yindi,+Ilaña mwana wasupa waneñeshaña mama yindi.
2 Maheta akuheta munjila yatama akwikala amukunkulwayi,Ilaña kuloña dikwapulwishaña kukufwa.+
3 Yehova hamba kakojeja muntu waloña* kufwa nanzalaku,+Ilaña antu atama wakayikiisha yuma yafwilañawu.
4 Makasa akatala aletaña wuzweñi,+Ilaña makasa adikita aletaña maheta.+
5 Mwana wazataña yuma nakashinshi wapompeshaña mbutu muchilaaka chakwañula,Ilaña mwana waletaña nsonyi wakaamaña swayi.+
6 Nkisu jidi hamutu wamukakuloña,+Ilaña kanwa kamuntu watama kaswekaña madombu.
7 Muntu waloña akamwanuka nawa akamukiswila,+Ilaña ijina damuntu watama dakatoka.+
8 Muntu wekala namaana mumuchima waketeja nshimbi,+Ilaña muntu wunakuhosha jabula maana akamudatola.+
9 Muntu wunakwenda mukashinshi wakenda mukukiñewa,+Ilaña muntu waheñeshaña njila jindi akamukwata.+
10 Muntu watwambaña nakunyachila disu dindi waletaña chineñi,+Nawa muntu wahoshaña jabula maana akamudatola.+
11 Kanwa kamuntu waloña hinsulu yawumi,+Ilaña kanwa kamuntu watama kaswekaña madombu.+
12 Kuhelañana dikwasañumunaña ntaadi,Ilaña kukeña kwabutaña yiluwa yejima.+
13 Maana ekala kunyivumbu yamuntu wukweti kashinshi,+Ilaña mbwechi yakweta nachu nyima yamuntu wabula maana.*+
14 Antu adi namaana ahembaña kwiluka,+Ilaña kanwa kachisupi kaletaña kukala.+
15 Maheta* asamaheta himusumba windi wakiñewa.
Kukala kwawatuzweñi hiwuzweñi wawu.+
16 Nyidimu yamuntu waloña yatwalaña kuwumi:Ilaña yuma yelañayi muntu watama yatwalaña kunshidi.+
17 Muntu watiyaña kubabesha hinjila yaya kuwumi,*Ilaña muntu wadiwulaña kuzuwila wasenwishaña akwawu.
18 Muntu waswekaña kuhelañana kwindi watwambaña,+Nawa muntu wataandishaña nsañu* yatama hichisupi.
19 Neyi mazu avula, hihabulaña chiluwaku,+Ilaña muntu wayuulaña nyivumbu yindi welaña mwamaana.+
20 Idimi damuntu waloña didi neyi siliva yasweja kuwaha,+Ilaña muchima wamuntu watama hiwalema nankashiku.
21 Nyivumbu yamuntu waloña yalombolaña amavulu,+Ilaña chisupi wafwaña muloña wakubula maana.+
22 Nkisu yaYehova diyaheteshaña muntu,+Nawa Yena habombelañaku kukalaku.*
23 Kudi chisupi, kudiñija muyilwilu yansonyi kudi neyi chisela,Ilaña maana, amuntu wukweti kashinshi.+
24 Yuma yachiinañayi muntu watama yakamushikena;Ilaña antu aloña akayinka yuma yafwilañawu.+
25 Neyi nvula yampepela yinahiti, muntu watama hakekalaku nawa cheñiku,+Ilaña muntu waloña hichikuku chahaya nyaaka.+
26 Neyi chatiyakanaña vinega kumazewu niwishi mumesu,Nkopi niyena dichekalayi kudi muntu wamutumaña.*
27 Kumutiya Yehova woma kwavulishaña mafuku akuhanda,+Ilaña yaaka yawantu atama akayihihisha.+
28 Kuchiñeja kwamuntu waloña kwaletaña muzañalu,+Ilaña kuchiñeja kwamuntu watama kwakakisika.+
29 Njila yaYehova hikaposhi kakola kudi muntu wakadi muloña,+Ilaña hikujilumuka kudi antu elaña yatama.+
30 Muntu waloña hiyakamudimbwishaku,+Ilaña antu atama akashakama heseki wanyi.+
31 Kanwa kamuntu waloña kedishaña* maana,Ilaña idimi dadimbanaña akadiketula.
32 Nyivumbu yamuntu waloña yeluka yuma yazañaleshaña,Ilaña kanwa kawantu atama kahoshaña yaheña.
Tumazu twaheshina
^ Hela “wumi wamuntu waloña.”
^ MuchiHeberu, “kubula muchima.”
^ Hela “yuma yalema.”
^ Hela hekwawu, “wudi munjila yaya kuwumi.”
^ Hela “mbonji.”
^ Hela “chineñi; makabi.”
^ Hela “kudi muntu wamwiñija mudimu.”
^ Hela “kasoñaña nyikaabu.”