Yishimu 11:1-31
11 Masikelu akudimbana* awuzondu kudi Yehova,Ilaña chakupiminaku kulema chaloña* chamuzañaleshaña.+
2 Kudinka wanta chikwenza, kusawuka kukulondelahu,+Ilaña maana adi nawantu adikehesha.+
3 Kashinshi kwawantu oloka dikayilombolaña,+Ilaña wupwapoki wawakakudimbana wakayijilumuna.+
4 Maheta* akekala amukunkulwayi hefuku dakuzuwa,+Ilaña kuloña dikwakapulwisha muntu kukufwa.+
5 Kuloña kwamuntu wakadi ihuji kwololaña njila yindi,Ilaña muntu watama wakadimbuka muloña wakutama kwindi yomweni.+
6 Kuloña kwawantu oloka kwakayipulwisha,+Ilaña akakudimbana akafwa muyuma yafwilañawu aweni.+
7 Neyi muntu watama afwa, kuchiñeja kwindi kwajiyaña;Nawa yuma yachiñejañayi muñovu jindi niyena yajiyaña.+
8 Muntu waloña amupulwishaña kuyihuñu,Nawa muntu watama wamusinsaña.+
9 Mukakusekesha* wamuletelaña ntuñi nindi kukala nakanwa kindi,Ilaña aloña ayipulwishaña muloña wakwiluka.+
10 Kuwaha kwamuntu waloña kwaleteshaña musumba kuzañalala,Nawa neyi muntu watama nafwi, mwekalaña kudila kwamuzañalu.+
11 Musumba watuumbakanaña muloña wankisu yamuntu waloña,+Ilaña kanwa kamuntu watama kawusandaña.+
12 Muntu wejima wabula maana* wasawulaña* ntuñi nindi,Ilaña muntu wukweti kashinshi kakeni wadimwenenañahu kwindi.+
13 Muntu watwambaña wayaña nakushimuna nsañu yakujinda,+Ilaña muntu* washinshika wahembaña kajindilu.*
14 Neyi hosi wunlomboli wawuwahi,* antu adimbukaña,Ilaña hadi akakulejana maana* amavulu yuma yalumbulukaña.*+
15 Muntu wejima wuneteji kumufwetelaku muntu wacheñi mukudi,* wakamona kukala,+Ilaña muntu wejima watondolwelaña* kukwata mumakasa,* wakiñewa.
16 Mumbanda wamuwahi* wahetaña kulema,+Ilaña amayala akadi luwi atambulaña maheta.
17 Muntu wamuwahi* wamwenañamu kuwaha yomweni,*+Ilaña muntu wawukatu wadiletelaña yomweni kukala.*+
18 Muntu watama watambulaña nfwetu yakutwamba,+Ilaña muntu wakuwaña kuloña watambwilaña nfwetu yalala.+
19 Muntu wakolela kukwila yaloña wudi munjila yakuwumi,+Ilaña muntu wafwilaña yuma yatama wudi munjila yaya kukufwa.
20 Antu aheña munyichima awuzondu kudi Yehova,+Ilaña ana akweti njila yakadi ihuji amuzañaleshaña.+
21 Ilukaku chumichi neyi:* Muntu watama hiyakabula kumubabeshaku,+Ilaña anyana kakuloña akapuluka
22 Mumbanda walubanji wakaanaña maana amawahiWudi neyi kazeya kawuru kadi mumazulu angulu.
23 Yuma yafwilañawu aloña yalombolaña kuyuma yayiwahi,+Ilaña yuma yachiñejañawu atama yalombolaña kukuzuwa.
24 Muntu wumu wahanaña chakufuma hamuchima* nawa wekalaña nayuma yayivulu;+Mukwawu niyena wakiishanaña, ilaña wekalaña muwuzweñi.+
25 Muntu* wahanaña chakufuma hamuchima yuma yakamuwahila,+Nawa wejima wenkaña* akwawu menji akunwa niyena akamwinka menji akunwa.+
26 Muntu wakaanaña kulandisha mbutu akamushiña kudi antu,Ilaña muntu walandishaña mbutu akamukiswila.
27 Muntu wadikitaña nakufwila kwila yuma yayiwahi, wafwilaña wuselewa,+Ilaña muntu wakeñakeñaña kutama—chalala diyuma yakamuwana.+
28 Muntu wakuhwelelaña mumaheta indi wakadimbuka,+Ilaña aloña akatenkuma neyi mafu akalepu.+
29 Muntu wejima waletaña kukala* kudi amwitala dindi wakaswana mpepela,+Nawa chisupi wakekala nduñu kudi mukamaana.
30 Nyikaabu yamukakuloña himutondu wawumi,+Nawa muntu wakokolaña mawumi* wukweti maana.+
31 Neyi chalala muntu waloña heseki anakumufweta,Dikwila nawu muntu watama nimukanshidi akayifweta kubadikahu.+
Tumazu twaheshina
^ Hela “kulema kwelola kwamukuma.”
^ Hela “akutwamba.”
^ Hela “Yuma yalema.”
^ Hela “Muntu watama.”
^ MuchiHeberu, “kubula muchima.”
^ Hela “kudiwula.”
^ MuchiHeberu, “muntu washinshika muspiritu.”
^ MuchiHeberu, “wabutaña hansañu.”
^ Hela “wunlomboli wamaana.”
^ Hela “wamwinu.”
^ Hela “akakushakama hampuña.”
^ Dikwila nawu, “kudikana.”
^ MuchiHeberu, “wahela.”
^ Hela “kapopu kamuloña.”
^ Hela “walubanji.”
^ Hela “Muntu wukweti kukeña kwakashinshi.”
^ Hela “welilaña wumi windi yayiwahi.”
^ Hela “nsonyi.”
^ MuchiHeberu, “Chikasa nachikasa.”
^ MuchiHeberu, “wapalañeshaña.”
^ Hela “Wumi.”
^ MuchiHeberu, “watukumwinaña chawaana.”
^ Hela “nsonyi.”
^ Talenu Kulumbulula.
