Yishimu 13:1-25
13 Mwana wamaana wetejaña kufumba kwatata yindi,+Ilaña mukakusehana hatiyililaña kukuzuwilaku.*+
2 Yuma yahoshañayi muntu, yinateli kuletesha yuma kumuwahila,+Ilaña mukakudimbana wafwilaña hohu madombu.
3 Muntu wahembaña kanwa* kindi wakiñaña wumi windi,+Ilaña muntu walokota wakamwenamu jakala.+
4 Nkopi wafwilaña yuma yayivulu henohu hakweti chumaku,+Ilaña muntu* wadikita akamwinka yuma yayivulu.*+
5 Muntu waloña wahela makudi,+Ilaña yuma yelañayi muntu watama yaletaña nsonyi nikusawuka.
6 Kuloña kwakiñaña muntu wukweti njila yakadi ihuji,+Ilaña kutama kwadimbwishaña mukanshidi.
7 Kudi muntu wadifwikijaña neyi waheta, ilaña hakweti chumaku;+Kudi mukwawu niyena wadifwikijaña neyi hikazweñi, ilaña wukweti maheta amavulu.
8 Maheta hiifutu danyiloña dawumi wamuntu,+Ilaña atuzweñi hiyayichiinishaña hela hantiku.*+
9 Chejeji chawantu aloña chatoñekaña chikupu,*+Ilaña inoñu dawantu atama akadijima.+
10 Kudinka wanta kwaletaña hohu ntaadi,+Ilaña maana ambala anana akeñaña wukwashu.*+
11 Maheta akuheta* swayi-swayi akakeha,+Ilaña maheta amuntu wapompeshaña twanti-twanti* akavula.
12 Neyi chuma chinakuchiñejayi muntu kushikijewa swayi nehi, chakataña kumuchima,+Ilaña yuma yafwilañayi neyi yinashikijewi himutondu wawumi.+
13 Muntu wejima wadiwulaña nshimbi* wakamona kukala,+Ilaña muntu walemesha nshimbi akamusomwena.+
14 Ntañishilu* yamuntu wamaana hinsulu yawumi+Yafumishaña muntu kunyihetu yakufwa.
15 Kashinshi kalala katambwilaña wuselewa,Ilaña njila yamukakudimbana hiwukatu.
16 Muntu wababala welaña yuma namaana,+Ilaña chisupi wamwekeshaña wusupi windi yomweni.+
17 Ntemesha watama waholokelaña mukukala,+Ilaña kañanda washinshika wokaña.+
18 Muntu wejima wadiwulaña kubabesha wekalaña kazweñi nawa wasawukaña,Ilaña muntu wetejaña kumwolola* akamulemesha.+
19 Yuma yafwilañayi muntu neyi yinashikijewi, yatowala kudi yena,+Ilaña chisupi hakeñaña kufuma kuyuma yatamaku.+
20 Muntu wunakwenda nawakamaana wakekala namaana,+Ilaña muntu wadikundaña nawayisupi wakamona kukala.+
21 Yihuñu yakumpishaña akanshidi,+Ilaña maheta asomwenaña aloña.+
22 Muntu wamuwahi washiyaña wuswana kudi ejikulu indi,Ilaña maheta awakanshidi akekala amuntu waloña.+
23 Iha dadimañayi kazweñi dedishaña yakuda yayivulu,Ilaña anateli kudikomba* muloña wawuñanji waheña.
24 Muntu wabulaña kubabesha* mwanindi wamuhela,+Ilaña muntu wakeña mwanindi wanyakalaña kumubabesha.+
25 Muntu waloña wadaña nakwikuta,+Ilaña mwivumu damuntu watama mwosi yakuda.+
Tumazu twaheshina
^ Hela “kufumba.”
^ Hela “yuma yahoshañayi.”
^ Hela “wumi.”
^ MuchiHeberu, “akamununisha namanji.”
^ MuchiHeberu, “hiyatiyaña kuzuwilaku.”
^ MuchiHeberu, “chazañalalaña.”
^ Hela “ana anakutiyañana.”
^ MuchiHeberu, “kupompesha nachikasa.”
^ Hela “Maheta akuheta mukudivwimba.”
^ Hela “izu.”
^ Hela “nshimbi.”
^ Hela “kumuzuwila.”
^ Hela “kumukomba.”
^ MuchiHeberu, “kubula kuzatisha musanjelu.”
