Yishimu 17:1-28
17 Chachiwahi kuda chitebu chadinkendi dominina iku hadi kuwunda+Kubadika kuda yakuda* yayivulu mwitala mudi kubobola.+
2 Kambuña wudi nakashinshi wakamuyuula mwana waletaña nsonyi;Wakatambulaku wuswana neyi kwiji himanakwawu.
3 Ndehu yakweñunwinamu yasiliva nawa luteñu lwawuru,+Ilaña Yehova diyi mukakushinshika nyichima.+
4 Muntu watama watiyililaña kunhoshelu yatama,Nawa mukakudimbana watiyililaña kwidimi daletaña kukala.+
5 Muntu wejima wasehaña kazweñi watukaña Ntuñi yindi,+Nawa wejima wazañalalaña nayihuñu yamukwawu hiyakakañanya kumubabeshaku.+
6 Ejikulu hichibañula kudi atushinakaji,Nawa atata jawantu* hikulema kwawanyanawu awamayala.*
7 Nhoshelu yoloka* hiyamutelela chisupiku.+
Nawa nhoshelu yakutwamba hiyamutelela nyuuli* hela hantiku.+
8 Chawaana chidi neyi ilola* dalema wuseya kudi yomweni;+Kwejima kwabalumukilañayi, daleteshaña yuma kumulumbulukila.+
9 Muntu wejima wanakenaña* yiluwa wafwilaña kukeña,+Ilaña muntu watwalekañahu kukeñakeña nsañu wambulaña amabwambu adikunda.+
10 Kuzuwila kwashikaña chikupu hamuchima wamuntu wudi nakashinshi+Kubadika kuvupola muntu wasupa mapampa nkulakaji.+
11 Muntu watama wafwilaña hohu kudikaña,Ilaña ntemesha wawukatu akamutemesha kuya nakumubabesha.+
12 Chachiwahi kubulakana bera wunafwishi anyanindiKubadika kubulakana muntu wasupa nawusupi windi.+
13 Neyi muntu afuntisha katama nakakawahi,Kutama hikwakafuma mwitala dindiku.+
14 Kutachika ndombu kudi neyi kwenzununa chenzelu chadibaji;*Fumakuhu henohu kanda hekali kubobola.+
15 Muntu wejima wayiñishaña watama niwafwishaña waloña nanyiloña+—Ejima wawu awuzondu kudi Yehova.
16 Kuwahanyi kudimu neyi chisupi wudi nanjila mwakuhetela maanaHenohu wudana muchima wakuyiheta?*+
17 Ibwambu walala wamwekeshaña kukeña mpinji yejima+Nawa himana kwamuntu wamukwashaña mumpinji yayihuñu.+
18 Muntu wabula maana* wemushaña mumakasa nakwitejaKumufwetelaku mukwawu mukudi nikuhana kapopu kamuloña hamesu antuñi nindi.+
19 Muntu wakeña yikonkojola wakeña kuvulumuna.+
Muntu wejima waleheshaña chiisu chindi wadiletelaña wubanji.+
20 Muntu waheña mumuchima, yuma hiyakamuwahilaku,*+Nawa muntu wahoshaña makudi wakajilumuka.
21 Iyala wavwalaña mwana wasupa wakadineña;Nawa tata yawantu wukweti mwana wabula maana hekala namuzañaluku.+
22 Muchima wazañalala hiyitumbu yayiwahi,*+Ilaña spiritu yachikeka yamwaaña ñovu yamuntu.*+
23 Muntu watama wakatambula majika kanwa mukujinda*Kulonda aheñeshi njila yawuñanji.+
24 Maana adi kumesu amuntu wukweti kashinshi,Ilaña mesu achisupi apuputaña kunsa jeseki.+
25 Mwana wasupa waneñeshaña tata yindiNawa wakatishaña* muchima wanowu wamuvweli.+
26 Kubabesha muntu waloña chachiwahi wanyi,Nawa kuvupola antu alema hikufumpa nshimbi.
27 Muntu wukweti kwiluka waduñumikaña,+Nawa muntu wukweti kashinshi wamwenañahu.*+
28 Nichisupi wamwena akumutena nawu wukweti maana,Nawa muntu wakasaña nyivumbu yindi, nawu wukweti kashinshi.
Tumazu twaheshina
^ MuchiHeberu, “nyilambu.”
^ Hela “anvwali.”
^ Hela “anyana.”
^ Hela “yayiwahi.”
^ Hela “muntu walema.”
^ Hela “hiilola daletaña wuselewa.”
^ MuchiHeberu, “kubuta.”
^ Hela “neyi kushinkula menji ajikawu.” MuchiHeberu, “kuleka menji ahiti.”
^ Hela “Henohu hakweti maanaku.”
^ MuchiHeberu, “kubula muchima.”
^ MuchiHeberu, “kuwaha.”
^ Hela “yokaña chiwahi.”
^ Hela “yoomishaña mafwaha.”
^ MuchiHeberu, “majika kanwa muntulu.”
^ MuchiHeberu, “kulula.”
^ MuchiHeberu, “kuwunda kwaspiritu.”