Yishimu 19:1-29
19 Chachiwahi kwikala kazweñi iku wunakwenda mukashinshi+Kubadika kwikala chisupi nakuhosha makudi.+
2 Muntu* wabula maana himuntu wamuwahiku,+Nawa muntu walusukilaña* kwila yuma nakuvulumuna.
3 Wusupi wamuntu yomweni diwaluwañeshaña njila yindi,Nawa muchima windi wamuhililaña Yehova.
4 Maheta akokolaña amabwambu amavulu,Ilaña kazweñi akamutemuka nikudi ibwambu dindi.+
5 Chinsahu wakutwamba akamubabesha,+Nawa muntu watwambaña mpinji yejima hakapulukaku.+
6 Antu amavulu akeñaña wuselewa wamuntu walema,*Nawa muntu wejima hiibwambu damuntu wahanaña yawaana.
7 Kazweñi amuhela kudi amanakwindi ejima;+Ochaswejawu dinu kumutemoka kudi amabwambu jindi!+
Wayaña kudi wena nakuyilomba, ilaña kwosi niwumu wamwakulañaku.
8 Wejima wahetaña maana* wadikeña yomweni.*+
Wejima walemesha kashinshi yuma yakamulumbulukila.*+
9 Chinsahu wakutwamba akamubabesha,Nawa muntu watwambaña mpinji yejima wakajiya.+
10 Chisupi hatelela kushakama chiwahiku;Ochichabula dinu kumutelela nduñu kuyuula atulamba!+
11 Chakadi nikujina, kashinshi kamuntu kawundishaña kuzuwa kwindi,+Nawa chachiwahi kudi yena kudiwula* chiluwa.*+
12 Kuzuwa kwamwanta kudi neyi kubuluma kwamutupa,*+Ilaña wuselewa windi wudi neyi wuumi kumatahu.
13 Mwana wasupa wamuletelaña tata yindi kukala,+Nawa mumbanda wayikonkojola* wudi neyi chisu chavwaña mpinji yejima.+
14 Itala nimaheta ayiswanaña kufuma kudi atata jawantu,Ilaña mumbanda wamaana wafuma kudi Yehova.+
15 Kukatala kwaletaña tulu twatweni,Nawa muntu* wekala nakaneñawudi wakafwa nanzala.+
16 Muntu wahembaña nshimbi wahembaña wumi windi;+Muntu wabulaña kwakamena njila jindi wakafwa.+
17 Muntu wamutiyilaña luwi wakehelamu, wamukongweshaña Yehova,+Nawa Yena wakamufweta* hayuma yelañayi.+
18 Mubabeshi mwaneyi henohu kuchidi kuchiñeja,+Nawa bayi wumujahishaku.*+
19 Muntu wahilaña swayi wakamona kukala;Neyi weseka kumwamwina, wakatwalekahu hohu nakumwamwina.+
20 Tiyililaku kukufumba nikwiteja kubabesha,+Kulonda wakekali namaana kumbidi.+
21 Mumuchima wamuntu mwekala kufuukula kwakuvulu,Ilaña nkeñelu* yaYehova diyakatwalekahu.+
22 Yuma yafwilaña muchima wamuntu hikukeña kwindi kwakashinshi;+Nawa chachiwahi kwikala kazweñi kubadika kwikala sakutwamba.
23 Kumutiya Yehova woma kwalombolaña kuwumi;+Muntu wamutiyaña woma wakanooka chachiwahi, hiyakamukatishaku.+
24 Nkopi weñijaña chikasa chindi mucheña chayakuda,Ilaña hafwilaña nikuchifuntisha cheñi hakanwa kindiku.+
25 Etaku mukakusupishana,+ kulonda wabula maana ekali wababala,+Nawa zuwilaku muntu wakashinshi, kulonda asweji kwilukilaku.+
26 Muntu wakabishaña tata yindi nikuhaña mama yindiHimwana waletaña nsonyi nikusawuka.+
27 Mwanami, neyi wuleka kutiyilila kukufumba,Wakasenuka mumazu akwiluka.
28 Chinsahu wamukunkulwayi wasehaña wuñanji,+Nawa kanwa kamuntu watama kaminyaña kutama.+
29 Akakusupishana ayihembela wunsompeshi,+Nawa nyima jawayisupi ajihembela yikoti.+
Tumazu twaheshina
^ Hela “wumi.”
^ MuchiHeberu, “wanyakalaña nanyendu yindi.”
^ Hela “muntu wekala nachisambu.”
^ Hela “wumi windi.”
^ MuchiHeberu, “kuwaha.”
^ MuchiHeberu, “wahetaña muchima.”
^ MuchiHeberu, “kupandakana.”
^ Hela “nshidi.”
^ Hela “mwenzi wamutupa weyala.”
^ Hela “ntaadi.”
^ Hela “wumi.”
^ Hela “kusomwena.”
^ Hela “kufwila.” MuchiHeberu, “kunyamwina wumi weyi.”
^ Hela “nkeñelu.”
