Yishimu 24:1-34
24 Bayi wutiyila antu atama ichimaku,Nawa bayi wufwila kudikunda nawuku,+
2 Muloña nyichima yawu yatoñojokaña chikupu hamadombu,Nawa nyivumbu yawu yahoshaña hakukala.
3 Itala* adituñaña namaana,+Nawa adikoleshaña nakashinshi.
4 Muloña wakwiluka tupeka twadu twenzalañaNamaheta ejima alema wuseya nawa amawahi.+
5 Muntu wamaana wukweti ñovu chikupu,+Nawa muloña wakwiluka muntu wavulishaña ñovu jindi.
6 Muloña wawunlomboli wawuwahi* wukuzuña njita yeyi,+Nawa hadi akakulejana maana* amavulu hekalaña kwimika mushindu.*+
7 Chisupi hanateli kuwana maana alalaku;+Hakweti yuma yakuhosha muchiisu chamusumbaku.
8 Muntu wejima watoñojokaña kwila yatamaAkumutenaña nawu nkuluñaña watufuta twatama.+
9 Tufuta twawusupi* hinshidi,Nawa antu amuhela mukakusupishana.+
10 Neyi wuzeya mwifuku dayihuñu,*Ñovu jeyi jakakeha.
11 Pulwishaku owu anakutwalawu kukufwa,Nawa funtishakumu ana anakutedañila anakuya nakujahawu.+
12 Neyi wuhosha neyi, “Ilaña hitwelukili iyi yumaku,”
Komana Owu washinshikaña nyichima* neluki wanyi?+
Eña, Owu wakutalaña* wukwilukaNawa wakamufweta muntu kwesekeja namudimu windi.+
13 Mwanami, daku wuchi, muloña wawuwahi;Wuchi wepuma watowala kuwida.
14 Munjila yoyimu, ilukaku neyi maana amawahi kudi eyi.*+
Neyi wuyiwana, wakekala nambidi yayiwahiNawa yuma yiwachiñejaña yikashikijewa.+
15 Bayi wumubelamina muntu waloña kwitala dindi kulonda wumulukukiku;Bayi wukisañana iluña dindi dakunookelaku.
16 Muloña muntu waloña nateli kudimbuka mapampa 7, nawa wukunyamuka cheñi,+Ilaña muntu watama wakahukanaña muloña wayihuñu.+
17 Neyi chilumbu cheyi nadimbuki, bayi wuzañalalaku,Nawa neyi nahukani, muchima weyi bayi wuzañalalaku;+
18 Neyi nehi, Yehova wukumona nawa wukuneña,Nawa wukufumisha kuzuwa kwindi hadi yena.*+
19 Bayi wuhila* muloña wawantu atamaku;Bayi wutiyila antu atama ichimaku,
20 Muloña muntu watama hakweti mbidiku;+Inoñu damuntu watama akadijima.+
21 Mwanami, mutiyi Yehova woma nimwanta.+
Nawa bayi wudikunda nawakakudikañaku,*+
22 Muloña wubanji wakayinyamukila mukukasumwisha.+
Hinyi wuneluki kujilumuka kukaleta wejima wawu ayedi* hadi wena?+
23 Awa mazu analondelihu cheñi awakamaana:
Kumwekesha chaambu hakusompesha kwakuwahi wanyi.+
24 Wejima walejaña muntu watama nindi, “Eyi waloña,”+
Akamushiña kudi antu nawa nyuza yakamuhela.
25 Ilaña ana anakumuzuwila yuma yakayiwahila;+Nkisu yayuma yayiwahi yakenza hadi wena.+
26 Antu akafufwa nyivumbu yamuntu waakulaña chakadi kutwamba.*+
27 Loñeshaku mudimu weyi wahanji, nawa loñeshaku yuma yejima mwiha;Kuhiñahu wutuñi itala deyi.*
28 Bayi wushimuna wunsahu hadi mukwenu neyi hosi wunsahu walalaku.+
Bayi wudimba antu nanyivumbu yeyiku.+
29 Bayi wuhosha neyi: “Nakamwila neyi chinañiliyi;Nakamufweta hayuma yeliliyiku.”+
30 Nahitilili kwiha dankopi,+Kwitempa danyivinyu damuntu wabula maana.*
31 Namweni dinavumbi nanseela;*Iseki dawaninini kanyuñi,Nawa mbañu yadu yamalola yahumukili.+
32 Namweni yumiyi nawa nayishili kumuchima;Nayimweni nawa nadizili ichi chikuma:*
33 Kukaama chantesha, tulu twantesha,Kuvuña makasa chantesha nakunooka,
34 Wuzweñi weyi wakenza neyi ikombi,Nawa yuma yiwakeñaña yakenza neyi muntu wunadimanyeki.+
Tumazu twaheshina
^ Hela “amwitala.”
^ Hela “wunlomboli wamaana.”
^ Hela “akakushakama hampuña.”
^ Hela “kulumbuluka; wamwinu.”
^ Hela “Tufuta twachisupi.”
^ Hela “mumpinji jakukala.”
^ Hela “nkeñelu.”
^ Hela “wumi weyi.”
^ Hela “atowala kuwumi weyi.”
^ Dikwila nawu, chilumbu.
^ Hela “kudimwekesha eyi aweni neyi wunahili.”
^ Hela “ana akeñaña kuhimpa yuma.”
^ Dikwila nawu, Yehova nimwanta.
^ Hela hekwawu, “Kwakula chakadi kuhita mumbadi kudi neyi kufufwana.”
^ Hela “amwitala.”
^ MuchiHeberu, “kubula muchima.”
^ Hela “matahu.”
^ MuchiHeberu, “netejeli kumbabesha.”
