Yishimu 3:1-35
3 Mwanami, bayi wuvulamena ntañishilu* yamiku,Nawa muchima weyi wovwahileña nshimbi yami,
2 Muloña yakakulunjikilaku mafuku amavuluNiyaaka yawumi nikuwunda.+
3 Bayi witeja kukeña kwakashinshi nikushinshika* kukushiyiku.+
Yikasili munshiñu yeyi;Yisoneki helola dawubasa damuchima weyi;+
4 Kuhiñahu akukutiya kuwaha nawa akukumona nawu wudi nakashinshiKumesu aNzambi niamuntu,+
5 Mukuhweleli Yehova+ namuchima weyi wejima,Nawa bayi wushindamena* hamaana eyiku.+
6 Munjila jeyi jejima wutoñojokeña hadi yena,+Nawa yena wakakwolwela njila jeyi.+
7 Bayi wudimona eyi aweni neyi wukweti maanaku.+
Mutiyi Yehova woma nawa balumukaku nakuleka yuma yatama.
8 Chumichi chakekala neyi yitumbu yokaña mujimba* weyiNikukolesha mafwaha eyi.
9 Mulemeshi Yehova nayuma yeyi yalema,+Nanyikaabu yeyi yatachi* yahambutu*+ jeyi jejima;
10 Kuhiñahu nkalaña jeyi jakenzala chikupu,+Nawa mawukamwinu eyi avinyu akenzala navinyu yayiha.
11 Mwanami, bayi wukaana kubabesha kwaYehovaku,+Nawa bayi wuhela kuzuwila kwindiku,+
12 Muloña Yehova wayizuwilaña antu akeñayi,+Neyi chazuwilañayi tata yawantu mwanindi atiyañayi kuwaha.+
13 Wudi namuzañalu yowu muntu wawanaña maana+Nimuntu wahetaña kashinshi;
14 Kwikala nawu kwabadika kwikala nasiliva,Nawa kuyiheta kwabadika kwikala nawuru.+
15 Alema kubadika korali;*Kwosi chuma chiwafwilaña chinateli kwesekana nawuku.
16 Muchikasa chawu chachidiilu mudi mafuku amavulu akuhanda;Maheta nikulema adi muchikasa chawu chachimunswa.
17 Njila jawu jajiwahi,Nawa nyikwakwa yawu yawunda.+
18 Himutondu wawumi kudi ana akwatishañaku,Nawa ana akakelañaku chikupu akayitena nawu adi namuzañalu.+
19 Yehova wazatishili maana hakuleña iseki.+
Wazatishili kashinshi hakushimatisha chikupu mawulu.+
20 Nakwiluka kwindi manyiñi amenji aambukili hakachiNawa ivu damuluzwizu davwili wuumi.+
21 Mwanami, bayi wuyijimbeshaku.*
Hembaku maana alala niwuswa wakutoñojoka;
22 Akakwinka wumiNawa akekala chuma chalubanji munshiñu yeyi;
23 Kuhiñahu wakenda munjila yeyi nakukiñewa,Nawa mwendu weyi hiwamba kahukanaku.*+
24 Neyi wunakaami, hiwakatiyaña womaku;+Wakakaama, nawa tulu tweyi twakatowala.+
25 Hiwakatiya woma wakukasumwisha+Hela nvula yampepela yinakwinza hadi atamaku.+
26 Muloña wakashindamenaña mudi Yehova;+Wakahemba mwendu weyi kulonda wakabuli kufwa mumuhetu.+
27 Antu iwatela kwinka* chuma chachiwahi, bayi wuyikiisha+Neyi wukweti ñovu* yakuyikwashaku.+
28 Ntuñi neyi bayi wumuleja neyi, “Yaña; wakenzi mpinji yikwawu! Nakakwinkachu kumadiki,”
Neyi wukutwesha kumwinkachu hohenohuku.
29 Bayi wufuukula kumwila ntuñi neyi chuma chatama+Hanakutiyayi nindi wakiñewa hanakushakamayi naneyiku.
30 Bayi wubobola namuntu hakadi muloña+Neyi chakwila kwosi chuma chatama chinakwiliyiku.+
31 Bayi wutiyila mukamadombu ichima+Hela kutonda njila yindi yidi yejimaku,
32 Muloña Yehova wahela muntu watwambaña,+Ilaña Yena wadikunda chikupu namuntu woloka.+
33 Ishiñu daYehova didi hetala damuntu watama,+Ilaña wakiswilaña itala damuntu waloña.+
34 Muloña ana asupishanaña wayisehaña,+Ilaña amwovu wayitiyilaña luwi.+
35 Mukamaana wakaswana kalemesha,Ilaña ayisupi alemeshaña kusawuka.+
Tumazu twaheshina
^ Hela “nshimbi.”
^ Hela “chalala.”
^ MuchiHeberu, “kukundamena.”
^ MuchiHeberu, “mukovu.”
^ Hela “nfwetu,”
^ Hela “yuma yasweja kuwaha.”
^ Talenu Kulumbulula.
^ Hadaha anakutena yilwilu yaNzambi yinashimuniwu mumavasi anafumihu.
^ Hela “kudituntula kuchuma chidi chejima.”
^ Hela “chikasa cheyi chikweti ñovu.”
^ Hela “owu atelela.”
