Yishimu 30:1-33
30 Nsañu yalema yekala mumazu aAguri mwana kaYake, oyu yalejeliyi Itiyeli, Itiyeli niUkali.
2 Hineluka yuma hela hantiku,+Nawa hinikweti kashinshi katela kwikala namuntuku.
3 Hinadizi maanaku,Nawa hinikweti kwiluka kukwetiyi Wajila Chikupuku.
4 Hinyi wayahu dehi mwiwulu nawa asuluka?+
Hinyi wakwata mpepela mumakasa indi ejima ayedi?
Hinyi wavuñila menji muchakuvwala chindi?+
Hinyi washimatisha* insa jeseki jejima?+
Neyi weluka, ijina dindi hinyi nawa ijina damwanindi diyinyi?
5 Mazu aNzambi ejima akutookesha.+
Hinkebu kudi ana abatamaña mudi yena.+
6 Bayi wubombelaku kumazu indiku,+Neyi nehi wukukuzuwila,Nawa wukwikala sakutwamba.
7 Nakulombi yuma yiyedi.
Nyinki yumiyi henohu kanda nifwi.
8 Swijaku kutwamba nimakudi hahalehi nanami.+
Bayi wunyinka wuzweñi hela mahetaku.
Nleki hohu nidii iseka dami dayakuda,+
9 Kulonda nibuli kwikuta nikukukaana nakuhosha nami, “Yehova diyinyi?”+
Hela kunleka niikali kazweñi kulonda niiyi nakusawisha ijina daNzambi yami.
10 Bayi wumutwambila ñamba kudi nkaaka yindiku,Neyi nehi wakakushiña nawa wakafwa namuloña.+
11 Kudi ikiñu dashiñaña tata yaduNawa hidakiswilaña mama yaduku.+
12 Kudi ikiñu dadimonaña kutooka mumesu adu dadeni+Ilaña hiyaditookesha kumajilu* aduku.
13 Kudi ikiñu dikweti mesu adinka wanta chikupuNawa dikweti mesu atalaña nakudivwimba chikupu!+
14 Kudi ikiñu dikweti mazewu adi neyi mpoku jatubaliNawa nyibaña yadu yidi neyi mpoku jakujaha nachu;Adaña akehelamu ahamasekiNiatuzweñi hakachi kawantu.+
15 Nyizambu yidi nanyana yawambanda yiyedi yadilaña nawu, “Nyinki! Nyinki!”
Kudi yuma yisatu yabulaña kwikuta,Yuma yiwana yabulaña kuhosha nawu, “Kunahu!”
16 —Ijamu*+ niivumu dawunshita,Iseki dakiishawu menji,Nikesi kabulaña kuhosha nawu, “Kunahu!”
17 Disu dasehaña tata yawantu nawa dabulaña kwovwahila mama yawantu+—Makololu amuchinekineki* akaditumbulamu,Nawa anyana kambuulu akadida.+
18 Kudi yuma yisatu yabulaña kunlumbulukila,*Niyiwana yinakañanyaña kwiluka:
19 Chatuukañayi mbuulu muluzwizu,Chendaña kapela helola,Chendaña mbopolu hakaluñalwiji,Nichelañayi iyala neyi wudi nachañadima.
20 Ichi dichelañayi mumbanda mukawujila:
Wadaña, wadikombolaña kukanwa kindi;Kuhiñahu hakuhosha nindi, “Kwosi chuma chatama chinneliku.”+
21 Kudi yuma yisatu yaleteshaña iseki kukankaNiyuma yiwana yinateli kubula kuumikawu antu:
22 Neyi nduñu ekala mwanta,+Neyi chisupi ekala nayakuda yayivulu,
23 Neyi mumbanda ahelawu* anamusumbuli,Nawa neyi ñamba wamumbanda atambula* chifulu chankaaka yindi wamumbanda.+
24 Kudi yuma yiwana yidi hakachi kayuma yanyanya chikupu yekala hanu hamaseki,Ilaña yekala namaana akuvwalika nawu;*+
25 Nzenkeneni hiyileñaleña yabula ñovu,*Ilaña yaloñeshaña yakuda yayu munooña.+
26 Yibatata+ hiyileñaleña yabula ñovu,*Ilaña yatuñaña matala ayu mumalola.+
27 Tuboola+ hitukweti mwantaku,Ilaña twejima twendelaña hamu munyikanka-nyikanka.*+
28 Munsulu+ walamataña nanyendu yindi,Nawa weñilaña muchipañu chamwanta.
29 Kudi yuma yisatu yendaña chakuhayamisha,Yiwana yahayamishaña neyi yinakwenda:
30 Mutupa, wañovu hadi anyama ejima,Wabulaña kutemuka wudi wejima;+
31 Kawa kazombaña; mpembi wachizamba;Nimwanta wudi hamu namashidika indi.
32 Neyi wunadinyamuni nawusupi weyi+Indi kwiji wunatoñojoki kwila mwenimu,Kwataku chikasa cheyi hakanwa keyi.+
33 Neyi chedikaña bata* mukuchuka mayeliNawa mashi mukunyota muzulu,Kusañumuna kuzuwa nikwena kwaletaña yikonkojola.+
Tumazu twaheshina
^ MuchiHeberu, “kwimika.”
^ MuchiHeberu, “tuji.”
^ Hela “Shelu,” dikwila nawu, ijamu dawantu ejima. Talenu Kulumbulula
^ Hela “muhoñi.”
^ Hela “yanhayamishaña nankashi.”
^ Hela “abula kukeñawu.”
^ Hela “kusinsa.”
^ Hela “twasweja maana.”
^ MuchiHeberu, “antu abula kukola.”
^ MuchiHeberu, “antu abula ñovu.”
^ Hela “kudaambula mumazanvu.”
^ Hela “manteka”