Yishimu 5:1-23
5 Mwanami, tiyililaku kumaana ami.
Tiyililaku nakanañachima* kukashinshi kami,+
2 Kulonda wuhembi wuswa weyi wakutoñojokaNikukiña kwiluka nanyivumbu yeyi.+
3 Muloña nyivumbu yamumbanda mukanshidi* yavwaña neyi ipuma dawuchi,+Nawa kanwa kindi kasenena kubadika manji.+
4 Ilaña kunsa yachu walula neyi mwaaji+Nawa watwa neyi mpoku yakabali yawumwemu kuyedi.+
5 Nyendu yindi yakunkumukilaña mukufwa.
Mahaji indi alombolaña ndo-o Mwijamu.*
6 Hashaña maana kunjila yawumiku.
Njila yindi yalulutaña, ilaña helukaña kuyinakumutwalaku.
7 Ichi dinu, anyanami, ntiyililenuNawa bayi muleka kulondela mwinnakuhoshaku.
8 Imenaku hahalehi nayena;Bayi wuswina kwakwihi nawiñililu wetala dindiku,+
9 Kulonda wubuli kuhana kulema kweyi kudi antu acheñi+Hela kwaañula yaaka yawukatu;+
10 Kulonda antu acheñi abuli kumanisha maheta* eyi+Niyiwakalakeleli nañovu yibuli kuya kwitala dañiinza.
11 Neyi nehi, wakaaba hakukuma kwawumi weyiHakakisika musunyi nimujimba weyi+
12 Nakuhosha neyi: “Ochinaheleli kubabesha!
Muchima wami ochiwaheleli kuzuwila!
13 Hinatiyilili kwizu dawandizishi amiHela kusha maana kudi antañishi amiku
14 Nashiki dehi kwakwihi nakujilumuka chikupuMukachi kachipompelu chejima.”*+
15 Nwaku menji amwishima deyi eyi aweniNimenji anakuhita* mwishima deyi eyi aweni.+
16 Komana tuseloki tweyi twatela kumwañala hanji,Tuloña tweyi twamenji mumalubanza?+
17 Twiikali tweyi nkaweyi hohu,Bayi nawantu acheñiku.+
18 Kaseloki* keyi kakiswilewi,Nawa zañalalaña nañodeyi wamuwukwenzi weyi,+
19 Mbaala wamukaji wakeñewa, mpembi wampidi walubanji.*+
Mayeli indi akuzañalesheña* mpinji yejima.
Kukeña kwindi kukutiyisheña kuwaha mpinji yejima.+
20 Dichi, mwanami, muloñadi chakukutiyishilawu kuwaha kudi mumbanda mukanshidi*Hela kukumbata ntulu yamumbanda chivumbi?*+
21 Muloña njila jamuntu jidi kumesu aYehova;Washinshikaña njila jindi jejima.+
22 Muntu watama wafwaña muyiluwa yindi yomweni,Nawa wakafwa munyonji yanshidi yindi yomweni.+
23 Wakafwa muloña wakubula kwiteja kubabeshaNikusenuka munjila muloña wakusweja kusupa.
Tumazu twaheshina
^ MuchiHeberu, “Teñelekaku itu deyi.”
^ Hela “Shelu,” dikwila nawu, ijamu dawantu ejima. Talenu Kulumbulula.
^ Hela “ñovu.”
^ MuchiHeberu, “mukachi kezaza nichipompelu.”
^ Hela “atuuta.”
^ Hela “nsulu yamenji.”
^ Hela “mpembi wampidi wachizamba.”
^ Hela “kushetesha.”