Yishimu 7:1-27
7 Mwanami, hembaku mazu ami,Nawa hembaku nshimbi jami.+
2 Hembaku nshimbi jami kulonda wuhandi;+Kiñaku kuleja* kwami neyi kantu kadisu deyi.
3 Jikasi kunyinu yeyi;Jisoneki helola dawubasa damuchima weyi.+
4 Lejaku maana neyi, “Wudi muhela ami,”
Nawa tenaku kashinshi neyi “ntaña yami,”
5 Kulonda akukiñi kudi mumbanda mukanshidi,*+Kudi mumbanda chivumbi* nikumazu indi akulambisha.+
6 Hinadiña hawindu* yakwitala dami,Nasumbilili mutumapwata nakutala heseki,
7 Nawa chinamweni ayisupi,*Hakachi kawanyikwenzi, namweni kansi weyala wabula maana.*+
8 Wahitilileña munjila yadiña kwakwihi namaakenu indi,Nawa watachikili kuya kukabadi kwekalila itala dindi
9 Hakabwidibwidi, namelela,+Helaña wufuku hiwukwinza nawa hikukwiyila.
10 Kuhiñahu namweni mumbanda hakumubulakana,Iku navwali neyi* chivumbi,+ wukweti muchima wadimbanaña.
11 Wakola mukanwa nawa wadikaña.+
Hashakamaña* hetalaku.
12 Welaña aha wudi hanji, aha wudi mumalubanza,Waswamaña mukamwihi nahejima hachenkulukila mukwakwa.+
13 Hakumukwata nakumufufwa;Chakadi nikutiya nsonyi, hakumuleja nindi:
14 “Nalambula nyilambu yakuwunda.+
Dalelu nashikija munakanini.
15 Dichinaleteshi ninzi nakukubulakana,Nakukukeñakeña, nawa nakuwani!
16 Naali mahina amawahi hakadidi kami,Mahina awulombu wawuwahi akuEjipitu.+
17 Hakadidi kami nasansihu mora, shilambwe nisinamoni.+
18 Inzaku, twaya tumanishi mpwila yetu yakukeña nichikukucha;Twaya tudiluñishi kukeña hamu,
19 Muloña nfumwami nafumihu;Nayi kwakulehi.
20 Wasenda ipakumuna damali,Wukufunta wanyi sampu ifuku dakamwekana kakweji kamukuma.”
21 Hakumudimbeka nakumushinjila chikupu.+
Hakumukokola namazu akulambisha.
22 Hohenohu hakumulondela, neyi chizamba chañombi anakuya nakujahawu,Neyi chisupi anakukeña kubabeshawu mumpompa,+
23 Sampu muvu wunapwiki muchima windi wachidambanda;Neluki wanyi nindi wukujimbesha wumi windi,+ neyi kada kanakutemukila mumuhetu.
24 Ichi dinu, anyanami, ntiyililenu;Shenu maana kumazu innakuhosha.
25 Bayi mwiteja nyichima yenu kulondela njila jindiku.
Bayi musenuka nakuya munjila jindiku,+
26 Muloña najahishi antu amavulu,+Nawa antu anajahiyi amavulu nankashi.+
27 Itala dindi datwalaña Mwijamu;*Dakunkumukilaña mutupeka twamukachi twakufwa.
Tumazu twaheshina
^ Hela “nshimbi.”
^ Hela “njanina.”
^ Hela “abula maana.”
^ MuchiHeberu, “kubula muchima.”
^ Hela “nayakuvwala yavwalaña.”
^ MuchiHeberu, “Nyendu yindi hiyashakamaña.”
^ Hela “Shelu,” dikwila nawu, ijamu dawantu ejima. Talenu Kulumbulula.
