Yishimu 9:1-18
9 Maana alala anadituñili itala;Anadibazili yishimi 7.
2 Analoñeshi chiwahi mbiji yawu;*Anabombashani vinyu yawu;Analoñeshi nimesa yawu.
3 Anatemeshi dehi ambuñawu awambandaNakutambikila hamaluña ahewulu damusumba+ nawu:
4 “Wejima wasupa, eñili munu.”
Wamulejaña wakadi maana* nindi:
5 “Twaya, daku dinkendi damiNawa nwaku vinyu yinnabombashani.
6 Lekaku wusupi kulonda wuhandi;+Yaña kumbidi munjila yakashinshi.”+
7 Muntu wololaña mukakusupisha wakeñaña kusawuka,+Nawa wejima wazuwilaña muntu watama wakadikatisha.
8 Bayi wuzuwila mukakusupishaku, muloña wukukuhela.+
Zuwilaku mukamaana, nawa wukukukeña.+
9 Dizishaku mukamaana, nawa wakasweja maana.+
Tañishaku mukakuloña, nawa wakatwalekahu kudizilaku yuma.
10 Kumutiya Yehova woma diyi ntachikilu yamaana,+Nawa kumwiluka Wajila Chikupu+ dikashinshi.
11 Muloña wanami mafuku eyi akavula,+Nawa kuwumi weyi akabombelaku yaaka.
12 Neyi wikala namaana, maana akakukwasha eyi aweni,Ilaña neyi wudi mukakusupisha, wakamona kukala eyi aweni.
13 Mumbanda wasupa waha mukanwa.+
Hekala namaanaku nawa kwosi chuma nichimu chelukayi.
14 Washakamaña hawiñililu wetala dindiHachitwamu mumaluña ahewulu amusumba,+
15 Nakutambika antu anakuhita,Anakwenda munjila nakudiyila kwawu nindi:
16 “Wejima wasupa, eñili munu.”
Wamulejaña wakadi maana*+ nindi:
17 “Menji akwiya atowala,Nawa yakuda yakuda mukuswamujoka yayiwahi.”+
18 Ilaña neluki wanyi nindi itala dindi hiitala dawafu,Nindi enyi indi adi Mwijamu*+ dakunama.
Tumazu twaheshina
^ MuchiHeberu, “Najahi dehi mbiji yindi.”
^ MuchiHeberu, “kubula muchima.”
^ MuchiHeberu, “kubula muchima.”
^ Hela “Shelu,” dikwila nawu, ijamu dawantu ejima. Talenu Kulumbulula.
