Yoba 10:1-22
10 “Wumi wami nawuheli chikupu.+
Nukushimuna kwaaba kwami.
Nukuhosha muloña wayihuñu yami!
2 Nukumuleja Nzambi nami: ‘Bayi wunfwisha namuloñaku.
Nleji chinaleteshi wulwisheña nanami.
3 Komana watiyaña kuwaha kukabishana,Kuhela mudimu wakumakasa eyi+Iku wunakwiteja munakuhoshawu antu atama?
4 Komana wudi namesu awuntu,Indi kwiji wamonaña neyi chamonaña muntu wafwaña?
5 Komana mafuku eyi adi neyi mafuku awantu afwaña,Hela yaaka yeyi yidi neyi yaaka yamuntu,+
6 Hakwila wukeñakeñeña yiluwa yamiNikutwalekahu kukeñakeña nshidi yami?+
7 Wuneluki neyi hinidi namuloñaku;+Nawa kwosi muntu wunateli kumpulwisha muchikasa cheyiku.+
8 Makasa eyi diwu ambazili nikuntuña,+Ilaña ichi hiwukukeña kunkisañana chikupu.
9 Mwani, anukaku neyi wantuñili namaseki,+Ilaña ichi hiwukunfuntisha kulunkuñu.+
10 Komana hiwanhuñunwini neyi mayeliNikunditisha neyi chiiziku?
11 Wanvwikili musunyi niikowa,Nawa wannuñili namafwaha ninyisisa.+
12 Wanyinka wumi nikukeña kwakashinshi;Wakiña spiritu* yami kuhitila mukuñakamena.+
13 Ilaña wunafuukulihu kwila yumiyi mukujinda.*
Ami neluki nami yumiyi yinafumi kudi eyi.
14 Neyi navulumwini, wadi kummona,+Nawa hiwadi kuñanakena muloña wamiku.
15 Neyi nidi namuloña, chinantamini!
Nawa hela chakwila hinikweti muloñaku, hinnateli kwinuna mutu wamiku,+Muloña ami nenzali nakusawuka niyihuñu.+
16 Neyi nibandula mutu wami, hiwukunkeñakeña neyi mutupaku+Nawa hiwukumwekesha cheñi ñovu jeyi hadi ami.
17 Waletaña ayinsahu amaha akunfwisha namuloñaWanzuwilaña nankashi,Hinnakumona kukala mukulondashana.
18 Muloñadi chiwanfumishilili mwivumu?+
Kachi nafwili henohu disu hela dimu kanda dimmoni.
19 Chadi kwikala neyi kwiji nadiñaku wanyi;Adi kunfumisha mwivumu nakumpandakeshela mwijamu.’
20 Komana mafuku ami hiyanteshaku?+ Mulekenu anshiyi nkawami;Mulekenu afumishi mesu indi kudi ami kulonda ninookihu*+
21 Henohu kanda niyi—nawa hinakafuntaku+—Kwituña damwidima wasweja,*+
22 Mwituña damwidima,Ituña mwekala mwidima chikupu nikuluwañesha,Kwenoku nichejeji chekala neyi mwidima.”
Tumazu twaheshina
^ Hela “muuya; wumi.”
^ MuchiHeberu, “Nawa yumiyi wayisweka mumuchima weyi.”
^ Hela “nizañalaliku chanti.”
^ Hela “damwidima nidamwevulu wakufwa.”
