Yoba 12:1-25
12 Ilaña Yoba waakwili nindi:
2 “Mwamweni enu yenu mweluka,*Nawa mwakafwa hamu namaana enu!
3 Ilaña ninami nikweti maana.*
Hinakehelamu kudi enuku.
Hinyi wabula kwiluka yumiyi?
4 Amabwambu jami anakunseha,+Ami namutambikaña Nzambi kulonda añakuli.+
Anakuseha muntu waloña nawa wakadi muloña.
5 Muntu washakamaña chiwahi wadiwulaña yihuñu,Nakutoñojoka nindi yinateli kumwekena hohu antu abula kukola.*
6 Matenti awambanji adi mukuwunda,+Nawa antu amuvulokaña Nzambi akiñewa,+Adi nanzambi yawu mumakasa awu.
7 Hela chochu, ihulenu anyama, nawa akuyidizisha;Cheñi niatuda amuluzwizu, niwena akuyileja.
8 Hela shinshikenu iseki, nawa dikuyidizisha;Niinshi yamukaluñalwiji yikuyileja.
9 Chimu chidihi hakachi kaniyi yuma chinabuli kwilukaNawu chikasa chaYehova dichineli yumiyi?
10 Muchikasa chindi dimwekala wumi wayuma yejima yayumi*Nispiritu yamuntu wejima.*+
11 Komana itu hidatompaña mazuNeyi idimi* chidatompaña yakudaku?+
12 Komana atushinakaji hidiwu ekalaña namaanaku,+Nawa antu hiyekalaña namaana muloña wakushakama mafuku amavuluku?
13 Yena wekala namaana niñovu;+Wukweti nkeñelu nikashinshi.+
14 Neyi ahumuna chuma, hiyanateli kuchituñululaku;+Chuma chinenzeliyi, kwosi wunateli kuchenzununaku.
15 Neyi akwata menji, yuma yejima yoomaña;+Neyi ayuumbaku, enzeshaña iseki.+
16 Yena wukweti ñovu nimaana alala;+Kudi yena kwekala muntu wafumaña munjila nimuntu wafumishaña akwawu munjila;
17 Wayendeshaña añanji nyendu hanji,*Nawa wasupishaña ansompeshi.+
18 Wakasununaña nyonji yakasañawu antu kudi anyanta,+Nawa wayikasaña mushipi mumbunda yawu.
19 Waleteshaña atupristu kwenda nyendu hanji,+Nawa wafumishaña antu akweti ñovu hayifulu;+
20 Waleteshaña añanji akuhwelelawu kukañanya kuhoshaNawa atushinakaji awamayala* wayitambulaña maana;
21 Wayisawulaña antu alema,+Nawa welishaña akañovu kwikala azeya;*
22 Wasololaña yuma yakunama kufuma mumwidima,+Nawa welishaña mwidima wasweja kwikala chejeji;
23 Welishaña nyuza kwikala nañovu kulonda ayijilumuni;Nawa watoheshaña nyuza, kulonda ayitwali muwunkoli.
24 Watambulaña maana* awanlomboli jawantuNikuyiletesha aluluteña muchinkalampata mwabula njila.+
25 Apuputaña mumwidima,+ mwabula chejeji;Wayileteshaña kwenda neyi antu anasheti.+
Tumazu twaheshina
^ MuchiHeberu, “yenu antu.”
^ MuchiHeberu, “muchima.”
^ Hela “aselumukaña.”
^ Hela “wumi wamuntu wejima wamumi.”
^ Hela “muuya.”
^ MuchiHeberu, “ndakwila.”
^ Hela “kuyisubula yuma yejima.”
^ Hela “akulumpi.”
^ Hela “wakasununaña mushipi wawakañovu.”
^ MuchiHeberu, “muchima.”
