Yoba 16:1-22
16 Yoba waakwili nindi:
2 “Natiyahu dehi yuma yayivulu yidi neyi iyi.
Wejima wenu mudi ankundeji aletaña kukala!+
3 Komana mazu amukunkulwayi* amanaña?
Chumanyi chinaleteshi waakuli muniyi njila?
4 Ninami nadi kuhosha neyi chimunakuhosha.
Neyi mwadiña neyi ami,*Nadi kuhosha mazu akuyishinjilaNikuyipukumwina mutu wami.+
5 Hela chochu, nadi kuyikolesha namazu amukanwa kami,Nawa kukundeja kwakunyivumbu yami kwadi kuyikolesha.+
6 Neyi nihosha, yikatu yami hiyinakumanaku,+Nawa neyi nileka kuhosha, komana yikatu yami yikukeha?
7 Ilaña ichi nanzeyeshi;+Nakisañani amwitala dami ejima.*
8 Enu ninenu munankwati, nawa chinekali wunsahu,Chakwila kukosa kwami kunemani nakunkonkolola hamesu ami.
9 Kuzuwa kwindi kunantaboli, nawa wanhembelaña nkunyi.+
Wansumonenaña kumazewu indi.
Mukankunyi nami nampwiki namesu indi.+
10 Anañasamini tunwa twawu,+Nawa anansawishi nakuñeta kumabuta;Apompaña amavulu kulonda añimakeni.+
11 Nzambi nanhani kudi anyikwenzi,Nawa nanshinjikili mumakasa awantu atama.+
12 Nadiña chiwahi, ilaña wanchikili;+Wankwatili hanshiñu nakunchika;Kuhiñahu, hakuñimakena.
13 Antu jindi akakwasa namata anyikunji anannyeñumuki;+Naapwiki nshiya jami+ nikuntiyila wushona nehi;Nahuñunwini ndulu yami heseki.
14 Nidi neyi mbañu yatwalekañayi kuhumuna;Wantemukilaña neyi chilobu.
15 Nachimi chisasa kulonda nibuti ikowa dami,+Nawa najiiki kulema kwami* mulunkuñu.+
16 Kumesu ami kunatami nakudila,+Nawa yikenyikenyi yami yinekali mwidima wasweja,*
17 Hela chakwila makasa ami hiyanazuñihu ndombukuNawa kulomba kwami kutooka.
18 Eyi iseki, bayi wubuta mashi amiku!+
Nawa kudila kwami bayi kwikala neluña dakunookelakuku!
19 Niyinu mpinji, chinsahu chami wudi mumawulu;Wunateli kunhoshelaku wudi mwiwulu.
20 Amabwambu jami anakunseha+Nanochu chinakuwulumuna mesu ami madilu kudi Nzambi.+
21 Lekenu muntu ahakuli hakachi kamuntu naNzambi,Neyi chinateli kuhakulayi muntu hakachi kawantu ayedi.+
22 Muloña yaaka yinashaliku yantesha,Dichi, nakaya nawa hinakafuntaku.+
Tumazu twaheshina
^ Hela “adi neyi mpepela.”
^ Hela “neyi wumi wenu wadiña neyi wami.”
^ Hela “apompaña nanami.”
^ Hela “ñovu.” MuchiHeberu, “luseñu.”
^ Hela “mwidima wakufwa.”