Yoba 17:1-16
17 “Spiritu yami anayikotoli, mafuku ami anamani;Majamu anakunhembelela.+
2 Akakusupisha anannyeñumuki,+Nawa mesu ami atela kutala* hayilwilu yawu yakudikaña.
3 Tambulaku kapopu kami kamuloña nawa wukihembi.
Hinyi mukwawu wunateli kuñimusha mumakasa nikunlembelaku?+
4 Muloña wunayijindi kashinshi munyichima yawu;+Dichaleteshaña wubuleña kuyilemesha.
5 Akeñaña kwanzañana nawamabwambu jawu,Henohu mesu awanyanawu anakukañanya kumona.
6 Nañilishi kwikala chuma chakuseha* kudi antu,+Chakwila nekali muntu afwijilañawu mazeñi kumesu.+
7 Mesu ami aneyili dehi nakuyeña,+Niyiidi yami yinekali mwevulu.
8 Antu oloka ahayamaña chamonawu chumichi,Nawa muntu wakadi muloña naluwankani muloña wamuntu watama.*
9 Waloña watwalekañahu kukakela munjila yindi,+Niwukweti makasa atooka wekalaña nañovu.+
10 Hela chochu, wejima wenu munateli kwinza nakutachika cheñi kutaadika,Muloña hakachi kenu hinnawanihu wudi namaanaku.+
11 Mafuku ami anamani;+Yuma yinafuukulaña niyafwilaña muchima wami, yinakisiki.+
12 Abalumunaña wufuku kwikala mwaana,Nakuhosha nawu, ‘Chejeji chatela chidi kwakwihi muloña kuneyili.’
13 Neyi nihembelela, Ijamu* dikwikala mukala wami;+Nukwaala kadidi kami mumwidima.+
14 Nukuleja ibuku*+ nami, ‘Yeyi tata yami!’
Niivunyi nami, ‘Mama yami nawa muhela ami!’
15 Hanu dinu, kuchiñeja kwami kudi kudihi?+
Hinyi wunateli kummwena kuchiñeja?
16 Kwakakunkumuka* kuyiisu yakushinka yaKwijamu*Hakela wejima wetu tunakunkumuki mulunkuñu.”+
Tumazu twaheshina
^ Hela “kusha maana.”
^ MuchiHeberu, “chishimu; muntu anatuumbiwu kadijina.”
^ Hela “akakusekesha.”
^ Hela “Shelu,” dikwila nawu, ijamu dawantu ejima. Talenu Kulumbulula.
^ Hela “ijamu.”
^ Dikwila nawu, kuchiñeja kwami.
^ Hela “Shelu,” dikwila nawu, ijamu dawantu ejima. Talenu Kulumbulula.
