Yoba 18:1-21
18 Bilidadi+ mwini Shuwa waakwili nindi:
2 “Wukuleka mpinjinyi kuhosha chamuchidiwu?
Mwekeshaku kashinshi kulonda dinu tuhoshi.
3 Muloñadi chiwunakutumwena neyi anyama?+Nikutumona neyi ayisupi* kumesu eyi?
4 Hela chakwila wukuditabola eyi aweni* muloña wakuzuwa,Komana iseki dikushala chisayikila muloña waneyi,Indi kwiji ilola dikufuma heluña hidashakama?
5 Chalala, chejeji chawantu atama akachijima,Nawa muzuzu wakesi kindi hiwakatoñekaku.+
6 Chakadi nikujina, chejeji mwitenti dindi chakekala mwidima,Nawa inoñu hewulu dindi akadijima.
7 Ntampu jindi jatampulañayi nañovu anajihihishi,Nawa kuleja kwindi yomweni kwakamudimbwisha.+
8 Nyendu yindi yakamwiñija mukaleñi,Nawa wakendaña hawanda wakaleñi.
9 Muhetu wakamukwata kukatutu;Ikoña* dakamulawula.+
10 Anamuswekeli mwonji hamaseki,Nawa muhetu wudi munjila yindi.
11 Akakutiyisha woma amuchiinishaña kutubadi twejima+Nikumunuñamu chikupu.
12 Ñovu jindi jamumanaña,Nawa wubanji+ wakamuletesha kutedañila.*
13 Ikowa dindi anadiidi;Chikatu chafwana* chinadi yiidi yindi.
14 Anamufumishi mwitenti dindi dakiñewa+Nakumutwala kudi mwanta wakutiyisha woma.*
15 Mwitenti dindi mwakashakama antu abula kwilukayi.*Hetala dindi akamwañilahu sawufa.*+
16 Nyiji yindi kwishina yakooma,Ninyitayi yindi kwiwulu yakooma.
17 Hiyamba kamwanuka cheñi hesekiku,Nawa ijina dindi hiyakadiiluka mumukwakwaku.*
18 Akamufumisha muchejeji nakumutwala mumwidimaNawa akamuhaña mumpata yawushi.
19 Hakekala namwana niamuchisaka hakachi kawantu jindiku,Nawa kwiluña kwakashakamañayi* hikwakekala muntu wamumiku.
20 Neyi ifuku dindi dinashiki, antu kuMujika akahayamaNawa antu kuMusela akafwa mutentu.
21 Ichi dichamwekenaña itenti damuntu welaña yuma yatamaNiiluña damuntu wabula kumwiluka Nzambi.”
Tumazu twaheshina
^ Hela hekwawu, “amajilu.”
^ Hela “wumi weyi.”
^ Hela “Itambi.”
^ Hela “kuhukana.”
^ MuchiHeberu, “Wedi wakufwa.”
^ Hela “kufwa kwatama.”
^ MuchiHeberu, “Chuma chabula kwikala chindi.”
^ Iyi sawufa yinateniwu haniyi vasi himalola abutukaña kesi.
^ MuchiHeberu, “hakekala nejinaku.”
^ Hela “kwiluña kwakashakamayi kapinji kantesha.”
