Yoba 19:1-29
19 Yoba waakwili nindi:
2 “Mukuleka mpinjinyi kuhilisha wumi wami,*+Kunchika namazu?+
3 Awa mapampa 10 imunanhosholi;*Himunatiyi nsonyi hakuñila chatamaku.+
4 Neyi chalala nakoñeli chiluwa,Hichiluwa chami.
5 Neyi mukutwalekahu kuditohesha hadi ami,Nakuhosha nenu chachiwahi chimunakunhoshola,
6 Ilukenu nenu, Nzambi diyi wunanluwañeshi,Nawa nanlawuli mukaleñi kindi.
7 Tiyenu! Nabidikaña nami, ‘Anankatishe-e!’ ilaña kwosi wañakulañaku;+Nadilaña nami ankwashi, ilaña kwosi wankwashañaku.+
8 Najiki njila yami nambañu yamalola nawa kwila nihita nehi;Nabuti njila jami namwidima.+
9 Nantambuli kulemaNawa nafumishi chibañula kumutu wami.
10 Wanhumonaña kutubadi twejima sampu nakisiki;Wabwitaña kuchiñeja kwami neyi mutondu.
11 Kuzuwa kwindi kwanshikenaña,Nawa wammonaña neyi nidi chilumbu chindi.+
12 Mazanvu indi anjita enzaña hamu nakunchika,Nawa anteekelaña chilombu nakunyeñumuka itenti dami.
13 Yena nayihañili amanakwami evumu dimu kwakulehi nanami,Nawa antu añiluka ananshiyi.+
14 Antaña jami anayi dehi,Nawa antu inelukili chikupu ananvulameni.+
15 Enyi mwitala dami+ nianduñu jami awambanda anakummona neyi muntu abula kwilukawu;Nidi ñiinza kumesu awu.
16 Natambikaña ñamba yami, ilaña hañakulañaku;Namulembelelaña nakanwa kami nami antiyili wushona.
17 Muuya wami wunekali chuma chawuzondu kudi ñodami,+Nawa nidi ivumba datama kudi amanakwami evumu dimu.*
18 Nianyana anyanya ansupishaña;Neyi nahinduki, atachikaña kunkuwa.
19 Amabwambu jami ejima inadikunda nawu anakuntiya wuzondu,+Nawa antu inakeñeli anambalumukimu.+
20 Mafwaha ami analamati kwikowa dami nikumusunyi wami,+Nawa napulukili kwikowa dakumazewu ami.
21 Ntiyilenu luwi, enu akwetu, ntiyilenu luwi,Muloña chikasa chaNzambi yomweni chinankwati.+
22 Mwankabishilañadi neyi chelañayi Nzambi,+Nakunlukuka chakadi kuleka?*+
23 Mazu ami kachi ayisonekeli,Kachi ayisonekeli mumukanda!
24 Chiña ayibazilili helola haya nyaaka,Nansonekeshi yachikuñu niyansumbu!
25 Muloña neluki chikupu nami nkuuli yami+ wamumi;Wakenza mpinji yikwawu nawa wakemana heseki.*
26 Neyi ikowa dami anadikisañani dehi,Ilaña musunyi wami wuchidi hamujimba, nakamumona Nzambi,
27 Nakamumona ami aweni,Owu inakamona namesu ami, bayi amuntu wacheñiku.+
Ilaña mukachi kami inakutiya woma!*
28 Muloña munakuhosha nenu, ‘Tunakumukabisha munjilanyi?’+
Chineli kukala kunakufuma kudi ami.
29 Tiyenu woma mpoku yakabali enu aweni,+Muloña mpoku yakabali yababeshaña akayiluwa;Mwatela kwiluka nenu nsompeshi wudi kwoku.”+
Tumazu twaheshina
^ Hela “kunhilisha.” Talenu Kulumbulula.
^ Hela “imunantuki.”
^ MuchiHeberu, “anyana amwivumu dami,” dikwila nawu, ivumu danvweli (ivumu damama yami).
^ MuchiHeberu, “Nikubula kwikuta namujimba wami?”
^ MuchiHeberu, “halunkuñu.”
^ Hela “Nshiya jami jinakuzatika wanyi.”