Yoba 24:1-25
24 “Wañovu Jejima wabuliladi kutoñola mpinji?+
Antu amwiluka abulilañadi kumona ifuku dindi?*
2 Antu atuntululaña yinjikijilu yañinza;+Asendaña nyikanka yayimuna nakuyitwala kumunyenvu wayu.
3 Chimbuulu chawanyana abula atata jawu achihañilaña kwakulehiNawa ntuluwa amutambulaña ñombi windi wachizamba nakwikala chuma chakukwatilamu muloña wankongoli.*+
4 Afumishaña atuzweñi mumukwakwa;Abula wakuyikwasha hamaseki atela kuyiswama.+
5 Atuzweñi akeñakeñaña yakuda mwisaña neyi ayimbuulu+ amumasaña;Akeñakeñaña yakuda yawanyanawu muchinkalampata.
6 Atela kwaañula mwiha damuntu wacheñi*Nikunonojola mwitempa danyivinyu damuntu watama.
7 Akaamaña wufuku wejima nzekesi, chakadi yakuvwala;+Hiyakweti yakudibuta kumashikaku.
8 Azowaña nanvula yakumapidi;Alamataña kumalola muloña wakubula mwakwiyama.
9 Mwana wabula tata yindi amuhukulaña kwiyeli;+Nawa yakuvwala yakazweñi ayitambulaña nakwikala chuma chakukwatilamu muloña wankongoli,*+
10 Nakuyikanjikija kwenda nzekesi, chakadi yakuvwala,Nawa nanzala, hanakusendawu yiita yambutu.
11 Azatilaña mukachi kambañu jamalola nankanza;*Adatolaña mumawukamwinu avinyu, ilaña atiyaña mpwila.+
12 Antu adi kwakwihi nakufwa abaaña mumusumba;Antu anakatishiwu chikupu* alombaña nawu ayikwashi,+Ilaña Nzambi hamonaña chumichi nindi chatamaku.*
13 Kudi antu adikañaña nachejeji;+Hiyeluka njila jachuku,Nawa hiyalondelaña jinjila jachuku.
14 Mbanji wahindukaña kumacha;Wajahaña kazweñi nimuntu wabula akumukwasha,+Nawa nawufuku wayaña nakwiya.
15 Disu damukawujila dahembelelaña kabwidibwidi,+Nakuhosha nindi, ‘Kwosi wukummona!’+
Nawa wadibutaña kumesu.
16 Mumwidima alukukaña nakwiñila* mumatala;Namwaana adishinkilaña mukachi.
Chejeji hiyachilukaku.+
17 Ntetemena yidi neyi mwidima wasweja kudi wena;Enjilila yuma yatiyishaña antu woma yamumwidima wasweja.
18 Ilaña ayikumpulaña swayi-swayi namenji.*
Iseka dawu deluña akadishiña.+
Hiyamba kafunta kumatempa awu anyivinyuku.
19 Neyi chaaña nikutaata chijomishaña sino* yinasuñunuki,Ijamu* nidena dasendaña antu anavulumuni!+
20 Mama yindi* wakamuvulamena; mavunyi akamuda.
Hiyakamwanuka nawa cheñiku.+
Nawa kubula kuloña akakwikotola neyi mutondu.
21 Wadaña mumbanda nshinta,Nawa wakabishaña ntuluwa.
22 Nzambi* wakazatisha ñovu jindi kujilumuna nachu antu adi nañovu;Hela chakwila akanyamuka, hiyaneluki neyi akahandaku.
23 Nzambi* wayilekaña kulonda adikuhweleli nikutiya neyi akiñewa,+Ilaña mesu indi anakumona yuma yejima yelañawu.*+
24 Ayitoheshaña hakapinji kantesha, kuhiñahu ajimbalaña.+
Ayikeheshaña+ nikuyipompesha neyi chapompeshañawu muntu wejima;Ayiketulaña neyi nyitu yatidiku.
25 Hinyi wukuhosha nindi inakutwambaHela wukukaana izu dami?”
Tumazu twaheshina
^ Dikwila nawu, ifuku dindi dawunsompeshi.
^ Hela “wamukudi.”
^ Hela hekwawu, “kukesa yakuda yadaña ayimuna mwiha.”
^ Hela “wamukudiku.”
^ Hela hekwawu, “akamunaña manji hakachi kambañu jamalola.”
^ Hela “mawumi anakatishiwu.”
^ Hela hekwawu, “Nzambi hafwishaña muntu wudi wejima namuloñaku.”
^ MuchiHeberu, “apundaña nakwiñila.”
^ MuchiHeberu, “wendaña swayi hewulu damenji.”
^ Hela “nvula yachishika yitooka.”
^ Hela “Shelu,” dikwila nawu, ijamu dawantu ejima. Talenu Kulumbulula.
^ MuchiHeberu, “Ivumu.”
^ MuchiHeberu, “Yena.”
^ MuchiHeberu, “Yena.”
^ MuchiHeberu, “munjila jawu.”
