Yoba 26:1-14
26 Yoba waakwili nindi:
2 “Ochimunakoleshi muntu wabula ñovu!
Ochimunapulwishi chikasa chazeya!+
3 Wenowu wukwashu wabadika wumunamwinki muntu wabula maana!+
Ochimunakasunuki* hakusolola maana enu alala!*
4 Hinyi imunakukeña kuhosha nindi,Nawa hinyi wunayoneni kuhosha yuma yamuchidiwu?*
5 Antu afwa dehi azaalaña;Ekala mwishina kubadika menji niyuma yashakamañamu.
6 Ijamu* didi nzekesi kumesu aNzambi,*+Niiluña dakujilumwinahu* dakadi kubuta.
7 Waala iwulu dakukabeta kakuchimunswa* muluzwizu,*+Wakudika iseki hakadi chuma;
8 Wavuñilaña menji mumavu indi,+Chakwila mavu hiyanateli kubaluka muloña wakulemaku;
9 Wabutaña itanda dindi kulonda abuli kudimona,Nakwaalahu ivu dindi.+
10 Wapulaña ñinza* hewulu damenji;+Washaña ñinza hakachi kachejeji namwidima.
11 Yishimi yamwiwulu yakankaña;Yazaalaña nakuzuwa kwindi.
12 Wavundañeshaña kaluñalwiji nañovu jindi,+Nawa muloña wamaana indi, waketolaña chileñaleña weneni wamumenji* muyikunku.+
13 Watookeshaña mawulu namuuya* windi;Chikasa chindi chachokolaña kapela wakala kukwata.*
14 Tiyenu! Iyi hinyidimu hohu yantesha hakachi kanyidimu yindi;+Yuma yitunatiyi hadi yena yidi hohu neyi kashawushawu kamwishina chikupu!
Dichi hinyi wunateli kwiluka kudidima kwindi kwañovu?”+
Tumazu twaheshina
^ Hela “hatooka.”
^ Hela “yitoñojoka.”
^ MuchiHeberu, “Nawa mudi enu munafumi muuya (spiritu) yanyi?”
^ Hela “Shelu,” dikwila nawu, ijamu dawantu ejima. Talenu Kulumbulula.
^ MuchiHeberu, “yena.”
^ Hela “NiAbadoni.”
^ MuchiHeberu, “mumpepela.”
^ MuchiHeberu, “kuchimunswa.”
^ MuchiHeberu, “njiñumuki.”
^ MuchiHeberu, “Rahabi.”
^ Hela “mpepela.”
^ Hela “walalumukaña.”