Yoba 33:1-33
33 “Ilaña ichi dinu, Yoba, mwani tiyililaku mazu ami;Tiyililaku yuma yejima yinukuhosha.
2 Mwani tiyaña! Natela kwasama kanwa kami;Idimi dami* datela kuhosha.
3 Mazu ami ashimunaña kwoloka kwamuchima wami,+Nawa nyivumbu yami yashimunaña choloka yuma yineluka.
4 Spiritu yaNzambi diyantuñili,+Nawa muuya waWañovu Jejima diwanyinkeli wumi.+
5 Ñaakuli neyi wukutwesha;Nleji yitoñojoka yeyi; diloñeshi.
6 Tiyaña! Ami nidi tuhu neyi eyi kumesu aNzambi walala;Ninami anwumbili nandambu.+
7 Dichi bayi wuntiya womaku,Nawa yuma yinukuhosha bayi yikutiyisha womaku.
8 Ilaña natiyeña chiwunahosheña,Mwalala, nadiña nakutiya mazu eyi akwila nawu,
9 ‘Nidi wutooka, hinikweti nshidiku;+Nidi wakadi majilu, hinikweti chiluwaku.+
10 Ilaña Nzambi wakeñaña hohu yiluwa mudi amiWammonaña nindi nidi chilumbu chindi.+
11 Washaña nyendu yami mumpompa;Watalaña mwejima munayaña.’+
12 Ilaña wunaluwañeshi hakuhosha awa mazu, dichi nukukwakula:
Nzambi wabadika chikupu muntu wafwaña.+
13 Muloñadi chiwunakutoobela hadi Yena?+
Muloña wakwila waakula mazu eyi ejima wanyi, tahindi?+
14 Muloña Nzambi wahoshaña kapampa kamu nikamuchiyedi,Ilaña kwosi niwumu washañaku maana,
15 Muchilota, chimwenu chawufuku,+Mpinji yakupukilañawu antu mutulu twatweniHenohu anakaami mutudidi twawu.
16 Kuhiñahu wenzununaña matu awu+Nawa wayichichimikaña* nshimbi jindi,
17 Kulonda afumishi muntu kuyuma yatama+Nikukiña muntu kulonda abuli kudivwimba.+
18 Nzambi wamwinaña wumi windi wubuli kuya mwibuku,*+Wumi windi wawupulwishaña kumpoku yakabali.*
19 Muntu amubabeshaña nakuyeña hakadidi kindiNinakukata kwatwalekañahu mumafwaha indi,
20 Kulonda mujimba windi* wuheli dinkendi,Nawa wakaanaña niyakuda yayiwahi.+
21 Mujimba windi wakosaña chikupu,Nawa mafwaha indi adiña aswama amwekanaña.*
22 Wumi windi waswinaña kwakwihi nebuku;*Wumi windi waswinaña kudi antu aletaña kufwa.
23 Neyi kudi yena kukwinza ntemesha,*Mukakuhakwilaku hadi akakuhakwilaku 1,000,Nakumuleja muntu yuma yaloña,
24 Kuhiñahu Nzambi amutiyila luwi nakuhosha nindi,‘Mulekenu abuli kuya mwibuku!*+
Nawani ifutu danyiloña!+
25 Mujimba windi wuseneni* kubadika chiwadiña muwukwenzi;+Afunti kumafuku añovu jawukwenzi windi.’+
26 Wakamulembelela Nzambi,+ owu wamba kamwiteja,Nawa wakamona kumesu Indi nakudikuwa namuzañalu,Nzambi wakafuntisha kuloña Kwindi kudi muntu wafwaña.
27 Owu muntu wakashimuna* kudi antu nindi,‘Navulumuni+ nawa naheñeshi mwaloña,Ilaña natambwili yuma yinatela kubula kutambwila.*
28 Nakuuli wumi wami wubuli kuya mwibuku,*+Nawa wumi wami wukumona chejeji.’
29 Mwamweni, Nzambi welaña yuma yejimiyiKudi muntu, mapampa ayedi hela asatu,
30 Hakwila amufumishi yena* kwibuku,*Kulonda adiluñishi nachejeji chawumi.+
31 Shakuku maana Yoba! Ntiyilili!
Mwenakuhu, nawa nukutwalekahu kuhosha.
32 Neyi wudi namazu akuhoshahu, ñaakuli,
Hoshaku, muloña inakukeña kukuyiñisha.
33 Neyi wudana mazu akuhoshahu, watela kuntiyilila;Mwenakuhu, nawa nukukudizisha maana.”
Tumazu twaheshina
^ MuchiHeberu, “Idimi dami hamu nandakwila yami.”
^ MuchiHeberu, “wayilamikaña.”
^ Hela “kuchitwa (mutendanzumbu).”
^ Hela “mwijamu.”
^ MuchiHeberu, “wumi windi.”
^ Hela “ashalaña hanji.”
^ Hela “nejamu.”
^ Hela “kañelu.”
^ Hela “mwijamu.”
^ Hela “wukoli.”
^ MuchiHeberu, “wakemba.”
^ Hela hekwawu, “Nawa hiyankwashiliku.”
^ Hela “mwijamu.”
^ Hela “wumi windi.”
^ Hela “ijamu.”