Yoba 34:1-37
34 Dichi Elihu watwalekelihu kwakula nindi:
2 “Tiyililenu kumazu ami, enu mukweti maana;Ntiyililenu, enu mweluka yuma yayivulu chikupu.
3 Muloña itu datompaña mazuNeyi idimi chidatompaña* yakuda.
4 Tuwanenu etu aweni chuma chaloña;Tufuukulenu hakachi ketu etu aweni chuma chachiwahi.
5 Muloña Yoba nahoshi nindi, ‘Ami naloña,+Ilaña Nzambi hanammwekesheli wuñanjiku.+
6 Komana nateli kutwamba chatela kwikala wunsompeshi wami?
Chilonda chami chakusukaña wanyi, hela chakwila kwosi nshidi.’+
7 Hinyi mukwawu wudi neyi Yoba,Wanwaña kasawuntu neyi menji?
8 Nakwendela hamu nawantu akoñaña yatamaNikudikunda nawantu atama.+
9 Muloña nahoshi nindi, ‘Kwosi yuma yawaninañamu muntuMukumutiyisha Nzambi kuwaha.’+
10 Dichi ntiyililenu, enu amayala akweti maana:*
Chinjila Nzambi walala kukoña yatama,+Wañovu Jejima kwila mwaluwa!+
11 Muloña wakamufweta muntu kwesekeja nayuma yelañayi+Nikumuletela yuma yafumaña munjila jindi.
12 Chalala, Nzambi helaña yuma yatamaku;+Wañovu Jejima haheñeshaña wuñanjiku.+
13 Hinyi wamwinkeli mudimu wakutala iseki,Nawa hinyi wamutondeli kutala kaayi kejima?*
14 Neyi asha maana* hadi wena,Neyi yadipompeshela spiritu nimuuya wawu,+
15 Antu ejima* akunoñela hamu,Nawa antu akufunta kulunkuñu.+
16 Dichi neyi wudi namaana, shaku muchima kuyumiyi;Tiyililaku nakanañachima kuyuma yinukuhosha.
17 Komana muntu wahela wuñanji nateli kuyuula,Indi kwiji wunateli kumusompesha mukañovu waloña?
18 Komana wunateli kumuleja mwanta neyi, Wudi wamukunkulwayi,’
Hela kuyileja antu alema neyi, ‘Enu mwatama’?+
19 Kudi Wumu wabulaña kumwekesha chaambu kudi ayiloluNawa wabulaña kulemesha aheta kubadika atuzweñi,*+Muloña wejima wawu himudimu wakumakasa indi.+
20 Anateli kufwa chakukasumwisha,+ mukachi kawufuku;+Azaalaña chikupu nikufwa;Niantu akweti ñovu ayifumishañahu, ilaña bayi namakasa awantuku.+
21 Muloña mesu aNzambi amonaña njila jamuntu,+Nawa Yena wamonaña mwejima mwadatañayi.
22 Kwosi mwidima hela mwidima waswejaMunateli kuswamawu antu elaña yatamaku.+
23 Muloña Nzambi hatoñola mpinji yamuntu wudi wejimaYakuya kudi yena nakumusompeshaku.
24 Wayichikaña akañovu chakadi kukeñakeña wunsahuNawa heluña dawu wahiñishañahu amakwawu.+
25 Muloña welukaña yuma yinakwilawu;+Wayilañumunañahu nawufuku, nawa achikikaña.+
26 Wayetaña muloña wakutama kwawu,Hamesu awantu ejima,+
27 Muloña analeki kumulondela+Nawa hiyanakwakamena njila jindiku;+
28 Akojejaña atuzweñi kumudilila,Kulonda atiyeña kudila kwawantu anabuli wakuyikwasha.+
29 Neyi Nzambi amwenahu, hinyi wunateli kumufwisha namuloña?
Neyi asweka chamesu indi, hinyi wunateli kumumona?
Hela kudi muza hela muntu, chochimu,
30 Kulonda muntu watama* abuli kuyuula+Hela kutila antu nyihetu.
31 Komana muntu wejima wakamuleja Nzambi nindi,‘Anambabeshi, hela chakwila hinnakoñihu muloñaku;+
32 Ndizishi chuma chinnakañanyi kumona;Neyi nakoñihu chuma chatama, nakachikoñahu cheñi wanyi’?
33 Komana yena nateli kukufweta kwesekeja nachiwunakutoñojoka henohu wunakaani wunsompeshi windi?
Watela kufuukulahu, bayi amiku.
Dichi nleji yuma yiwelukisha chiwahi.
34 Antu akweti kashinshi* akunleja nawu—Muntu wejima wamaana wukuntiyilila—
35 ‘Yoba nakuhosha chakadi kwiluka,+Nawa mumazu indi himudi maanaku.’
36 Yoba amweseki* kushika nikunsaMuloña nakwakula neyi antu atama!
37 Kunshidi yindi wabombelañaku kudikaña;+Watusawulaña nakututwila nkoshiNawa wadikañaña nakuvulisha mazu indi hadi Nzambi walala.”+
Tumazu twaheshina
^ MuchiHeberu, “ndakwila.”
^ MuchiHeberu, “muchima.”
^ Hela “yuma yashakamaña heseki.”
^ MuchiHeberu, “muchima windi.”
^ MuchiHeberu, “nyijimba.”
^ Hela “alema hadi akehelamu.”
^ Hela “mukakusekesha.”
^ MuchiHeberu, “muchima.”
^ Hela hekwawu, “Tata yami, Yoba amweseki.”
