Yoba 37:1-24
37 “Neyi nitoñojoka hachumichi, muchima wami wetañaNawa wakilokaña muwekala.
2 Tiyililaku nakanañachima kwizu dindi dañovuNikukudidima kwafumaña mukanwa kindi.
3 Datiyakanaña hamaseki hejimaNawa watumaña nzaji+ yindi kwakumina iseki.
4 Kuhiñahu, kwatiyakanaña chivumina chakubuluma;Wadidimaña nezu dañovu chikupu,+Nawa nzaji wayikañeshaña wanyi neyi izu dindi dinatiyakani dehi.
5 Nzambi wadidimaña nezu dindi+ munjila yayiwahi;Wakoñaña yuma yamaneni yitwakañanyaña kutiyisha.+
6 Muloña walejaña sino* nindi, ‘Holokaku hamaseki,’+
Nawa walejaña nvula yinakunoka nindi, ‘Huñunukaku nañovu.’+
7 Nzambi waketwishaña yuma yejima yelañawu antu*Kulonda muntu wejima wafwaña eluki mudimu Windi.
8 Anyama amwisaña ayaña mumeena awuNawa atwalekañahu kushakama mwenomu.
9 Mpepela yeneni yakunkaña kufuma muyashakamaña,+Nikutuuta kwafumaña kumpepela yakuchimunswa.+
10 Namuuya waNzambi, ayisi* yatuñikaña,+Nawa menji amavulu adikwataña mbe-e.+
11 Eña, wapimaña kulema kwamavu namukekemena;Wapalañeshaña nzaji+ yindi mumavu;
12 Anyeñumokaña kwejima kwayilejañayi kuya;Elaña mwejima mwayilejañayi+ heseki hashakamañawu antu.
13 Chili himuloña wakubabesha*+ hela muloña wesekiIndi kwiji muloña wakukeña kwakashinshi, wachikojejaña kumwekana.+
14 Yoba, tiyililaku chinukuhosha;Hudikilaku nawa toñojokaku chikupu hanyidimu yaNzambi yakuhayamisha.+
15 Komana wuneluki Nzambi chayuulañayi* mavuNichakojejañayi nzaji kukenashana kufuma mumavu indi?
16 Wuneluki mavu chalelañawu?+
Iyi hinyidimu yakuhayamisha yaYena weluka yuma yejima.+
17 Muloñadi yakuvwala yeyi chiyataatilañaNeyi iseki dinamweni muloña wampepela yakukabeta kakuchidiilu?+
18 Komana eyi, hamu nayena munateli kutandumuna* luzwizu+Lwakola neyi chibanjilu chachikuñu?
19 Tuleji chitwatela kumuleja;Tukutwesha kwakula wanyi muloña tudi mumwidima.
20 Komana natela kumuleja nami inakukeña kuhosha?
Indi kwiji kudihu muntu wunahoshi nsañu yitwatela kumuleja?+
21 Chejeji* nichena hiyachimonañaku,Hela chakwila chinakutoñeka muluzwizu,Sampu mpepela yinahiti nawa yinafumishihu mavu.
22 Kuchimunswa kwafumaña lubanji lwawuru;Wukeleñi waNzambi+ wakutiyisha woma.
23 Kwila tutwesha kumwiluka chikupu Wañovu Jejima nehi;+Wukweti ñovu jabadika hama,+Nawa haheñeshaña wuñanji+ nikuloña kwindi kwabadikaku.+
24 Dichi, antu atela kumutiya woma.+
Muloña hatoñojokelañaku antu ejima adimonaña nawu akweti maanaku.”*+
Tumazu twaheshina
^ Hela “nvula yachishika yitooka.”
^ MuchiHeberu, “washaña chilamiku hamakasa awantu ejima.”
^ Hela “mayimakanza.”
^ Hela “wambwechi.”
^ Hela “chalejañayi.”
^ Hela “kuchila.”
^ Dikwila nawu, chejeji chetena.
^ MuchiHeberu, “akweti maana mumuchima.”
