Yoba 9:1-35
9 Yoba wamwakwili nindi:
2 “Neluki nami diimu.
Hanu dinu muntu wafwaña nateli kuyiña ñahi namuloña naNzambi?+
3 Neyi muntu afuukulahu kuditaadikisha naYena,*+Yenowu muntu neyi amwihula malwihu 1,000, kudi Yena, wukukañanya kwakulahu lwihu hela lumu.
4 Wukweti maana mumuchima windi nawa wukweti ñovu chikupu.+
Hinyi wunateli kumukañesha nawa akubula kukatishawu?+
5 Watuntululaña* mapidi chakadi muntu hela wumu kwiluka;Wayibalumonaña muloña wakuzuwa kwindi.
6 Wakankishaña iseki heluña dadu,Chakwila yishimi yadu yanyinkeshaña.+
7 Walejaña itena dibuli kutoñekaNawa wabutaña chejeji chatutumbwa;+
8 Waalaña mawulu yomwenindi,+Nawa wadataña hewulu damankanda ahakaluñalwiji.+
9 Waleñeli mukanka watutumbwa twaAshi,* twaKesili* nitwaKima,*+Ninyikanka yatutumbwa yekala kukabeta kewulu kakuchidiilu;*
10 Welaña yuma yamaneni nawa yakunama,+Yuma yayiwahi yakadi kutwesha kuchinda.+
11 Wahitaña kwakwihi nanami, nawa hinamumonañaku;Wanhitaña, ilaña hinamwilukañaku.
12 Neyi nahukuli chuma, hinyi wunateli kumutambulachu?
Hinyi wunateli kumwihula nindi, ‘Wunakwiladi?’+
13 Nzambi kwila aleka kuzuwa nehi;+Hela ankwashi jaRahaba*+ akadibuka kudi yena.
14 Hanu dinu chikwikala ñahi neyi nimwakulaNatela kutonda mazu amawahi hakuditaadikisha nindi!
15 Hela chakwila hinaluwañeshaku, hinadi kumwakulaku.+
Nadi kulemba hohu kudi nsompeshi* yami kuñanakena.
16 Neyi nimutambika, komana wukuñakula?
Neluki wanyi neyi nateli nikutiya kwizu dami,
17 Muloña wanchikaña nanvula yampepelaNawa wavulishaña yilonda yami hakadi muloña.+
18 Wañitejaña wanyi kwona;Watwalekañahu kunlumbikila yuma yalula.
19 Neyi tukuhosha hañovu, yena diyi wakola.+
Neyi tukuhosha hawuñanji, wahoshaña nindi: ‘Hinyi wunateli kunsompesha?’*
20 Neyi naluwañesha wanyi, kanwa kami kadi kunfwisha namuloña;Hela chakwila nukuhemba kashinshi kami,* wukunfwisha namuloña.*
21 Hela chakwila nukuhemba kashinshi kami,* nadikuhweleli wanyi;*Nakaani* iwu wumi wami.
22 Chochimu. Dichinnakuhoshela nami,‘Wajilumunaña antu akadi muloña* niatama.’
23 Neyi dibaji dakukasumwisha dikujaha antu chakukasumwisha,Wukuseha chikuyandawu akadi muloña.
24 Iseki anadihani kudi watama;+Wabutaña mesu* awansompeshi adu.
Neyi diyi wanyi, hanu dinu, hinyi?
25 Ichi dinu mafuku ami anakutemuka kubadika mukakutemuka;+Atemukaña chakadi kumona yuma yayiwahi.
26 Atemukaña neyi watu wamateti,Neyi mbuulu wakuupulaña yakuda.
27 Neyi nihosha nami, ‘Nukuleka kwaaba,Nukuhimpa mmwekenu yami kulonda niikali namuzañalu,’
28 Hohamu nukutiyaña woma muloña wayihuñu yami,+Nawa neluki nami hiwukunwana chakadi muloñaku.
29 Nukufwa namuloña.*
Dichi nukukabakenadi chamukunkulwayi?+
30 Neyi nukuwela menji asino* yinasuñunuki,Nawa nitookesha makasa ami namawuti,+
31 Kuhiñahu wukuntumpika mwibuku damajilu,Kulonda niyakuvwala yami yintiyi wuzondu.
32 Muloña yena hadi neyi ami muntu mwaka nimwakuliku,Mwaka tuyi nindi hamu kuchota chanyiloñaku.+
33 Kwosi muntu watela kutufuukwila* hakachi ketuku,Wunateli kwikala nsompeshi yetu.*
34 Neyi wukuleka kuñeta*Nawa yaleka kuntiyisha woma,+
35 Dihu dinu hinukuhosha nayena chakadi woma,Muloña hinenjilila kuhosha nawomaku.
Tumazu twaheshina
^ Hela, “Kumutwala kuchota chanyiloña.”
^ Hela, “wafumishaña.”
^ Hadaha mukanka watutumbwa twaBera Muneni.
^ MuchiHeberu, “tupeka twakukabeta kakuchidiilu.”
^ Hadaha tutumbwa twaPiliyadisi twekala mumulalanji waÑombi.
^ Hadaha mukanka watutumbwa twaOriyoni.
^ Hadaha hikanyama weneni wamukaluñalwiji.
^ Hela hekwawu, “muntu inidi nindi namuloña.”
^ MuchiHeberu, “kuntwala kuchota.”
^ Hela “Hela chakwila nidana muloña.”
^ MuchiHeberu, “kuheña.”
^ Hela “Hela chakwila nidana muloña.”
^ Hela “Neluki wanyi wumi wami.”
^ Hela “Naheli.”
^ Hela “ahembaña kashinshi.”
^ MuchiHeberu, “kumesu.”
^ MuchiHeberu, “kutama.”
^ Hela “nvula yachishika yitooka.”
^ Hela “kwosi ihaku.”
^ MuchiHeberu, “wukusha chikasa chindi hadi etu ayedi.”
^ MuchiHeberu, “yafumisha chikoti chindi hadi ami.”
