Yoshuwa 14:1-15
14 Iyi diyuma yatambwiliwu aIsarela kwikala wuswana wawu mwituña daKenani, oyu yayinkeliwu kulonda yiikali wuswana wawu kudi kapristu Eleyazari nikudi Yoshuwa mwana kaNuni nikudi anlomboli janyitaña yanyichidi yawaIsarela.+
2 Nyichidi 9 nimuchidi wachibalu,+ ayanzañeneni wuswana wawu kuzatisha chinjikijilu+ neyi chashimwiniyi Yehova kuhitila mudi Mosi.
3 Mosi wenkeli nyichidi yikwawu yiyedi nimuchidi wachibalu wuswana wawu mwishinadi* dikwawu daYodani.+ ALevi hiyayinkelihu wuswana hakachi kawaIsarelaku.+
4 Anyana kaYosefu adiña nyichidi yiyedi,+ Manasi niEfuremu.+ Alevi hiyayinkelihu iseka mwituñaku, ilaña ayinkeli hohu nyisumba+ yakushakamamu nimwakudiishila yimuna yawu niyuma yawu.+
5 Dichi aIsarela anzañeni ituña neyi chamulejeliwu Mosi kudi Yehova.
6 Kuhiñahu, amayala akumuchidi waYuda enjili kudi Yoshuwa muGiligali,+ nawa Kalebu+ mwana kaYefuna mwini Kenizi wamulejeli nindi: “Eyi weluka chikupu yuma yamulejeliwu Mosi, muntu waNzambi walala+ kudi Yehova+ kutalisha hadi eyi nanami kuKadeshi Baraneya.+
7 Nadiña nayaaka 40 hantemesheliyi Mosi kambuña aYehova kufuma kuKadeshi Baraneya nakuya nakwendesha ituña,+ nawa nafuntili nansañu yayiwahi nankashi.*+
8 Hela chakwila amanakwami inayili nawu hamu azeyesheli nyichima yawantu,* ilaña ami namulondeleli Yehova Nzambi yami namuchima wejima.*+
9 Mosi wasanyikili hanodu ifuku nindi: ‘Ituña hanadati mwendu weyi dakekala wuswana weyi niwawanyaneyi haya nyaaka, muloña wunamulondeli Yehova Nzambi yami namuchima wejima.’+
10 Neyi chakaniniyi,+ Yehova nanhembi nawumi+ hadi iyi yaaka 45 kufuma tuhu Yehova hamukaniniyi Mosi iku kukana hendeleñawu aIsarela mwisaña;+ nichidi kwoku nikulelu nawa nashikiji dehi yaaka 85.
11 Nawa nikulelu nichidi wakola neyi chinadiña wakola hefuku dantemesheliyi Mosi. Chayinu mpinji, ñovu yami yakuzuña njita niyakuzata nyidimu yikwawu yidi tuhu neyi chiyadiña hayina mpinji.
12 Dichi, nyinki idi iluña damapidi dakaniniyi Yehova hadina ifuku. Hela chakwila hadina ifuku eyi watiyili nawu kunodu iluña kwashakamaña aAnaki+ akweti nyisumba yamaneni yakiñewa,+ chalala Yehova wukwikalaña nanami+ nawa nukuyitemunamu* neyi chakaniniyi Yehova.”+
13 Dichi Yoshuwa wamukiswilili Kalebu mwana kaYefuna nawa wamwinkeli Hebironi wiikali wuswana windi.+
14 Dichaletesha Hebironi kwikala wuswana waKalebu mwana kaYefuna mwini Kenizi kushika nikulelu, muloña wamwovwahilili Yehova Nzambi yaIsarela namuchima wejima.+
15 Kunyima, ijina daHebironi aditeneneña nawu Kiriyati Ariba+ (Ariba wadiña iyala waya mpuhu chikupu hakachi kawaAnaki). Nawa mwituña himwekalilihu cheñi njitaku.+
Tumazu twaheshina
^ Dikwila nawu, kukabadi kakumusela.
^ MuchiHeberu, “namazu neyi owu adiña mumuchima wami.”
^ MuchiHeberu, “akojejeli nyichima yawantu kusuñunuka.”
^ MuchiHeberu, “chikupu.”
^ Hela “nikuyitambuladu.”
