Yoshuwa 16:1-10
16 Nawa mpata yanzañeneniwu+ anyana kaYosefu+ kuzatisha chinjikijilu yatachikilili muYodani kuYeriku nakushika kumenji akumusela waYeriku nakuhita mwisaña dafuma kuYeriku nakuya mwiluña damapidi daBeteli.+
2 Yafumini kuBeteli yakuLuzi nakushika kuñinza yawaAriki kuAtaroti,
3 kuhiñahu, yakunkumukili nakuya kukabadi kakumujika kuñinza yawaYafileti ndo-o nikuñinza yaBetihoroni+ yakuChikulu nikuGezeri,+ nawa yakuminini kukaluñalwiji.
4 Dichi anyana kaYosefu+ aManasi naEfuremu atambwili mpata yawu.+
5 Ñinza yawanyana kaEfuremu kwesekeja nayisaka yawu yadiña ñana: Ñinza yawuswana wawu kumusela yadiña Ataroti Adara+ ndo-o nikuBetihoroni yakuMukandu,+
6 nawa iyi ñinza yayili nakushika kukaluñalwiji. Mikimetati+ wadiña kukabeta kakuchimunswa, nawa iyi ñinza yanyeñumukili nakuhita kumusela waTayanati Shilo nawa yahitili kumusela nakushika kuYanowa.
7 Kuhiñahu, yakunkumukili kufuma kuYanowa nakuhita kuAtaroti nikuNayara nawa yashikili kuYeriku+ ndo-o nikuYodani.
8 Kufuma kuTapuwa+ iyi ñinza yatwalekelihu kuya kukabeta kakumujika kuMuhoñi waKana nawa yakuminini kukaluñalwiji.+ Iwu diwuswana wamuchidi waEfuremu kwesekeja nayisaka yawu;
9 anyana kaEfuremu adiña cheñi nanyisumba yikwawu mukachi kawuswana waManasi,+ nyisumba yejima hamu ninyikala yayu.
10 Hela chochu, hiyayitemwinimu aKenani ashakamineña muGezeriku,+ nawa aKenani atwalekahu kushakama hakachi kaEfuremu kushika nikulelu+ nawa ayizatishaña nyidimu yawuduñu.+
