Yoshuwa 23:1-16
23 Chimwahitili mafuku amavulu kufuma hayinookesheliyi Yehova aIsarela+ kudi ayilumbu jawu ejima, chelili Yoshuwa nakuli dehi nawa nashinakaji,+
2 Yoshuwa watambikili aIsarela ejima,+ akulumpi jawu, anlomboli jawu, ansompeshi jawu niantwamina jawu,+ nawa wayilejeli nindi: “Ami nakuli dehi; nashinakaji.
3 Nawa munadimweni yuma yejima Yehova Nzambi yenu yinakoñeliyi iyi nyuza yejima kukoola enu, muloña Yehova Nzambi yenu diyi wayizuñilileñaku enu.+
4 Talenu, ami nayanzañeneni ituña danyuza kuzatisha chinjikijilu*+ odu dinatwalekihu kwikala wuswana wanyichidi yenu,+ kushilahu niituña dejima danyuza yinajilumwini,+ kufuma kuYodani ndo-o nikuKaluñalwiji Keneni* kumujika.*
5 Nawa Yehova Nzambi yenu diyi wayikumpishileña kumesu enu,+ wayitemwini kudi enu nawa mwatambwili ituña dawu nakwikala iheta denu neyi chayikaniniyi Yehova Nzambi yenu.+
6 “Dichi mwatela kwikala ahamuka chikupu kulonda muhembeña nikulondela yuma yejima yasonekawu mumukanda waNshimbi+ jaMosi nakubula kuya kuchidiilu hela kuchimunswa,+
7 nakubula kudikunda naniyi nyuza+ yinashali nanenu. Bayi mucheseka hela kutena majina awanzambi jawu+ hela kusanyikila mumajina awuku, nawa bayi muyikalakela hela kudibuka kudi wenaku.+
8 Ilaña mwatela kukakela kudi Yehova Nzambi yenu+ neyi chimuneli kushika nikulelu.
9 Yehova wakatemuna kumesu enu nyuza yamaneni nawa yikweti ñovu,+ muloña kwosi muntu niwumu watweshaña kuyimika enu mushindu kushika nikuleluku.+
10 Muntu wumu hakachi kenu wakakumpisha antu 1,000,+ muloña Yehova Nzambi yenu nakuyizuñilaku+ neyi chayikaniniyi.+
11 Dichi twalekenuhu kwikala asoñama*+ nakumukeña Yehova Nzambi yenu.+
12 “Ilaña neyi mwakacheseka kufunta hanyima hela chanti nakukakela kuniyi nyuza yinashali+ nanenu nawa mudisumbwañena+ nikudikunda nayu, wena ninenu,
13 mwatela kwiluka nenu chakadi nikujina, Yehova Nzambi yenu hakatwalekahu kutemuna iyi nyuza kudi enuku.+ Yakekala muhetu, ikoña nawa yakekala neyi chikoti chinayetiwu kumbavu+ nawa neyi nyiña yinayilemekiwu mumesu, sampu anayijilumuni munidi ituña dadiwahi dinayinkiyi Yehova Nzambi yenu.
14 “Dichi talenu! Ami keña nifwi,* nawa muneluki chikupu namuchima wenu wejima ninawumi* wenu wejima nenu kwosi izu nidimu dahayikaninu yayiwahi yejima dayilejeliyi Yehova Nzambi yenu dinabuli kushikijewaku. Ejima anashikijewi hadi enu. Kwosi izu nidimu dinabuli kushikijewaku.+
15 Ilaña, neyi chinashikijewi hadi enu+ yikaninu yayiwahi yejima yayilejeliyi Yehova Nzambi yenu, dichakaletayi Yehova hadi enu yihuñu yejima yakaniniyi* nawa wakayijilumuna munidi ituña dadiwahi dinayinkiyi Yehova Nzambi yenu.+
16 Neyi mufumpa chitiyañenu chaYehova Nzambi yenu chinayilejiyi nindi muchihembeña nawa neyi muya nakukalakela anzambi acheñi nikudibuka kudi wena, Yehova wakayizuwila+ nawa mwakashikena dakujilumuka nakufuma munidi ituña dadiwahi dinayinkiyi.”+
Tumazu twaheshina
^ Hela “kukabadi kwahuminaña itena.”
^ Dikwila nawu, Meditereniyani.
^ Hela “ami nayinki.”
^ Hela “Dichi hembenu mawumi enu chiwahi.”
^ MuchiHeberu, “Dalelu ami inakuya munjila yayañamu antu ahamaseki ejima.”
^ Talenu Kulumbulula.
^ Hela “izu datama dejima dakaniniyi.”