Zefwaniya 2:1-15
2 Dipompeshenu, eña, dipompeshenu hamu,+Eyi muza wabulaña kutiya nsonyi.+
2 Henohu lushimbi kanda lutachiki kuzatika,Henohu ifuku kanda dihiti neyi muzuñu,Henohu kuzuwa kwaYehova kwasweja kanda kuyishikeni,+Henohu ifuku dakuzuwa kwaYehova kanda diyishikeni,
3 Mukeñakeñenu Yehova,+ enu ejima amwovu* mwashakamaña hamaseki,Enu mwovwahilaña nshimbi jindi jaloña.*
Keñakeñenu kuloña, keñakeñenu kwovwaha.*
Hadaha* akayisweka hefuku dakuzuwa kwaYehova.+
4 Muloña musumba waGaza akawushiya chisayikila;Nawa Ashikeloni akamushiya kwamahembi.+
Ashidodi akamutemuna namwaana wetenda,*Nawa Ekironi akamubwita.+
5 “Oyihuñu yakamona antu ashakamaña kumukulishu wakaluñalwiji, muza wawaKereti!+
Izu daYehova dinayimakeni.
Eyi Kenani, ituña dawaFilisitinu, nakakukisañana,Chakwila hiwakashala namuntu hela wumuku.
6 Nawa mukulishu wakaluñalwiji wakekala iluña dakudiila ayimuna,Wakekala namashima awatubiña nimayinda amalola awanyikoku.
7 Wakekala iluña mwakushakama ashalahu amwitala daYuda;+Kwenoku dikwakadiilañawu.
Akakaamaña mumatala aAshikeloni namelela.
Muloña Yehova Nzambi yawu wakabalumukila kudi wena,*Nawa wakafuntisha antu jawu adi muwunkoli.”+
8 “Natiyi kasawuntu kaMowabi+ nimatuka awaAmoni,+Anasupishi antu jami nikudivwimba neluña dawu.+
9 Dichi, kwesekeja nachinahanda ami,” dichinahoshiyi Yehova wamazaza, Nzambi yaIsarela,“Mowabi wakashala neyi Sodoma,+Nawa aAmoni neyi Gomora,+Iluña datunyuñi, ibuku damuñwa nawa mahembi ahaya nyaaka.+
Wenawa akayipuupa kudi antu jami ashalahu,Nawa akayihaña kudi ashalahu amumuza wami.
10 Ichi dichuma chikayimwekena muloña wakudivwimba kwawu,+Muloña asupishili antu jaYehova wamazaza nikudisambila hadi wena.
11 Yehova wakayitiyisha woma chikupu;Muloña wakajiyisha anzambi ejima ahamaseki,Nawa yituutu yejima yanyuza yakadibuka* kudi yena,+Iwu heluña dindi, iwu heluña dindi.
12 Ninenu aEtiyopiya mpoku yami yakabali yakayitapa.+
13 Wakwolwela chikasa chindi kukabeta kakuchimunswa nakukisañana Asiriya,Nawa Niniva wakamushiya kwamahembi,+ wooma neyi chinkalampata.
14 Mudi yena mukakaamaña nyikanka yawanyama, nyichidi yejima yawanyama amwisaña.*
Nkumbi nichisaka akakaamaña hewulu dayishimi.
Izu dakembila hawindu.*
Hawiñililu hakekala yuma yinakisañaniwu;Muloña wakashiya mapulanga anyisinda hatooka.
15 Iwu diwu musumba wadivwimba wadiña wakiñewa,Wahosheleña mumuchima windi nindi, ‘Yami hohu, kwosi mukwawuku.’
Ochinekaliyi chuma chakuhayama chikupu,Iluña mwakukaama anyama amwisaña!
Muntu wejima wukuhitaña kwakwihi wukwimbaña muloji nikuzuya nkonyi.”+
Tumazu twaheshina
^ Hela “adizoza.”
^ MuchiHeberu, “wunsompeshi windi.”
^ Hela “kudizoza.”
^ Hela “Hekwawu.”
^ Hela “itena mwiwulu.”
^ Hela “wakayakamena.”
^ Hela “yakadifukula.”
^ MuchiHeberu, “anyama ejima amumuza.”
^ Hela “hanjanina.”
