Yakoba walwishili nakañelu kufwila chuma chasweja kulema, nkisu yaYehova. (Kut 32:24-31; Hos 12:3, 4) Indi etu? Komana tunakufwila kuzata nañovu kulonda tumwovwahileña Yehova hakwila yatukiswili? Chakutalilahu, hadi kuzata mudimu wakumujimba mpinji yimwatela kuya nakupompa nakuwushiya kulonda muyi nakupompa, mukutondahu chimu chidihi? Neyi tuzatisha chiwahi mpinji yetu, ñovu niyuma yitukweti hakumuzatila Yehova, wukutwihuñunwina “nkisu yayivulu yakukañanya nihakuyitambwila.” (Mal 3:10) Wukutulombolaña nikutukiña nawa wukutwinkaña yuma yitwakankilaña.—Mat 6:33; Heb 13:5.

TALENU VIDIYO, SHENU MAANA CHIKUPU KUYUMA YAKUSPIRITU, NAWA AKULENU AWA MALWIHU:

• Chuma chakeñeliyi muhela chamushili ñahi mukweseka?

• Mudimu wunateli kutuletesha ñahi kwikala mukweseka?

• Muloñadi Timotewu chateleleliyi kutwalekahu kufwila yuma yakuspiritu nihampinji yekaliliyi mukwaKristu wapama?—1 Ti 4:16

• Twamwekeshaña ñahi netu iwu diwu “mudimu wutwalemesha”?