Ambuña aYehova ejima anateli kumuzatila Yehova nyidimu yikanukañawu haya nyaaka. Kufwana nvwali walemesha nyidimu yazataña anyanindi, Yehova havulamenaña nyidimu yitwamuzatilaña nikukeña kutwakeña ijina dindiku. (Mat 6:20; Heb 6:10) Hela chochu, wonsu wetu tukweti wuswa wamboka-mboka nawa yuma yitwamonaña yambuka. Hela chochu, tunateli kwikala namuzañalu neyi tuzata hanakumini ñovu yetu mumudimu waYehova. (Ñal 6:4; Kol 3:23) Hadi yaaka yayivulu yinahitihu, amanakwetu niahela amavulu anamukalakeli Yehova haBeteli. Komana ninenu kwila mudihana kuzataku mudimu wahaBeteli nehi? Neyi mukutwesha wanyi, kwashenuku mukwenu kulonda yeli mwenimu hela kwashenu muntu wamuchisaka chaBeteli kulonda yatwalekihu kukalakala muniwu mudimu?

TALENU VIDIYO YAFWILENUÑA KUZATAKU NYIDIMU YAHABETELI NAWA AKULENU AWA MALWIHU:

• Chumanyi chinateli kumusañumuna muntu kuzatila haBeteli?

• Mazwinyi ahoshawu amakwawu kutalisha hayuma yayiwahi yafumaña mukuzatila haBeteli?

• Yumanyi yakeñekaña hakwila nawu muntu yakazatili haBeteli?

• Munateli kwila ñahi hakwila nawu muzatili haBeteli?