Muloñadi chitwatela kudikundila nawantu amukeña Yehova? Muloña antu itwadikundaña nawu anateli kutukwasha hela kutuluwañesha. (Yis 13:20) Chakutalilahu, Mwanta Yowashi welileña yuma “yaloña kumesu aYehova” hadikundileñayi naKapristu Muneni Yehoyada. (2Ku 24:2) Chelili Yehoyada nafwi dehi, Yowashi wamufutaleleli Yehova muloña wakudikunda nawantu atama.—2Ku 24:17-19.

Mumafuku awapostolu, kapostolu Pawulu wesekejeli chipompelu chawakwaKristu ‘netala deneni’ nawa antu amuchipompelu wayesekejeli “nayuma yawuru” hela yuma yekala mwitala. Twatwalekañahu kwikala “yuma yimu yamudimu walema,” neyi tuleka kudikunda namuntu wudi wejima, hela wamuchisaka chetu hela wamuchipompelu, welaña yuma yamuneñeshaña Yehova. (2Ti 2:20, 21) Dichi, tutwalekihu kudikunda nawantu amukeña Yehova nawa atukoleshaña kumukalakela yena.

TALENU VIDIYO YALEKENU KUDIKUNDA NAWANTU ATAMA NAWA AKULENU AWA MALWIHU:

• Kudikunda nawantu atama kunateli kutuluwañesha munjilanyi?

• Kwesekeja navidiyo, chumanyi chakwashili akwaKristu asatu kuleka kudikunda nawantu atama?

• Yishinanyi yamuBayibolu yinateli kuyikwasha kutonda chiwahi amabwambu?