Yehova, “Nzambi wamuzañalu” nakukeña nindi tutiyeña kuwaha namudimu wakushimwina. (1 Ti 1:11) Tukwikalaña namuzañalu neyi tunakuwahishaku njila jetu jakushimwinamu. Kwihula malwihu kunateli kumusañumuna muntu nawa diyi njila yakutachikilamu kuhanjeka namuntu. Malwihu aleteshaña muntu kutoñojoka nankashi. (Mat 22:41-45) Neyi tunakumwihula muntu malwihu nikutiyilila chinakwakulayi, chidi neyi kwiji tunakumuleja netu, ‘Walema kudi ami.’ (Yak 1:19) Ñakwilu yikuhanayi muntu yikutukwasha kwiluka chakuhanjeka nindi chiwahi.

TALENU VIDIYO YINAKWILA NAWU, IKALENU NAMUZAÑALU WAFUMAÑA MUKWILISHA ATUMBANJI​—WAHISHENUKU NJILA JENU​—KWIHULA MALWIHU, NAWA AKULENU AWA MALWIHU:

• Yilwilwinyi yayiwahi yamwekeshayi Jade?

• Malwihwinyi azatishayi Neeta hakwila yamwekeshi kukeña?

• Malwihwinyi azatishayi Neeta hakwila yamusañumuni Jade nansañu yayiwahi?

• Malwihwinyi azatishayi Neeta kulonda yamukwashi Jade kutoñojoka?