CHATELA KUSHAKAMAWU AKAKRISTU
Yehova Wamwinaña Antu Achikeka muSpiritu
Ejima wetu twaneñaña mpinji yikwawu. Neyi muntu naneñi hichinayi mukwila nawu nazeyi kuspirituku. Kafwampi, niYehova washimuna nindi waneñeli mpinji jikwawu (Kut 6:5, 6) Twatela kwila ñahi neyi tunakuneña nankashi hela mpinji yejima?
Mulombenu Yehova ayikwashi. Yehova nakufwila chikupu kutukwasha muyitoñojoka nichitunakutiya. Welukaña neyi tunazañalali hela neyi tunaneñi. Welukaña chaleteshaña tutoñojokeña munoyu njila nikutiya chitunakutiya. (Ms 7:9b) Chasweja kulema, Yehova watwakamenaña nawa nateli kutukwasha kuumika nachineñi chitunakutiya nichikela chitukweti.—Ms 34:18.
Hembenu yitoñojoka yenu. Chineñi chinateli kutuletesha kulonda tubuli kwikala namuzañalu nikuluwañesha wubwambu wetu naYehova. Muloña wachumichi, twatela kukiña muchima wetu, wuntu wetu wamukachi.—Yis 4:23.
TALENU VIDIYO YINAKWILA NAWU CHINAKUDILUÑISHAWU AMANAKWETU KUWUNDA, HELA CHAKWILA ANAKUNEÑA, NAWA AKULENU AWA MALWIHU:
-
Yumanyi yelayi Nikki yamukwasha kuumika chineñi?
-
Muloñadi Nikki chatoñojokelayi nindi watela kuya kuchipateli kulonda amukwashi? —Mat 9:12
-
Munjilanyi Nikki mwamushindamenayi Yehova?
