Njila jajiwahi anvwali munateli kukwashilawu anyanawu kwikala namaana aNzambi hikuyikwasha kulonda adiluñisheña kupompa. Yuma yamonañawu atwansi, yatiyañawu niyakulañawu hakupompa yinateli kuyikwasha kumwiluka Yehova nawa akwikala amabwambu jindi. (Kuh 31:​12, 13) Neyi mudi anvwali munateli kukwasha ñahi mwanenu kudiluñisha kupompa?

• Zatenuña nañovu muyeña Kwitala daWanta nakupompa.—Ms 22:22

• Ikalenuña nampinji yeneni yakuhanjeka nawamanakwetu henohu kupompa kanda kutachiki nihanyima yakupompa.—Heb 10:25

• Muntu-himuntu wamuchisaka ekaleña namukanda wakuzatisha hakupompa hachozelu hela wakupulinta

• Mukwashenu mwanenu aloñesheña ñakwilu yikuhoshayi mumazu indi.—Mat 21:​15, 16

• Hoshenuña yuma yayiwahi kutalisha hakupompa niyuma yitwadizaña

• Kwashenu anyanenu azateñaku nyidimu yidi neyi yakuwahisha Itala daWanta nikuhanjeka nawatushinakaji amuchipompelu chenu

Kukwasha anyanenu kuswina kwakwihi naYehova chakeñekaña kuzata nañovu nawa mpinji yikwawu chamwekanaña neyi himudimu wakala. Hela chochu, Yehova wukuyikwasha.—Isa 40:29.

TALENU VIDIYO YINAKWILA NAWU ANVWALI SHINDAMENENU HADI YEHOVA NIMUÑOVU JINDI, NAWA AKULENU AWA MALWIHU:

• Kuzeya kwayikwojejeleña aZack naLeah kubula kwiladi?

  Ñakwilu yenu

• Muloñadi anvwali chatela kumulombawu Yehova ayinki ñovu?

  Ñakwilu yenu

• Munjilanyi Zack naLeah chashindamenawu hadi Yehova kulonda ayikwashi?

  Ñakwilu yenu