Chineli twahanaña nyikanda nimavidiyo ashindamena haBayibolu chawaana, antu amakwawu atoñojokaña nawu chetejewa kusha yuma yetu hama webusayiti acheñi hela haintaneti. Ilaña, kwila mwenimu hikufumpa Nshimbi Jakulondela (Terms of Use *) hakuzatisha webusayiti yetu nawa chumichi chinaleti kukala kwakuvulu. Neyi chiyashimunawu muyina Nshimbi, kwosi muntu etejawu kusha “nyevulu, nyikanda yahaintaneti, yinjikijilu, tumina, mafoto, mavidiyo hela yibaaba yahawebusayi yahaintaneti yacheñi (hela webusayi yacheñi, webusayiti yakuditemeshelahu yuma, kuditumina mavidiyo hela hamafoni).” Muloñadi chiyashilaku iyi nshimbi?

Yuma yejima yekala hawebusayiti yetu yakiñewa nanshimbi (copyrighted). Akwakusekesha niakwankunyi netu azatishaña nyikanda yetu hamawebusayiti awu aletesheña aYinsahu jaYehova niantu amakwawu kujinoka. Nkeñelu yamawebusayiti awu yakuletesha antu ajinokeña. (Mas. 26:4; Yish. 22:5) Amakwawu azatishaña yuma yekala munyikanda yetu hela jw.org logo hakutiyakesha nsañu, hayuma yakulandisha nihama apu ahamafoni. Tukweti wuswa wakulekesha antu azatishaña yuma yetu chaluwa, muloña yuma yetu yejima ayikiña nanshimbi. (Yish. 27:12) Ilaña neyi tulekaña antu hela amanakwetu, kusha mavidiyo hamawebusayiti acheñi hela  kuzatisha chinjikijilu cha jw.org hayuma yakulandisha, akutwinka muloña kudi chota nawu tunakwiteja akwakunyi niakwakulandisha kuzatisha yuma yetu munjila yabula kwitejawu.

Chatama kuloñolola nyikanda yetu hawebusayiti yacheñi yinabuli kwikala jw.org. Yehova wenka hohu “nduñu wamaana nikashinshi” mudimu wakuloñesha yakuda yakuspiritu. (Mat. 24:45) Iwu “nduñu” wazatishaña hohu awa mawebusayiti hakuloñesha yakuda yakuspiritu—www.pr418.com, tv.pr418.com, ni wol.pr418.com. Nawa tukweti hohu ma apu asatu ahamafoni —JW Language^®, JW Library^®, ni JW Library Sign Language^®. Twatela kukuhwelela hohu iyi yuma muloña mwosi nsañu yakuselujola hela yuma yatama yamukaayi kaSatana. Neyi yakuda yakuspiritu yihita mumawebusayiti acheñi, dikwila nawu nsañu anayihimpi hela anayitamishi.—Mas. 18:26; 19:8.

Kubombelahu, kusha yuma yetu hamawebusayiti akwila antu ahosheñahu kwaleteshaña akwakusekesha niakwakudimbulula kuhosha yuma yikuletesha antu kutachika kubula kukuhwelela kuloñesha kwaYehova. Amanakwetu amakwawu aditadekaña haintaneti, dichi asawulaña ijina daYehova. Bayi neyi intaneti diyi njila ‘yakudizishilamu namuchima wamwovu antu adikañañaku.’ (2 Tim. 2:23-25; 1 Tim. 6:3-5) Chinamwekani neyi antu adi namaadilesi akwiñilila hamawebusayiti nihaintaneti akweti ijina dakuloñesha kwetu, Izanvu Dalombolaña niamamembala amunidi izanvu. Henonu kwosi nimembala hela wumu waMwizanvu Dalombolaña wukweti webusayiti yindi hela wamwekenaña hamaintaneti acheñi.

Kuleja antu kuya ha jw.org hinjila yakutiyakeshelamu “nsañu yayiwahi.” (Mat. 24:14) Yozelu yitwazatishaña mumudimu wakushimwina yinatwaleki kuwahilaku. Tunakukeña yikwasheña antu ejima. Dichi, neyi chinashimuniwu muNshimbi Jakulondela, munateli kutemeshela mukwenu mukanda kuzatisha emelu hela kumutemeshela linki yayuma yidi ha jw.org. Neyi tulejaña antu kuya hawebusayiti yetu, dikwila nawu tunakuyileja kuyatela kuwana yakuda yakuspiritu, “nduñu wamaana nikashinshi.”