NJILA JINATELI KUYIKWASHA HAKUDIZA NKAWENU
Antu Apama kuSpiritu Afuukulaña Chachiwahi
Tañenu Kutachika 25:29-34 kulonda mwiluki neyi chakwila aEsawu naYakoba afuukwili chachiwahi.
Sandujolenu chikupu munoyu nsañu. Yumanyi yamwekeni henohu chumichi kanda? (Kutach. 25:20-28) Yumanyi yamwekeni hanyima yachumichi?—Kutach. 27:1-46.
Sandujolelenuhu chikupu nsañu jikwawu. Munana mafuku, mwana weyala wawedi wadiña nawuswanyi nawa nyidimwinyi yateleli kuzatayi?—Kutach. 18:18, 19; w10 5/1 13.
-
Komana muntu wateleleli kwikala mwana weyala wawedi hakwila ekali nkakulula yaMesiya? (w17.12 14-15)
Toñojokenu hayuma yimunadiziliku nawa yizatishenu. Muloñadi Yakoba chalemesheleliyi wuswa wakwikala wedi kubadika chawulemesheliyi Esawu? (Heb. 12:16, 17; w03-CW 10/15 28-29) Yehova watiyili ñahi hayuma yeliliwu awa amanakwamuntu ayedi, nawa muloñadi? (Mal. 1:2, 3) Chumanyi chaambukaku chadi kwilayi Esawu hakwila afuukuli mwamuwahi?
-
Dihulenu nenu, ‘Natela kumwekesha ñahi kusakilila hayuma yakuspiritu kutalisha hayuma yinelaña mumulungu, chidi neyi kutonda mpinji yakudifukwilamu kudifukula kwachisaka?’