Chakudiza
Wanenu Yuma Yalema yakuSpiritu Kutalisha Hadi Yehova
Neyi tunakutaña Bayibolu, tunateli kuzatisha yitwa yashiyashana yakutukwasha hakudiza kulonda tutiyishishi yuma yitunakutaña. Ilaña hitwatela hohu kudiza kulonda twilukishi chahosha Bayiboluku. Twatela kuwana yuma yalema yakuspiritu kutalisha hachekalayi Yehova yikutukwasha tusweji kumukeña. Hakwila twili mwenimu, twatela kudihula netu, ‘Iyi nsañu yamuBayibolu yinakundizishadi hadi Yehova?’
Tunateli kukeñakeña wunsahu wunakumwekesha yilwilu yaYehova yabadika, chidi neyi kukeña, maana, wuñanji niñovu. Hela chochu, iyi hidiyi hohu yilwilu yikwetiyi Yehovaku. Munabombeli cheñi yilwilu yikwawu yayiwahi. Kudihi kutunateli kuwana nsañu yikwawu kutalisha hayilwilu yindi?
Hitulukenu muyilwilu yikwawu yakubadika ha 50 yawanikaña muWatch Tower Publications Index mumutu wunakwila nawu “Yehova,” kuhiñahu yenu hakamutu kanyanya kanakwila nawu “Yilwilu Hejina-Hejina.” Sandujolenu hachilwilu chinesekani nansañu yimunakutaña. (Neyi mudi hohu nawuswa wakwiñila haChitwa Chakukwasha aYinsahu jaYehova haKusandujola Nsañu, yenu hamutu wunakwila nawu “Yehova Nzambi,” kuhiñahu yenu hakamutu kanyanya kanakwila nawu “Yilwilu yaYehova.”)