Komana mwatañili nakanañachima yibaaba yakatataka yaKaposhi Kakutalila? Talenu neyi mukutwesha kwakula awa malwihu:

Hakukwasha anyanawu kuspiritu, muloñadi anvwali añiinza chatela kutondelawu idimi dinakutiya anyana?

Anyanenu anateli kudiza muchidi wahoshañawu munodu iluña kushikola hela muchituñilu. Chikumukwasha mwana neyi yeluka madimi amavulu. Anvwali atela kwiluka idimi dinateli kuyikwasha anyanawu kupama kuspiritu, kuhitila mukutonda chipompelu chazatishaña idimi damunodu iluña hela chazatishaña idimi dawu. Anvwali akwaKristu akeñaña anyanawu kwikala anha kuspiritu chatela wena aheteleñamu hohu.—w17.05, mafu 9-11.

Yesu chamwihwiliyi Petulu nindi: “Wankeña kubadika iyi tahindi?” wateneneñadi? (Yow. 21:15)

Dichi chidi neyi Yesu wateneneña inshi yalumbikiliwu mukamwihi/ hela mudimu wakukwata inshi. Hanyima yakwila Yesu nafwi, Petulu wafuntili kumudimu windi wakukwata inshi. AkwaKristu atela kudishinshika neyi alemesha mudimu wakumujimba hela nehi.—w17.05, mafu 22-23.

Muloñadi Abarahama chamulejeleliyi ñodindi kuhosha nindi wadiña muhelindi? (Kutach. 12:10-13)

Chalala Sara wadiña muhelindi. Mazu ahosheli Abarahama adiña alala. Neyi Sara wahosheli nindi wadiña ñoda Abarahama, kachi amujihili nawa nkeñelu yaNzambi yakuvwala mwana akaniniwu yadi kushikijewa wanyi.—wp17.3, mafu 14-15.

Njilanyi yazatishiliyi Elias Hutter hakukwasha antu akeñeleña kudiza chiHeberu?

Wakeñeleña atudizi kwiluka chaambu chadiña hachiHeberu chazatishiliwu muBayibolu namazu abombeleñawu kumazu aweni. Nkumininaku, wasonekeleña mazu aweni munsona jatamuka nawa akubombelaku munsona jabula kutamuka. Azatisha njila yoyimu mutumazu twaheshina muNew World Translation of the Holy Scriptures—With References.—wp17.4, mafu 11-12.

Yumanyi yinateli kuleñela mukwaKristu kubula kwikala nawuta wakudikiña nachu kudi akwawu antu?

Yuma yaleñelaña diyi iyi: Nzambi walemesha wumi. Yesu wayilejeli wanyi atumbanji twindi kusenda jimpoku kulonda adikiñi nachu. (Luka 22:36, 38) Twatela kuchila jimpoku jetu kwikala matemwa. Wumi walema kubadika yuma yejima. Twalemeshaña yinleji yawakwetu, nawa twatela kwikala nayilwilu yayiwahi. (2 Kor. 4:2)—w17.07, mafu 31-32.

Muloñadi nsañu yaMatewu niyaLuka yahosha hachihandilu chaYesu chiyambukila?

Nsañu yaMatewu yahosha nankashi hadi Yosefu, yashimuna cheliliyi Yosefu hampinji yadiñayi Mariya nevumu, chamulejeliwu kudi kañelu nsañu yakutemukila kuEjipitu nichafuntiliyi. Nsañu yaLuka yashimuna nankashi hadi Mariya chakutalilahu, chayiliyi nakumuhempula Elizabeta, nicheliliyi Mariya hampinji yashaliliyi Yesu mutembeli.—w17.08, ifu 32.

Bayibolu yinatwalekihu ñahi?

Mazu ninhoshelu yazatishiliwu muBayibolu yinahimpiki nakutachika kutalisha mwacheñi mukuhita kwayaka, nfulumendi yahimpili idimi dahosheleñawu antu amavulu. Nawa kwadiña ikañesha dakubalumuna Bayibolu mumadimi ahosheleña antu.—w17.09, mafu 19-21.

Komana twekala nakañelu watukiñaña?

Inehi. Yesu wahosheli hadi añelu jawatumbanji twindi nindi atalaña kumesu aNzambi. (Mat. 18:10) Watalishili mukwila nindi añelu akamenaña atumbanji indi ejima bayi neyi ayikiñaña muchihayamishaku.—wp17.5, ifu 5.

Kukeña kwamuchidinyi kwabadika?

Kukeña kwashindamena hayishina a·gaʹpe diku kukeña kwabadika hakukeña kwejima. Kwabombelamu kudikunda namuntu. Ilaña kwamwekeshaña yishina yabadika chidi neyi kwilila antu amakwawu yuma yayiwahi.—w17.10, ifu 7.