Amanakwetu niahela amavulu awana nawu yibaaba yamwekenaña hefu datachi ha jw.org yayikwashaña mumudimu wakushimwina. Yaswayi kutemeshela antu haintaneti, nawa kakavulu yalumbululaña yuma yinakumwekana chiyinakushikija wuprofwetu wamuBayibolu. Neyi chasonekeliyi manakwetu wumu nindi, yibaaba yidi hefu datachi “yinakutukwasha nankashi mumudimu wakushimwina chayinu mpinji.”

Ilaña iyi yibaaba avula kuyihimpa nakushahu yacheñi. Hanu dinu munateli kuwana ñahi yibaaba yinakubula kumwekena hefu datachi?

• Hefu datachi ha jw.org, chintenu halinki yidi hewulu defu hanasonekiwu nawu “See More.” Iyi linki yikushinkula ifu hanasonekiwu nawu “Recently Featured on the Home Page,” himukuwana yibaaba yayivulu yamwekeneni hefu datachi ha jw.org.

• Ha jw.org hela ha JW Library^®, yenu hanasonekiwu nawu “Library,” kuhiñahu chintenu hanasonekiwu nawu “Article Series,” nkumininaku, yenu hanasonekiwu nawu “More Topics.” Hanichi chibalu hadi yibaaba yayivulu yamwekenaña hefu datachi.