Komana mwatañili nakanañachima yibaaba yakatataka yaKaposhi Kakutalila? Talenu neyi mukutwesha kwakula awa malwihu:

Yumanyi yiwana yinateli kutukwasha kwimba chiwahi?

Tunateli kwila mwenimu kuhitila mukunyamuna mukanda wetu hewulu. Kuhitila mukoona chiwahi. Neyi twasamisha mukanwa nikwimba nañovu, tunateli kwimbila hewulu.—w17.11, p. 5.

Yumanyi yinatutiyishi kuwaha kutalisha hamaluña nyikwakwa yaya kunyisumba yakubatamina?

Kwadiña nyisumba 6 yakubatamina yashiliwu mwituña yadiña nanyikwakwa yakuwahisha chiwahi yaya kuniyi nyisumba. Muntu nateli kutemukila kweniku kulonda yawani kwakubatamina swayi-swayi chakadi kukala kudi kwejima.—w17.11, p. 14.

Muloñadi chawaana chaNzambi chefutu danyiloña daYesu chichinekalili chawaana chabadika chitwatela kutambwila?

Chatukwashaña kulonda tukatwalekihu kuhanda, nawa chatukwasha kwiluka netu twakasubuka kunshidi nikukufwa. Hamuloña wakwila Nzambi watiyilili anyana kaAdama luwi dichi watwinkeli Yesu hitwadiña akwanshidi.—wp17.6, pp. 6-7.

Masamu 118:22 yashimwineñahu dehi ñahi kusañuka kwaYesu?

Yesu amukaanini nawu diyi Mesiya wanyi nawa amujahili. Ateleleli kumusañula hakwila yekali “ilola damwiwombu dahewulu.”—w17.12, pp. 9-10.

komana mwivumu mwavwalikililiyi Mesiya alondeleleña wedi?

Mpinji yikwawu antu amakwawu mwavwalikililiyi Yesu adiña awedi, ilaña bayi neyi ejima adiña awediku. Davidi mwana kaJesi hadiña wediku ilaña Mesiya wavwalikilili muchisaka chaDavidi.—w17.12, pp. 14-15.

Yishinanyi yashimunawu muBayibolu kutalisha hayitumbu?

Munshimbi yaMosi, yikatu yikwawu adiña nakuyihembela antu akata kwakankawawu. Antu adiña nakwisuka kumakasa hanyima yakukwata chibimbi. Nshimbi yashimwini cheñi nawu tuji twamuntu atela kutuvumbika. Mwana amwalamishileña neyi munahiti dehi mafuku 8, chadiña chachiwahi muloña chilonda chadikwataña swayi.—wp18.1, p. 7.

Muloñadi chichabulila kutamina kudikeña munjila yayiwahi?

Twatela kukeña akwetu neyi chitwadikeña etu aweni. (Maku 12:31) “Amayala atela kukeña añodi jawu neyi chakeñawu nyijimba yawu aweni.” (Efwe. 5:28) Hela chochu kukeña kwakudikeña etu aweni kunateli kwikala kukeña kwakudimbana.—w18.01, p. 23.

Yumanyi yitwatela kwila hakwila nawu tupaminiku kuspiritu?

Twatela kudiza Izu daNzambi, kutoñojokahu nikuzatisha yuma yitunakudiza. Twatela cheñi kwenzununa yitoñojoka nimuchima wetu kulonda spiritu yajila yitukwashi, cheñi twatela kwiteja wukwashu kudi antu amakwawu.—w18.02, p. 26.

Muloñadi akwakuhoña natutumbwa niakwuhoña hohu chiyakubulila kutuleja yuma yakumbidi?

Kudi yuma yayivulu yaleteshaña, ilaña chuma chacheni chidi chakwila nawu Bayibolu yakaanisha kuhoña kwejima.—wp18.2, pp. 4-5.

Muloñadi chitwatelela kuya neyi anatutambiki, nawa munjilanyi?

Neyi atutambika nawa twiteja, twatela kushikijamu. (Mas 15:4) Dichi bayi tukaana kuyakuku. Muntu wunatutambiki wazata nañovu hakwila yaloñeshi yakuda.—w18.03, p. 18.

Yumanyi yatela kudizila amayala atondewa kudi Timotewu?

Timotewu wayakameneneña antu nawa watwamijiliku yuma yakuspiritu. Wazatileña nañovu mumudimu wajila nawa wazatishileña yuma yadizileñayi. Watwalekelihu kudidizisha yomweni nikushindamena haspiritu yaYehova. Aeluda niantu amakwawu atela kudizila kudi Timotewu.—w18.04, pp. 13-14.