Ikalenu Nachikuhwelelu Kulonda Mufuukuleña Chiwahi!
‘Twalekenuhu kulomba nakukuhwelela chakadi kujinoka hela chanti.’—YAK. 1:6.
TUMINA: 81, 70
1. Chumanyi chaletesheli Kena yakañanyi kufuukula mwaloña, nawa mwafuminidi?
KENA wateleleli kufuukulahu, wadi kutondahu: Kutondolwela yitoñojoka yindi yanshidi hela kwiteja yitoñojoka yatama kuyuula yilwilu yindi. Njila yadi kutondayi yadi kumukwasha muchihandilu chindi hela nehi. Mweluka chatondeliyi Kena; wafuukwili chatama. Kufuukula kwindi kwaletesheli yamujahi mwanyikindi Abeli washinshika. Nawa kufuukula kwaKena kwaletesheli wubwambu windi naNleñi yindi kumana.—Kutach. 4:3-16.
2. Wuswa wetu wakufuukula munjila yayiwahi wawahiladi?
2 Ninetu kudi yuma yitwatela kutondahu nikufuukulahu. Bayi neyi yuma yejima yitwafuukulaña yinateli kutujahisha hela kutuhandishaku. Hela chochu, muyuma yitwafuukulaña niyitwatondaña munateli kufuma yuma yayiwahi hela yatama. Dichi, neyi tuzatisha wuswa wetu wakufuukula munjila yayiwahi chikutukwasha kushakama mukuwunda chakadi kutoboka nikuneña.—Yish. 14:8.
3. (a) Hakwila nawu tufuukuli chiwahi, twatela kukuhwelelanyi? (b) Malwihwinyi itukuhanjekahu?
3 Chumanyi chinateli kutukwasha kufuukula chiwahi? Twatela Yakoba 1:5-8.) Chitwaswina kwakwihi nayena nikukeña Izu dindi, tukukuhwelela netu wunsompeshi windi waloña. Nawa tukwikala nachaaku chakusandujolaña Mwizu daNzambi henohu kanda tufuukuli. Hanu dinu tunateli kwila ñahi hakwila nawu tufuukuleña chiwahi? Komana kwikala nawuswa wakufuukula chinayi mukwila nawu kwosi kuhimpa mutunafuukuli hela chinakali ñahi?
kumukuhwelela chikupu Nzambi nikukuhwelela netu nakufwila kutukwasha nawa wukutwinka maana kulonda tufuukuleña chiwahi. Twatela cheñi kukuhwelela Izu daYehova nichelañayi yuma, nikukuhwelela kufumba kwaNzambi konenewa. (TañenuMUNTU WAKEÑEKAÑA KUFUUKULAHU MUCHIHANDILU CHINDI
4. Adama wateleleli kufuukula hodi, nawa yumanyi yafumamu?
4 Kufuma tuhu haleñeliwu antu, amayala niambanda afuukwileña hayuma yalema. Adama wateleleli kufuukulahu kwovwahila Nleñi yindi hela Eva. Wadiña nawuswa wakufuukula, hanu dinu munakutoñojoka nenu wafuukwili chiwahi? Ñodindi adimbiliwu wamukojejeli yafuukuli chatama, chakwila wajimbesheli chihandilu chindi muParadisa nawa nkumininaku wafwili. Nawa iyi diyuma yatachi yafumini muyuma yafuukwiliyi. Tuchidi kukabakana nayuma yatama yafuma mukufuukula kwatama kwaAdama.
5. Muloñadi chitwatelela kufuukula?
5 Antu amakwawu atoñojokaña nawu neyi twafuukwileña wanyi kachi yuma yekala chiwahi. Ninenu dichimwatoñojokaña? Anukenu nenu, Yehova waleñeli wanyi antu neyi maroboti, abulaña kutoñojoka nikufuukula. Bayibolu yatudizishaña chitunateli kufuukula munjila yayiwahi. Hela chakwila Yehova wakeñaña nindi tufuukuleña, ilaña ichi chinayi wanyi mukwila nawu twatela kufuukula yuma yikutuletela wubanji. Tuhanjekenu hayakutalilahu yimu.
6, 7. A Isarela akushankulu ateleleli kufuukula chumanyi, nawa muloñadi chichayikalilili kufuukula mwamaana? (Talenu mwevulu wakutachikilahu.)
6 Chashikiliwu Mwituña daChikaninu, aIsarela akushankulu ateleleli kufuukulahu chuma chalema: Kudifukula kudi Yehova hela kudi nzambi wacheñi (hela anzambi acheñi). (Tañenu Yoshuwa 24:15.) Iku kufuukula kwamwekeneña neyi kwadiña kwapela. Ilaña, kufuukula kwawu kwadi kuyihandisha hela kuyijahisha. Kakavulu aIsarela adiña nakufuukula chatama hampinji yadiñaku aNsompeshi. Amulekeli Yehova nakutachika kudifuukula kudi anzambi akutwamba. (Ansomp. 2:3, 11-23) Toñojokenu hachuma chayimwekeneni antu jaNzambi akunyima hampinji yayilejeliwu nawu atela kufuukula. Kaprofwetu Elija washimwini hatooka yuma yateleleliwu kufuukulawu: Kumukalakela Yehova hela Bayali nzambi wakutwamba. (1 Anya. 18:21) Elija wayizuwilili antu hakukañanya kufuukula. Munateli kutoñojoka nenu chadiña chapela kutonda muloña kumukalakela Yehova dichuma chachiwahi. Kwosi muntu wamaana watela kukundama kudi Bayali hela kumukalakela. Hela chochu, aIsarela adiña ‘nakululuta, niniku kwakukundama nehi.’ Mukubabala, Elija wayilejeli njila yayiwahi yakudifukwilamu kudi Yehova.
7 Muloñadi chitukuhoshela netu aIsarela chatela chayikalilili kufuukula mwamaana? Chatachi, alekeli kumukuhwelela Yehova nawa akaanini kutiyilila izu dindi. Adiña wanyi nachikuku chakwiluka kwalala hela maana aNzambi nawa amukuhweleleli Mas. 25:12) Kubombelahu, etejeli antu amakwawu kuyiluwañesha nikuyifuukwila. Antu amunidi ituña abulileña kudifukula kudi Yehova aluwañesheli yitoñojoka yawaIsarela, chakwila atachikili kulondela ntañishilu yakutwamba. Yehova wayisoñamishileñahu dehi nindi chuma chamuchidiwu chikamwekana.—Kwid. 23:2.
wanyi Yehova. Neyi elileña yuma kwesekeja namwaya kwiluka kwalala chadi kuyikwasha kufuukula chiwahi. (KOMANA ATELA KUTUFUUKWILA KUDI ANTU AMAKWAWU?
8. Chumanyi chalema chitwadizilaña kudi aIsarela kutalisha hakufuukula?
8 Tunateli kudizila chikupu kuyakutalilahu yitunashimuni hewulu. Chidi kudi etu aweni kufuukula nikutonda mwamaana, nawa tunateli kufuukula chiwahi neyi tushindamena haNsona. Añalija 6:5 yatwanukishaña nawu: “Muloña muntu-himuntu wakadisendela chiteli chamudimu windi.” (Ftn.) Hitwatela kwinka muntu wacheñi mudimu wakutufuukwilaku. Ilaña twatela kwiluka etu aweni yuma yayiwahi yakeñañayi Nzambi nikutondahu kuyila.
9. Kukalanyi kunateli kufumamu neyi antu amakwawu atufuukwilaña?
9 Tunateli kwikala ñahi mukukala neyi twiteja antu acheñi kutufuukwila? Ikakeja dawakwetu dinateli kuletesha tufuukuli mwaluwa. (Yish. 1:10, 15) Hela chakwila akwetu akutukakeja chamuchidinyi, etu mudimu wetu wakulondela chinleji chetu chadizishewa naBayibolu. Neyi twiteja antu acheñi kutufuukwila, dikwila nawu tunafuukulihu ‘kuyilondeja.’ Hikufuukula kwetu, ilaña munateli kufuma yuma yatama.
10. Pawulu wayisoñamishili aÑalija hayumanyi?
10 Kapostolu Pawulu wayisoñamishili akwaÑalija hakukala kwafumaña mukwiteja antu amakwawu kuyifuukwila. (Tañenu Añalija 4:17.) Antu amakwawu muchipompelu akeñeleña kufuukwila akwawu kulonda abuli kulondela apostolu. Muloñadi? Ana antu adikeña akeñeleña hohu kuya mpuhu. Adiña adizoza wanyi nawa alemesheli wanyi wuswa wawakwawu akwaKristu wakudifuukwila.
11. Tunateli kukwasha ñahi amakwawu hampinji yinakufuukula?
2 Akorinda 1:24.) Makonu, aeluda neyi anakufumba amanakwawu kutalisha hayuma yatela kuditondelawu aweni, atela kulondela ichi chakutalilahu. Alejaña amanakwawu nsañu yekala muBayibolu. Hela chochu, aeluda atela kubabala kulonda abuleña kufuukwila amanakwawu niahela. Kwila mwenimu kwalema muloña muntu nimuntu wakadisendela chiteli chindi. Chikuma chacheni chidi chakwila nawu: Tunateli kumwekesha netu tunakukeña kuyikwasha amakwawu kuhitila mukuyileja yishina hela kufumba kwamuNsona. Ilaña, aweni diwu akweti wuswa nimudimu wakudifuukwila. Akuhetelamu neyi afuukula mwamaana. Dichi, twatela kutondolwela yitoñojoka yakwila nawu tukweti wuswa wakufuukwila amanakwetu niahela.
11 Pawulu washili chakutalilahu chachiwahi chakulemesha wuswa wawamanakwindi wakudifuukwila. (TañenuAeluda akweti kukeña akwashaña amakwawu kudifuukula awenawu (Talenu maparagilafu 10, 11)
KUFUUKULA IKU TUNAHILI
12, 13. Kukalanyi kwafumaña mukulondela nyichima yetu neyi tunakufuukula iku tunahili hela tunaneñi?
12 Antu amavulu ahoshaña nawu: Ilaku munakuleji muchima weyi. Ilaña kwila mwenimu kunateli kuleta kukala. Nawa kulondela iyi nhoshelu kwamunsona wanyi. Bayibolu yatusoñamishaña kubula kulondela nyichima yetu yabula kuwanina hela nhoshelu yawuntu neyi tunakufuukula. (Yish. 28:26) Nsañu yekala muBayibolu yamwekeshaña yuma yatama yafumaña mukulondela nyichima yetu. Kukala kudi kwakwila nawu antu abula kuwanina, ‘nyichima yawu yasweja kudimbana, yadimbanaña chakubadika yuma yejima, yasweja nikukata.’ (Yer. 3:17; 13:10; 17:9; 1 Anya. 11:9) Hanu dinu, yumanyi yikufumamu neyi tulondela nyichima yetu?
13 Muchima wetu walema nankashi, muloña etu akwaKristu atuleja nawu twatela kukeña Yehova namuchima wetu wejima nikukeña akwetu neyi chitwadikeña etu aweni. (Mat. 22:37-39) Ilaña Nsona jidi muparagilafu yinafumihu jinakumwekesha wubanji wekala mukwiteja chitunakutiya kuyuula yitoñojoka niyilwilu yetu. Chakutalilahu, chumanyi chinateli kufumamu neyi tufuukula iku tunahili? Neyi twafukuulahu dehi iku tunahili, tuneluki yuma yafumañamu. (Yish. 14:17; 29:22) Indi neyi tufuukula iku tunaneñi, yumanyi yikufumamu? (Kuch. 32:6-12; Yish. 24:10) Ilukenu nenu Izu daNzambi datulejaña kuwaha kwekala mukwikala “nduñu wanshimbi jaNzambi.” (Rom. 7:25) Chakadi nikujina, tunateli kufuukula mwaluwa neyi twiteja chitunakutiya kutuyuula hampinji yitunakufuukula hayuma yalema.
MPINJI YIMUNATELI KUHIMPA MUMUNAFUUKULI
14. Tuneluki ñahi netu kuhimpa mutunafuukuli kunateli kwikala kwakuwahi?
14 Twatela kufuukula mwamaana. Hela chochu, chinayi wanyi mukwila nawu kwosi kuhimpa neyi tunafuukuli dehi. Mpinji yikwawu chekalaña chachiwahi neyi tudifuntamu hadaha nikufuukula mwacheñi. Shinshikenu chuma cheliliyi Yehova kudi akwaNineve amumafuku aYona. “Nzambi wamweni ninyidimu yawu, nichakulekawu mwelilañawu mwatama, Nzambi wafuntishili muchima mwivumu nachumochu chatama chahosheliyi nindi nakayikoña; hachilili kwinduku.” (Yona 3:10) Yehova wahimpili mwafuukwiliyi chelili yamoni akwaNineve anabalumuki munyichima nakuhimpa yilwilu yawu. Cheliliyi mwenimu wamwekesheli kwovwaha, kudizoza niwushona. Kwambukaku nawantu amavulu, Nzambi hafuukulaña yuma yamukunkulwayiku hela chakwila nahili.
15. Yumanyi yikutuletesha tuhimpi mutunafuukuli?
1 Anya. 21:20, 21, 27-29; 2 Anya. 20:1-5) Hadaha tunateli kuwana wunsahu wukwawu walala wukutuletesha tuhimpi mutunafuukuli. Mwanta Davidi amulejeli nsañu yakutwamba hadi Mefwibosheti mwijikulwaSawulu. Chelili Davidi yatambuli wunsahu walala, wahimpili mwafuukwiliyi. (2 Sam. 16:3, 4; 19:24-29) Mpinji yikwawu, ninetu tunateli kwila mwomumu.
15 Mpinji yikwawu chekala chachiwahi kuhimpa mutunatondi hela mutunafuukuli. Tunateli kuhimpa mutunafuukuli neyi yuma yihimpa. Yehova wahimpileña mpinji yikwawu mwafuukwileñayi neyi yuma yinahimpi. (16. (a) Yumanyi yitwatela kulondela hakwila nawu tufuukuli chiwahi? (b) Twatela kumona ñahi yuma yitwafuukwili kunyima nawa muloñadi?
16 Izu daNzambi datufumbaña nawu twatela wanyi kushikena dakufuukula hohenohu neyi tunakufukuula hayuma yalema. (Yish. 21:5) Neyi tutoñojokaña chiwahi hawunsahu wejima wutukweti hayuma yitunakufuukula, tunateli kufuukula mwamaana. (1 Tesa. 5:21) Mutu wachisaka watela kusandujola muNsona nimunyikanda yetu yawakwaKristu henohu kanda yafuukuli nawa watela kwihula chinakutojokawu amakwawu muchisaka. Anukenu nenu Nzambi wamulejeli Abarahama kutiyilila mwahosheliyi ñodindi. (Kutach. 21:9-12) Aeluda niwena atela kwikala nampinji yakusandujola. Neyi amwovu nawa adikehesha, akuhimpa mwafuukwiliwu neyi chakwila atambwila nsañu yayiha nawa yalala kutalisha hayuma yafuukwiliwu dehi. Atela kuhimpa yitoñojoka yawu nimunafuukuliwu neyi chinatwesheki, nawa wejima wetu twatela kwila mwomumu. Chumichi chinateli kuleta kuwunda nikunuñañana muchipompelu.—Yil. 6:1-4.
SHIKIJENU MUMWAFUUKWILI
17. Tunateli kufuukula ñahi chiwahi?
17 Yuma yikwawu yitwafuukulaña yakala kubadika yikwawu. Yuma yakala kufuukula yakeñekaña kutoñojokahu chikupu nikulombelahu nawa hahitaña mpinji. AkwaKristu amakwawu afuukulañahu kusumbula nimuntu watela kusumbulawu. Chuma chikwawu chakala kufuukula hikwiluka chakwiñila mumudimu wampinji yejima nimpinji yakutachika kuwuzata nawa mwafumaña nkisu jajivulu. Neyi tunakufuukula hayuma yamuchidiwu, twatela kumukuhwelela Yehova netu wukutukwasha nawa wakwashaña antu kufuukula munjila yayiwahi. (Yish. 1:5) Dichi, chikuwa neyi tukuzatisha Bayibolu kulonda yitukwashi nawa twatela kulomba wukwashu waYehova mukulomba. Nawa ilukenu nenu, Yehova wukutukwasha kwikala nayilwilu yikutukwasha kufuukula chiwahi kwesekeja nankeñelu yindi. Neyi tunakufuukula hayuma yalema twatela kudihula netu: ‘Kufuukula kwami kukumwekesha nawu namukeña Yehova? Kukuleta muzañalu nikuwunda muchisaka chami? Nawa kukumwekesha nawu nadiwunjika nawa nikweti luwi?’
18. Muloñadi Yehova chakeñelañayi nindi tufuukuleña chiwahi?
18 Yehova watukanjikijaña wanyi kumukeña hela kumukalakela. Tunateli kutondahu etu aweni. Chineli watwinka wuswa wakudifuukwila, walemesha mudimu niwuswa wetu ‘wakuditondela etu aweni’ neyi tunakukeña kumukalakela hela nehi. (Yosh. 24:15; Mukwa. 5:4) Ilaña wakeñaña nindi tushikiji mutwafuukwili kushindamena hanshimbi. Neyi tukukuhwelela Yehova chelañayi yuma ninshimbi jindi jatwinkayi, tukufuukulaña chiwahi nawa tukumwekeshaña netu twadiloñesha mpinji yejima.—Yak. 1:5-8; 4:8.