CHIBAABA CHAKUDIZA 22
Wahishenu Njila Yenu Yakudizilamu!
“Mwiluki yuma yalema nankashi.”—FWI. 1:10.
KAMINA 35 ‘Shinshikenu Yuma Yabadika Kulema’
NSAÑU YIDI MUCHIBAABA *
1. Muloñadi antu amakwawu chabulilañawu kukeña kudiza?
MAKONU chakeñekaña kuzata nañovu hakwila nawu tuwani mwakuhandila. Amanakwetu azataña maora amavulu hakwila akeñeli chisaka yuma yakeñekaña muchihandilu. Amakwawu niwena azatishaña mpinji yeneni ifuku nifuku-hakuya nihakufuma kumudimu. Amakwawu azataña nyidimu yakola hakwila adakameni. Hakukuma kwefuku awa amanakwetu niahela azeyaña. Chuma chafumañamu akañanyaña kudiza muloña wakuzeya.
2. Mwadizaña mpinjinyi?
2 Walala wudi wakwila nawu, twatela kwikala nampinji yakudiza, kudiza chikupu Izu daNzambi ninyikanda yetu yawakaKristu. Wubwambu wetu naYehova niwumi wetu wahaya nyaaka washindamena hakudiza. (1 Tim. 4:15) Amakwawu ahindukaña mafuku ejima ntetemena nakudiza henohu kwosi ipumba nawa yitoñojoka yichidi kanda yiluwankani. Amakwawu niwena ashiyañaku kapinji hela kantesha hakumana kwefuku kulonda adizi nikutoñojokahu chikupu hansañu yinadiziwu.
3-4. Kuhimpikanyi kudiku kutalisha hansañu yatuloñeshelañawu, nawa muloñadi?
3 Chakadi nikujina munateli kwiteja nenu chalema kwikala nampinji yakudiza. Hanu dinu yumanyi yimwatela kudiza? ‘Kudi nsañu yayivulu yakudiza,’ munateli kuhosha nenu. ‘Chankalilaña kudiza yuma yejima.’ Amakwawu atweshaña kutaña nyikanda yetu yejima nikutala mavidiyo ejima ashindamena haBayibolu, ilaña amakwawu chayikalilaña. Izanvu Dalombolaña deluka chumichi. Muloña wachumichi, Izanvu Dalombolaña
dafuukwilihu kukeheshaku kusoneka nyikanda yahaintaneti niyakupulinta.4 Chakutalilahu, twaleka kwidisha mukanda waYearbook of Jehovah’s Witnesses, chineli nsañu jajivulu jakukolesha jidi ha jw.org® nimaprogilamu ahakakweji ha jw broadcasting. Kaposhi Kakutalila kawantu amavulu niaAwake! ayisoñekaña hohu kasatu muchaaka. Iku kuhimpika hikunenzi muloña wakwila nawu tuzatisheña mpinji yeneni kunyidimu yetuku. Ilaña anakwishiku kulonda tusheña maana ‘kuyuma yalema nankashi’ yakuspiritu. (Fwi. 1:10) Tuhanjekenu chimunateli kufukulahu yuma yalema chikupu nichimunateli kuhetela mukudiza Bayibolu kwankawenu.
TONDENU YUMA YIMWATELA KUDIZAHU
5-6. Nyikandanyi yitwatela kudizaña nakanañachima?
5 Yumanyi yitwatela kusambila kudiza? Twatela kwikalaña nampinji yakudiza Izu daNzambi mafuku ejima. Mavasi amuBayibolu itwadizaña hakupompa kwamumulungu ayikehesha kulonda twikaleña nampinji yakutoñojoka chikupu hansañu yitunakutaña nikusandujola. Chikonkwanyi chetu chatela kwikala chakudiza nakwiteja mazu ashikeña hamuchima kulonda tukundameña kwakwihi naYehova, bayi neyi kukumina dakufwila kutañaña nakumanisha hohuku.—Mas. 19:14.
6 Yumanyi yikwawu yitwatela kudiza nakanañachima? Hela chochu, twatela kuloñesha Kaposhi Kakutalila Kakudiza niKudiza Bayibolu haChipompelu kushilahu ninsañu yikwawu hakupompa kwamukachi kamulungu. Twatela cheñi kutañaña Kaposhi Kakutalila niAwake! yejima yinediki.
7. Komana twatela kuneña neyi chakwila tunakukañanya kudiza nikutala yuma yejima yawanikaña hawebusayiti niha JW Broadcasting?
7 Munateli kuhosha nenu ‘eña,’ ‘indochu yibaaba yikwawu nimavidiyo ekala hawebusayiti jw.org, kushilahu ninsañu yekala haJW Broadcasting? Tukweti yuma yayivulu.’ Talenu chakutalilahu: Mulesitilanti mwekalaña yakuda yayiwahi yayivulu. Ilaña akwakulanda hiyalandaña yakuda yejima yekalañamuku. Alandañaku hohu yakuda yinakeñiwu. Munjila yoyimu, neyi mwakañanyaña kudiza yuma yejima yaloñeshawu haintaneti, bayi muneñaku. Tañenu hela kutala mavidiyo imukutwesha. Tuhanjekenu hayuma yinabombeli mukudiza nichitunateli kuhetelamu.
KUDIZA KWAKEÑEKAÑA KUZATA NAÑOVU
8. Njilanyi yitwatela kulondela neyi tunakudiza Kaposhi Kakutalila, nawa kwila mwenimu kunateli kuyikwasha ñahi?
8 Kudiza hikutaña nakufwila kutiyishisha chikupu yuma yitunakutaña. Bayi neyi hikutaña hohu lufuchi nakufunda ñakwiluku. Chakutalilahu, neyi munakuloñesha Kaposhi Kakutalila Kakudiza, chatachi, mwatela kutaña nsañu yidi muchibaaba. Kuhiñahu, tañenu nikutoñojoka hamutu wachibaaba kushilahu nitunyitu twanyanya nimalwihu akuhitulukamu. Nkuminaku, tañenu chibaaba mumesu awunda nawa nakanañachima. Shenu muchima hanyikuku yinakulumbulula yuma yidi muparagilafu. Iwu mukuku wamazu wukuyikwasha kwiluka chikuma chidi muparagilafu. Chimukutañaña chibaaba, shinshikenu paragilafu chiyinakwendela hamu nakamutu kushilahu nichiyinakwatankani namutu wachibaaba. Sonekenu mazu adi ejima ninsañu yimwabulili kwiluka nawa yimunakufwila kusandujola.
9. (a) Muloñadi nawa munjilanyi mutwatela kushilaku muchima kujinsona mpinji yitunakudiza Kaposhi Kakutalila? (b) Neyi chinashimuniwu haYoshuwa 1:8, yumanyi yitwatela kwila kubombela hakutaña jinsona?
9 Kaposhi Kakutalila Kakudiza katukwashaña kutiyishisha nsañu yamuBayibolu. Yoshuwa 1:8.
Shenuñaku muchima chikupu kujinsona, sweje-e jakutaña neyi munakudiza chibaaba muchipompelu. Shenuñaku muchima chikupu kulonda mumoneña mazu hela nyikuku yidi muvasi chiyinakulumbulula yikuma yidi muparagilafu. Cheñi, ikalenuña nampinji yakutoñojoka chikupu hajinsona jimunatañi nichimunateli kujizatisha muchihandilu chenu.—TañenuAnvwali lejenuña anyanenu chakudiza (Talenu paragilafu 10) *
10. Kwesekeja na Aheberu 5:14, muloñadi anvwali chiyatela kwikalilawu nampinji yakuleja anyana chakudiza nichakusandujola hakudifukula kwachisaka?
10 Anvwali akeñaña anyanawu kudiluñisha Kudifukula kwaChisaka mulungu nimulungu. Hela chakwila mpinji yejima anvwali atela kufuukula yuma yakuhanjeka hakudifukula kwachisaka mulungu nimulungu, ilaña hiyatela kuloñeshaña hohu yuma yakuzañaleshaku. Mpinji yikwawu Kudifukula Kwachisaka kunateli kwikala kwakutala progilamu yahakakweji ha JW Broadcasting nikakweji hela kuhema yisela yamuBayibolu, chidi neyi kutuña watu waNowa, ilaña chalema cheñi kuleja anyana chakudiza. Atela cheñi kwiluka chakuloñesha kupompa kwachipompelu, chakutalilahu, atela nikwiluka chakusandujola hansañu yamwekeni kushikola. (Tañenu Aheberu 5:14.) Neyi ekalaña nampinji yeneni yakudiza kwitala, chikuyipelela kusha maana nikutiyishisha nsañu yikudizawu hakupompa kwachipompelu, kwañinza nikweluña, mwabulaña mavidiyo. Hela chochu, kuleha kwakudiza kwatela kushindamena hayaaka niwuswa wukweti anyana wakuhemba yuma.
11. Muloñadi chichalemena kudizisha atudizi etu aBayibolu chakuloñesha chiwahi kudiza kankawawu?
11 Atudizi aBayibolu niwena atela kudiza chakusandujola. Neyi atachika kudiza Bayibolu, twatiyaña kuwaha neyi afunda ñakwilu nikuloñesha kudiza kwawu kwaBayibolu hela kuloñesha kupompa kwachipompelu. Ilaña twatela kudizisha atudizi etu aBayibolu chakusandujola nichakudiza chiwahi neyi adi kankawawu. Muniyi njila, neyi kukala kuyimwekena, chikwikala chaswayi kuwana nsañu yinateli kuyikwasha kuhitila mukusandujola munyikanda yetu henohu kanda asambili kulomba wukwashu kudi antu amuchipompelu.
IMIKENU CHIKONKWANYI HAMPINJI YIMUNAKUDIZA
12. Neyi tunakudiza, yumanyi yitwatela kufwila?
12 Neyi mwakeña wanyi kudiza, munateli kutoñojoka nenu chaswayi wanyi kwiluka chakuloñesha kudiza kulonda mudiluñisheña. Ilaña mukutwesha. Munateli kutachika kudiza hakapinji kantesha hohu, kuhiñahu dinu
mukutachika kudiza chovu-chovu hadi mpinji yeneni. Toñojokenu hayuma yimunakukeña kwiluka. Hela chochu, chuma chalema chitwatela kufwila hikuswina kwakwihi naYehova. Chuma chitwatela kwila swayi-swayi hikwakula lwihu lunehuli muntu hela kusandujola hakukala kutukweti.13. (a) Lumbululenu atwansi chiyanateli kulumbululwilawu akwawu akashikola yuma yakuhwelelawu. (b) Munateli kuzatisha ñahi kufumba kwekala haAkolosi 4:6?
13 Chakutalilahu, komana wudi kansi mukashikola? Hadaha akwenu akashikola akuhwelela nawu yuma yadileñeli yayeni. Wukukeña neyi wuhakwiliku chalala kwesekeja nachatañishaña Bayibolu, ilaña hadaha wunakumona neyi wukutwesha wanyi. Dichi, chakeñekaña kudiza. Yuma yiwatela kufwila kwila diyeniyi: (1) koleshaku chikuhwelelu cheyi chakwila nawu Nzambi diyi waleñeli yuma yejima (2) nikudiza chiwunateli kulumbulula yuma yiwakuhwelela. (Rom. 1:20; 1 Pet. 3:15) Chatachi watela kudihula neyi, ‘Chumanyi chinaleteshi akuhweleli nawu yuma yadileñeli?’ Kuhiñahu sandujolaku munyikanda yetu hanoyu nsañu. Chinateli kwikala chaswayi kulumbulula yuma yiwakuhwelela kubadika chiwajinokaña. Antu amavulu akuhwelela nawu yuma yadileñeli yayeni muloña wakwila antu alemeshawu diwu ayilejeli nawu yalala. Neyi wuwana chikuma chimu hela yiyedi yiwunateli kuyileja, wunateli kukwasha muntu wunakukeña kudiza chalala.—Tañenu Akolosi 4:6.
IKALENU NAMPWILA YAKUDIZA
14-16. (a) Munateli kwila ñahi hakwila mudizi yuma yayivulu hamukanda wamuBayibolu wumwabula kwilukisha? (b) Lumbululenu nyikanda yinazatishiwu chiyinateli kuyikwasha kutiyishisha mukanda waAmosa? (Talenu cheñi chikasha chinakwila nawu “ Fwilenuña Kwiluka Chikupu Antu Ashimunawu muBayibolu.”)
14 Twili netu hakupompa kukalondelahu kwachipompelu twakashinshikaña hamukanda wumu wawihi muBayibolu wawuprofwetu, hadaha wumwabula kwilukisha. Chatachi, mwatela kufwila kwiluka yuma yasonekeli owu kaprofwetu. Munateli kwila ñahi mwenimu?
15 Chatachi, dihulenu nenu: ‘Yumanyi yineluka hadi nsoneki yaniwu mukanda? Wadiñanyi, washakamineña kudihi, nawa wazatileña mudimwinyi?’ Neyi twiluka yuma yayivulu hadi iwu nsoneki, tukwiluka muloña waweni wazatishililiyi mazu niyakutalilahu yasonekeliyi. Chimukutañaña Bayibolu, talenuña nyikuku yantesha yamazu yinakumwekesha chadiñayi nsoneki yanowu mukanda.
16 Kuhiñahu, mwatela kwiluka mpinji yasonekeliwu owu mukanda. Munateli kwila mwenimu neyi mukutala “Ntanjikilu yanyikanda yamuBayibolu” yidi kunyima yaBayibolu yaChizungu yaNew World Translation of the Holy Scriptures. Kubombelahu, munateli cheñi kutala chati yawatuprofwetu nianyanta yidi haAppendix A6. Neyi mukanda wamuBayibolu wumunakudiza wawuprofwetu, chikuwaha neyi mwiluka chihandilu chawantu adiñaku hampinji yawusonekeliwu. Yilwilwinyi hela yumanyi yatama yelileñawu antu yamutemesheleliwu iwu kaprofwetu nawu ayisoñamishi? Anyi adiñaku haniyi mpinji yadiñaku iwu kaprofwetu? Hakwila nawu mwilukishi chiwahi iyi nsañu, mwatela kusandujola munyikanda yikwawu yamuBayibolu. Chakutalilahu, hakwila tutiyishishi chikupu yuma yamwekeneña mpinji yadiñaku kaprofwetu Amosa, mwatela kutaña nsañu jikwawu jekala mumukanda wa 2 Anyanta ni 2 Kushindulula, jatanjikawu kunsona jinakuhosha hanoyu nsañu yidi haAmosa 1:1. Kubombelahu, munateli kudiza cheñi nsañu yasonekeli Hoseya, wadiñaku mumpinji yaAmosa. Nyikanda yejimiyi yinateli kuyikwasha kwiluka chikupu chadiña chihandilu mumpinji yadiñaku Amosa.—2 Anya. 14:25-28; 2 Kushi. 26:1-15; Hos. 1:1-11; Amosa 1:1.
SHENU MUCHIMA KUTUYUMA TWANYANYA
17-18. Zatishenu yakutalilahu yidi muparagilafu hela yakutalilahu yenu, kulumbulula nsañu yamwekanaña neyi yanyanya chiyinateli kuyikwasha kudiluñisha kudiza Bayibolu.
17 Neyi tunakutaña Bayibolu, chachiwahi kwikala namuchima wakufwila kudiza nsañu yayivulu. Chakutalilahu, fwikijenu munakutaña kapetulu 12 kawuprofwetu waZekariya, washimwineñahu dehi kufwa kwaMesiya. (Zek. 12:10) Neyi mwinza muvasi 12, mwatañaña nenu “chisaka chamutaña waNatani” chakadila nankashi hakufwa kwaMesiya. Chatela munyakali hohu kuhita haniyi nsañu, mwatela kuhudikila nakudihula nenu: ‘Kunuñañananyi kwekalahu hachisaka chamutaña waNatani naMesiya? Kudihu njila yikwawu munatela kudizila nsañu yikwawu?’ Mwatela kusandujola. Nsona jinakuhosha hanoyu nsañu jikuyilombola ha 2 Samweli 5:13, 14, himwadizaña nenu Natani wadiña mwana hakachi kanyana kaMwanta Davidi. Nsona yikwawu yinakuhosha haniyi nsañu haLuka 3:23, 31, yamwekeshaña nawu Yesu wafumini kumutaña waNatani kuhitila mudi Mariya. (Talenu “Yosefu, mwana kaHeli,” hansañu yakudiza yidi haLuka 3:23.) Nkuminaku mukwikala nampwila. Mweluka nenu Yesu amushimwineñahu dehi nawu wakavwalikila kumutaña waDavidi. (Mat. 22:42) Ilaña Davidi wadiña nanyana yawamayala kubadika ha 20. Chumichi chatuhayamishaña wanyi hakwiluka netu Zekariya washimwineñahu dehi nindi antu amwitala daNatani akadila hakufwa kwaYesu.
18 Shinshikenu chakutalilahu chikwawu. Mukapetulu katachi kaLuka twatañañamu Luka 1:32, 33) Tunateli hohu kusha maana hachibalu chatachi chansañu yashimwiniyi Gabireli nindi, Yesu akamutena nawu “Mwana kaMukwakubadika Chikupu.” Ilaña Gabireli waprofweteli cheñi nindi Yesu “wakekala Mwanta.” Tunateli kudihula chatoñojokeliyi Mariya mwatalishili mazu amulejeliwu kudi Gabireli. Komana watoñojokeleña nindi Gabireli wahosheleña nindi Yesu wakamusinsa Mwanta Herodi, hela kwikala hakachi kawanswana akayuula muIsarela? Neyi chakwila Yesu wekalili mwanta, dikwila nawu Mariya wadi kwikala mama yamwanta nawa chisaka chindi chadi kushakamaña muchipañu. Hela chochu, kwosi wunsahu wamwekeshaña nawu Mariya wahanjekelihu naGabireli haniyi nsañu; hela kanda tutañeñahu dehi nawu Mariya walombeli chifulu muWanta neyi cheliliwu atumbanji twaYesu ayediku. (Mat. 20:20-23) Iyi nsañu yinakumwekesha chikupu nawu Mariya wadiña mumbanda wadizoza.
nawu kañelu Gabireli wamuhempwili Mariya nakushimuna mwana weyala wakavwalayi nindi: “Owu mwana wakekala muneni, akamutena nawu Mwana kaMukwakubadika Chikupu nawa Yehova Nzambi wakamwinka itanda datata yindi Davidi, wakekala Mwanta haya nyaaka mwitala daYakoba.” (19-20. Neyi chinalumbululiwu haYakoba 1:22-25 ni 4:8, chumanyi chitwatela kufwila neyi tunakudiza?
19 Twanukeña netu kwanukaña netu chuma chacheni chitwadizilaña Izu daNzambi ninyikanda yetu yawakaKristu hikukundama kwakwihi naYehova. Twafwilaña cheñi kwiluka ‘chitwekala’ niyuma yitunateli kuhimpa kulonda tumuzañalesheña Nzambi. (Tañenu Yakoba 1:22-25; 4:8.) Mpinji yejima yitunakutachika kudiza, twatela kumulomba Yehova spiritu yindi. Twatela kumulembelela chikupu kulonda nsañu yitunakudiza yitukwashi kumona hitwatela kuzatila neyi chakeñañayi.
20 Wejima wetu tufwileña kwikala neyi muntu waNzambi alumbululawu kudi ñimbi yamasamu nindi: “Watiyaña kuwaha nanshimbi jaYehova; nshimbi jindi watoñojokañamu nimwaana niwufuku. . . . Yejima yakwilayi yikulumbuluka hohu.”—Mas. 1:2, 3.
KAMINA 88 Nleji Njila Jeyi
^ para. 5 Yehova watwinkaña nsañu yayivulu yitwatela kutaña, kudiza nimavidiyo itwatela kutala. Achinu chibaaba chikuyikwasha kutonda yuma yimwatela kudiza nawa chinashimuni njila yayiwahi yinateli kuyikwasha kulonda muhetelimu mukudiza kwankawenu.
^ para. 61 KULUMBULULA NYEVULU: Anvwali anakuleja anyanawu chakuloñesha Kaposhi Kakutalila Kakudizamu mulungu nimulungu.
^ para. 63 KULUMBULULA NYEVULU: Manakwetu nakusandujola hadi nsoneki waBayibolu Amosa. Nyevulu yidi kunyima yinakumwekesha yuma yinakufwikijayi manakwetu hampinji yinakutañayi nsañu yamuBayibolu nikutoñojokahu.